Ələkbər Qəmərli
Ələkbər Yusif oğlu Qəmərli (12 dekabr 1950, Naxçıvan) — Azərbaycan Respublikası İqtisad Məhkəməsi sədrinin birinci müavini; Birinci ixtisas dərəcəli hakim (1993).
| Ələkbər Qəmərli | |
|---|---|
 | |
| Şəxsi məlumatlar | |
| Doğum tarixi | 12 dekabr 1950 (73 yaş) |
| Doğum yeri | |
| Təhsili |
|
| Fəaliyyəti | hüquqşünas, arbitr, hakim |
Həyatı redaktə
12 dekabr 1950-ci ildə Naxçıvan şəhərində doğulmuşdur. 1967-ci ildə Naxçıvan şəhəri 1 saylı orta məktəbi bitirmişdir. 1969–1971-ci illərdə Sovet ordusu sıralarında həqiqi hərbi xidmət etmişdir. 1972–1976-cı illərdə Azərbaycan Dövlət Universitetinin Hüquq fakültəsində ali təhsil almışdır. 1984-cü ildə SSRİ Ədliyyə Nazirliyinin ədliyyə işçilərinin Ümumittifaq Təkmilləşdirmə İnstitutunda ixtisasını artırmış, 1989-cu ildə SSRİ Nazirlər Soveti yanında Xalq Təsərrüfatı Akademiyasının dövlət idarəçiliyi ali rəhbər işçilərinin ixtisasartırma instututunu bitirmişdir.
1976-cı ildən 1981-ci ilədək Azərbaycan SSR Ədliyyə Nazirliyində baş məsləhətçi, 1981-ci ildən 1987-ci ilədək isə Azərbaycan SSR Dövlət Arbitrajında dövlət arbitrı vəzifələrində işləmişdir.
30 dekabr 1987-ci ildə Azərbaycan SSR Ali Soveti Rəyasət Heyətinin fərmanı ilə Azərbaycan SSR Baş Dövlət Arbitrının müavini, 1992-ci ilin iyun ayından Azərbaycan Respublikası Milli Məclisi tərəfindən Azərbaycan Respublikası Ali Arbitraj Məhkəməsi sədrinin birinci müavini[1], 1995-ci ildən isə Azərbaycan Respublikası İqtisad Məhkəməsi sədrinin birinci müavini seçilmişdir.
6 dekabr 1993-cü ildə Azərbaycan Respublikası Milli Məclisinin qərarı ilə qanunla hakimlər üçün müəyyən olunmuş birinci ixtisas dərəcəsi verilmişdir.[2]
2000-ci ilin iyul ayında səlahiyyət müddəti bitdiyi üçün vəzifədən azad olunmuşdur.
2000–2010-cu illərdə "BM" və "Lekx" hüquq firmalarında və "Sabina" MMC-də Baş direktorun hüquq müşaviri vəzifələrində çalışmışdır.
Ailəlidir, 3 oğlu, 8 nəvəsi var.
İstinadlar redaktə
- ↑ "Ə. Y. Qəmərlinin Azərbaycan Respublikası Ali Arbitraj Məhkəməsi sədrinin birinci müavini və V. C. Kamalovun Azərbaycan Respublikası Ali Arbitraj Məhkəməsi sədrinin müavini seçilməsi haqqında Azərbaycan Respublikası Milli Məclisinin 8 iyul 1992-ci il tarixli 203 nömrəli qərarı" (az.). e-qanun.az. 1992-07-08. 2024-03-14 tarixində arxivləşdirilib. İstifadə tarixi: 2024-03-14.
- ↑ "Azərbaycan Respublikası Ali Arbitraj Məhkəməsinin hakimlərinə ixtisas dərəcəsi verilməsi haqqında Azərbaycan Respublikası Milli Məclisinin 6 dekabr 1993-cü il tarixli 766 nömrəli qərarı" (az.). e-qanun.az. 1993-12-06. 2024-03-14 tarixində arxivləşdirilib. İstifadə tarixi: 2024-03-14.