İoaxim Lelevel

İoaxim Lelevel (22. 3. 1786, Varşava-29. 5. 1861, Paris) —Polşa tarixçisi, ictimai xadim. 1808-ci ildə Vilno Universitetini bitirmiş, 1815-1818-ci il və 1821-1824-cü illərdə həmin Universitetin tarix kafedrasının müdiri işləmişdir. Gizli vətənpərvər təşkilatlarla əlaqə saxlamış, Polşa üsyanı (1830-1831) zamanı müvəqqəti hökumətin tərkibinə seçilmiş, üsyanın məğlubiyyətindən sonra Fransaya mühacirət etmişdi. Lelevel çarizmə qarşı birgə mübarizəyə çağıran "Rus qardaşlara" məktubuna görə 1833-cü ildə Fransadan sürgün edilmiş və Brüsselə köçərək burada inqilabi fəaliyyətini davam etdirmişdi. Lelevel Polşa tarixşünaslığında romantik məktəbin banisidir. Lelevel Polşanın siyasi tarixinə dair bir sıra əsərin müəllifidir.

İoaxim Lelevel
pol. Joachim Lelewel
Şəxsi məlumatlar
Doğum tarixi	22 mart 1786
Doğum yeri	Varşava
Vəfat tarixi	29 may 1861 (75 yaşında)
Vəfat yeri	Paris
Dəfn yeri	Rossa qəbiristanlığı[d]
Vətəndaşlığı	Polşa  Reç Pospolita
Hərbi fəaliyyəti
Vikianbarda əlaqəli mediafayllar