Hər kəsin redaktə edə biləcəyi azad ensiklopediya olan

Vikipediyaya xoş gəlmisiniz!

Hal-hazırda Azərbaycanca Vikipediyada 200.912 məqalə mövcuddur.

Həftənin seçilmiş məqaləsi

Roma imperiyasında xristianların təqibi — bütün Roma imperiyasında xristianlara qarşı b.e. I əsrindən başlayaraq b.e. IV əsrinə qədər davam edən sporadik və adətən lokal xarakter daşıyan təqiblər. Roma ilkin olaraq Roma paqanizmi və ellinistik din ənənələrində çoxtanrılı bir imperiya idi. Xristianlıq imperiyada yayıldıqca Roma imperator kultu ilə ideoloji qarşıdurmalara girmişdir. İnancları bütlərə sitayişi qadağan etdiyi üçün paqanların ilahiləşdirilmiş imperatorlara və ya digər tanrılara qurban vermək kimi əməlləri xristianlar üçün qeyri-əxlaqi idi. Dövlət və vətəndaş cəmiyyətinin digər üzvləri xristianları dövlətə xəyanətə, müxtəlif dedi-qodulardan ortaya çıxan cinayətlərə, qeyri-qanuni toplantılara və Romada mürtədliyə səbəb olan əcnəbi kultun tətbiqinə görə cəzalandırırdı. Romada ilk lokallaşmış təqib imperator Neronun (54–68) dövründə baş vermişdir. Daha ümumiləşmiş təqiblər Mark Avrelinin (161–180) dövründə gerçəkləşmişdir. Yaranan sakitlikdən sonra təqiblərə imperatorlar Desi Trayan (249–251) və Trebonian Qall (251–253) tərəfindən davam edilmişdir. Desinin dövründə xristianların təqibi xüsusilə genişmiqyaslı olmuşdur. İmperator I Valerianın (253–260) dövründəki təqib onun İran–Roma müharibələri zamanı baş tutan Edessa döyüşündə Sasani imperiyasının şahənşahı I Şapur (240–270) tərəfindən əsir götürülməsi ilə sona çatmışdır. Onun xələfi Qallien (253–268) təqiblərə müvəqqəti olaraq son qoymuşdur.

(Davamı...)

Arxiv – Digər seçilmiş məqalələr...

Həftənin yaxşı məqaləsi

Azərbaycan Demokrat Partiyası — Azərbaycanda 26 yanvar 1991-ci il tarixlərində təsis edilmiş, 17 oktyabr 1991-ci ildə Naxçıvan Muxtar Respublikası Nazirlər Kabineti tərəfindən rəsmi qeydiyyata alınmış, ardınca 14 mart 1993-cü ildə Ədliyyə Nazirliyi tərəfindən rəsmi dövlət qeydiyyatından keçmiş, lakın 1 sentyabr 1995-ci ildə qeydiyyatı ləğv olunmuş, sonuncu dəfə isə 3 fevral 2000-ci ildə yenidən rəsmi dövlət qeydiyyatından keçmiş siyasi partiya. Azərbaycan Demokrat Partiyası I çağırış Azərbaycan Respublikasının Milli Məclisində transfer üsulu ilə 7 millət vəkili — Zəminə Dünyamalıyeva, Şamil Yusifov, Akif Şahbazov, Solmaz Ələsgərova, Mahir Əsədov, Yusif Bağırzadə və Umar Əfəndiyev ilə təmsil olunmuşdur. Beləliklə, partiya Azərbaycanda ilk dəfə siyasi transfer etmişdir.

(Davamı...)

Arxiv – Digər yaxşı məqalələr...

