Vikipediya

Ülviyyə Fətəliyeva

Ülviyyə Hasil qızı Fətəliyeva[2] (3 avqust 1996[3], Gəncə) — azərbaycanlı şahmatçı, beynəlxalq usta (2022).

Ülviyyə Fətəliyeva
Ölkə  Azərbaycan
Doğum tarixi (27 yaş)
Doğum yeri Gəncə, Azərbaycan
Titulu beynəlxalq usta (2022)
Son reytinqi
  • 2.378 (aprel 2024)[1]
Maksimal reytinqi 2.428 (noyabr 2022)
FİDE nömrəsi 13403052
Vikianbarın loqosu Vikianbarda əlaqəli mediafayllar

Həyatı redaktə

Ülviyyə Fətəliyeva 3 avqust 1996-cı ildə Gəncə şəhərində, Azərbaycan şərabçılığı tarixində ilk doktor və professor olan[4] Hasil Fətəliyevin ailəsində anadan olub.[5] Əslən Zərdab rayonunun İsaqbağı kəndindəndir.[5] Gəncə şahmat məktəbinin yetirməsidir.[6] Bakalavr təhsilini Azərbaycan Dillər Universitetində, magistr təhsilini isə İtaliyada almışdır.[7]

Karyerası redaktə

2010-cu ildə Batumidə keçirilən 14 yaşadək şahmatçılar arasında Avropa çempionatında bütün rəqiblərini üstələyərək birinci olub.[8][9]

2011-ci ildə 20 yaşlı qızlar arasında Azərbaycan çempionu olub.[10]

2014-cü ildə Batumidə təşkil olunmuş 18 yaşadək şahmatçılar arasında Avropa çempionatında qızıl medal qazanıb.[11]

2017-ci ildə qadınlar arasında Azərbaycan çempionatında Günay Məmmədzadədən 1 xal az toplayaraq gümüş medal qazanıb.[12] Eyni ildə həmçinin, Azərbaycanın "Odlar Yurdu" komandasının heyətində Türkiyənin Antalya şəhərində keçirilmiş klub komandaları arasında Avropa Kubokunda gümüş medal qazanıb.[13]

2022-ci ildə Çexiyanın paytaxtı Praqada keçirilən qadınların Avropa çempionatında 8 xalla brünc medala sahib olmuşdur.[14] 2024-cü ildə Yunanıstanda baş tutmuş Avropa çempionatında 8,5 xalla qalib olmuşdur. Beləliklə, Avropa çempionatında qızıl medal qazanmış ilk Azərbaycan qadın şahmatçısı olmuşdur.[15]

Milli komanda redaktə

Ülviyyə Fətəliyeva qadınlardan ibarət şahmat üzrə Azərbaycan yığmasının heyətində dünya (2017, 2021) və Avropa çempionatlarının (2015, 2017, 2019, 2021, 2023) iştirakçısı olub. Bundan əlavə o, 2016-cı ildə Bakıda keçirilmiş 42-ci Ümumdünya Şahmat Olimpiadasında Azərbaycanın ikinci komandasının heyətində mübarizə aparmışdır.[16]

2022-ci ilin 28 iyul-9 avqust tarixləri arasında Hindistanın Çennai şəhərində keçirilmiş 44-cü Ümumdünya Şahmat Olimpiadasında Azərbaycanın qadınlardan ibarət yığma komandasının heyətində beşinci lövhədə mübarizə aparmış və şəxsi göstəricidə gümüş medal qazanmışdır.[17]

İstinadlar redaktə

  1. ↑ FİDE FIDE Standard Ratings as of 30 april 2024. 2024.
  2. ↑ Gəncə şəhər İxtisaslaşdırılmış Şahmat-Dama Olimpiya Ehtiyatları Uşaq Gənclər İdman Məktəbi Arxivləşdirilib 2014-04-24 at the Wayback Machine (az.)
  3. ↑ chessgames.com. 2001.
  4. ↑ "TANINMIŞ ÜZÜMÇÜLƏR: Fətəliyev Hasil". 2017-04-12 tarixində orijinalından arxivləşdirilib. İstifadə tarixi: 2021-01-19.
  5. ↑ 1 2 "Avropa çempionu titulunu qazanan ilk Azərbaycan şahmatçısı Ülviyyə Fətəliyevanı Zərdab rayonu ilə nə bağlayır? – VİDEO". Zerdab.com. 2024-05-03 tarixində arxivləşdirilib. İstifadə tarixi: 2024-05-04.
  6. ↑ Ülviyyə Fətəliyeva "Odlar Yurdu" kollektivinin heyətində çıxış edir // ganjanews.az. 11 oktyabr 2017.
  7. ↑ ATV. "Avropada hamıdan güclü olan qadın şahmatçımız" (az.). Youtube.com. 02.05.2024. 2024-05-02 tarixində arxivləşdirilib. İstifadə tarixi: 2024-05-02.
  8. ↑ "3 азербайджанских шахматиста завоевали титул Чемпиона Европы". AZE.az. 2010-09-29. İstifadə tarixi: 2017-10-17.
  9. ↑ "European Youth Chess Championship Batumi 2010 — Girls Under 14". 2017-11-07 tarixində arxivləşdirilib. İstifadə tarixi: 2018-08-09.
  10. ↑ "Chess-Results Server Chess-results.com - AZE Ch U20 Girls 2011". chess-results.com. 2017-11-07 tarixində arxivləşdirilib. İstifadə tarixi: 2018-08-09. (#first_missing_last)
  11. ↑ "Chess-Results Server Chess-results.com - 24th EUROPEAN YOUTH CHESS CHAMPIONSHIP 2014". chess-results.com. 2016-03-04 tarixində arxivləşdirilib. İstifadə tarixi: 2018-08-09. (#first_missing_last)
  12. ↑ "Chess-Results Server Chess-results.com - Azerbaijan Women's Championship". chess-results.com. 2017-11-07 tarixində arxivləşdirilib. İstifadə tarixi: 2018-08-09. (#first_missing_last)
  13. ↑ "Azərbaycanın "Odlar yurdu" şahmat komandaları gümüş və bürünc medallar qazanıblar". Azertag.az. 2021-10-15 tarixində arxivləşdirilib. İstifadə tarixi: 13 Aprel 2018.
  14. ↑ European Women Chess Championship 2022 Arxivləşdirilib 2022-09-26 at the Wayback Machine. Chess-results.com
  15. ↑ "Ülviyyə Fətəliyeva Avropa çempionu oldu - Tarixə düşdü". Qafqaz.info. 29 aprel 2024. 2024-04-29 tarixində arxivləşdirilib. İstifadə tarixi: 29 aprel 2024.
  16. ↑ "İlham Əliyev 42-ci Ümumdünya Şahmat Olimpiadasının təntənəli açılış mərasimdə iştirak edib". President.az. 2018-04-16 tarixində arxivləşdirilib. İstifadə tarixi: 2018-08-09.
  17. ↑ 44th Chess Olympiad 2022 Women Arxivləşdirilib 2022-08-04 at the Wayback Machine. chess-results.com

Xarici keçidlər redaktə

Mənbə — "https://az.wikipedia.org/w/index.php?title=Ülviyyə_Fətəliyeva&oldid=7615914"