İnba gölü bədheybəti
İnba gölü bədheybəti və ya İnbanuma kaycusu (印旛沼の怪獣?) – Yaponiyanın Çiba prefekturasının ərazisində yerləşən İnba gölündə ortaya çıxdığı iddia olunan bədheybət.[1]
Tarixi redaktə
25 sentyabr 1843-cü ildə bir neçə hökumət məmuru və işçi İnba gölünün polderində işləyərkən fırtına başlamışdır. İddiaya görə qəfildən suyun altından 4,6 metr hündürlüyündə, dikburunlu, meymunaoxşar, qara kürklü və iti caynaqlı qəribə varlıq ortaya çıxmışdır.[1]
Bədheybət hündür qayanın başında hərəkətsiz dayanıb ona baxanları süzdükdən sonra ildırım "çağırmış", onlarla şəxsin eyni anda ölümünə və yaralanmasına səbəb olmuşdur. Hadisədən sağ qurtulanlar bu hadisəni başqalarına çatdırsalar da, ömürlük xəstə qalmışdırlar. Bədheybət yoxa çıxmış və bir daha görünməmişdir.[1]
Ehtimallar və iddialar redaktə
Ehtimalların birinə görə böyük bir suiti ölkənin daxili hissələrinə qədər gəlib çıxa bilmiş və yerli sakinləri çaşdırmışdır. Bir başqa fikrə görə bu, göldə aparılan işlərin qarşısını almaq məqsədilə ortaya atılmış uydurma hekayədir.[1]
Populyar mədəniyyətdə redaktə
2020-ci ildə gölün yaxınlığında yerləşən Yaçiyo Bələdiyyə Folklor Muzeyində İnba gölü bədheybətinin 1:4 miqyasında olan modeli yaradılmışdır. Modelin görünüşü üç müasir mətndəki təsvirlərə əsaslanır.[1]
İstinadlar redaktə
- ↑ 1 2 3 4 5 "Lake Imba Monster". Atlas Obscura (ingiliscə). 19 dekabr 2023. 2023-12-19 tarixində arxivləşdirilib. İstifadə tarixi: 19 dekabr 2023.