Abşeron mayakı
Abşeron mayakı — Abşeron arxipelaqında gəmilərə yol göstərmək məqsədi ilə sahil yaxınlığında inşa olunan hündür mərtəbəli tikili. Azərbaycandakı yerli mayaklardan ən irisidir.
| Abşeron mayakı | |
|---|---|
 Abşeron mayakı | |
| Ölkə | |
| Su hövzəsi | Xəzər dənizi |
| Yerləşir | Gürgən, Azərbaycan |
| Koordinatlar | 40°24′25″ şm. e. 50°19′30″ ş. u. |
| Tikilmə tarixi | 23 oktyabr 1860 |
| Tikinti materialı | daş |
| Hündürlüyü | 25 m |
| Diapazon | əsas: |
| HRMC nömrəsi | AZE-006 |
 |
|
 Vikianbarda əlaqəli mediafayllar | |
Tarixi redaktə
1859-cu ildə Pirallahı adası ilə üzbəüz dağda tikilmişdir. Mayak 23 oktyabr 1860-cı ildə istifadəyə verilmişdir.
Texniki göstəriciləri redaktə
Quruluşu redaktə
Mayak 25 metrlik, lövbərlər şəklində pəncərələr və tağlı giriş ilə orijinal konstruksiyalı daş qüllədən ibarətdir. Tikilinin zirvəsinə 102 pilləli dolanbac pilləkan aparır.
İşıqlandırılması redaktə
İstifadəyə verildiyi vaxtdan etibarən işığın 38 km uzaqlıqdan görünməsinə malik olmuş, gəmilərin materik və Pirallahı adası arasındakı Abşeron boğazına təhlükəsiz daxil olmasını təmin etmişdir. 1912-ci ilə qədər mayak kerosin lampası ilə işıqlandırılırdı. 1912-ci ildən mayakın işıqlandırılması kerosin-kürə qurğusu, 1956-cı ildən isə elektrikləşmə ilə əvəz edilmişdir. Hal-hazırda mayakın işıqlandırılmasını 500 vt-lıq elektrik lampası və xüsusi linzalar təmin edir.
Poçt markası üzərində redaktə
2013-cü ilin may ayında Bakı şəhərində Azərbaycan Respublikası Rabitə və İnformasiya Texnologiyaları Nazirliyinin "Azərmarka" şirkəti tərəfindən Abşeron arxipelaqının mayaklarına həsr olunmuş 5 ədəd poçt markası təqdim edilmişdir. Qiyməti 50 qəpik olan həmin markalardan biri Abşeron mayakına həsr olunmuşdur[1].
Mənbə redaktə
İstinadlar redaktə
- ↑ Lighthouses of Azerbaijan. azermarka.az Arxivləşdirilib 2013-06-24 at the Wayback Machine (az.)