Həftənin seçilmiş siyahısı

Cəlairi hökmdarlarının siyahısı — sultanlığın əsası 1340-cı ildə Şeyx Böyük Həsən tərəfindən qoyulmuş və ikinci hökmdarı sultan Üveysin hakimiyyət illərində ən qüdrətli dövrünü yaşamışdır. Sultan Üveys dövründə Cəlairilər Azərbaycanı, Şərqi Anadolunun və Əcəm İraqının bir hissəsini ələ keçirdilər. Həmçinin bu dövrdə Şirvanşahlar və Mərkəzi İranda hakimiyyətdə olan Müzəffərilər Cəlairilərin vassalına çevrildilər. Sultanların iqamətgahı müxtəlif dövrlərdə Bağdad, Təbriz, Şuştər və Hillə olmuşdur. 1340-cı ildən 1432-ci ilədək Cəlairilər sultanlığı 10 sultan tərəfindən idarə olunmuşdur. 3-cü hökmdar sultan Əhmədin ölümündən sonra dövlət süqut dövrünə qədəm qoydu və uzun müddət keçmədən Bağdad (1412) və Ərəb İraqının böyük hissəsi Qaraqoyunlular tərəfindən ələ keçirildi. Bundan sonra Cəlairi sultanları Şuştər və Hillə civarında 20 il hakimiyyətdə oldular. 1432-ci ildə son Cəlairi hökmdarı II Hüseynin Hillədə Qaraqoyunlu əmir İsfahan tərəfindən öldürülməsi ilə Cəlairilər sultanlığı süquta uğradı.

(Davamı...)

Arxiv – Digər seçilmiş siyahılar...

Günün seçilmiş şəkli

Xəbərlər

Mixail Kavelaşvili (şəkildə) Gürcüstanın altıncı prezidenti seçilib.
Suriyalı müxaliflərin irimiqyaslı hücumu nəticəsində məğlubiyyətə uğradılan Suriya Silahlı Qüvvələrinin geri çəkilməsi ilə paytaxt Dəməşq şəhəri müxaliflər tərəfindən tutuldu və Suriya prezidenti Bəşər Əsəd hakimiyyətdən uzaqlaşdırıldı.
Beynəlxalq Cinayət Məhkəməsi Fələstində davam edən müharibə ilə bağlı cinayətləri araşdırarkən İsrailin Baş naziri Benyamin Netanyahu və keçmiş müdafiə naziri Yoav Qallantın həbsinə order verib.

Aktual hadisələr: Suriyada vətəndaş müharibəsi • HƏMAS–İsrail müharibəsi • İsrail–Hizbullah münaqişəsi • Rusiya–Ukrayna müharibəsi • Sudanda vətəndaş müharibəsi

Son ölümlər: Tofiq Ağababayev, Fəxrəddin Miralayev, İqor Kirillov, Tofiq Abbasov, İsrael Vaskes, Pol Maslanski

Bilirsinizmi?

Bolqarıstanın Ledenika mağarasında (şəkildə) yerləşən "Konsert zalı"nın akustikası yaxşı olduğu üçün burada konsertlər təşkil olunur.
Şotland farmakoloq Aleksandr Kameron Sim Kobenin əcnəbi icmasında yaşadığı 30 il ərzində burada baş verən bütün yanğınların söndürülməsində iştirak edib.
"Pokemon" serialının ingiliscə dublajında Eş Ketçumu səsləndirən Sara Natoçenni öz pişiyinə "Pikaçu" adını verib.
Fərhəng Hüseynov tərəfindən bəstələnmiş "Kodayu" operası Yaponiyanın ilk "Romeo və Cülyetta"sı adlandırılıb.
Yapon cərrah Hayari Miyake Albert Eynşteyni tropik qızdırmadan sağaldıb.

Tarixdə bu gün

1829 — İlk sərnişin dəmiryolu xətti — Baltimor-Ohayo fəaliyyətə başladı.
1914 — Ənvər Paşanın komandanlığı altındakı Osmanlı ordusu Sarıqamış əməliyyatına başladı.
1932 — Mahatma Qandi həbsdən buraxıldı.
1942 — Podpolkovnik Həzi Aslanov (şəkildə) birinci dəfə Sovet İttifaqı Qəhrəmanı adına layiq görüldü.
1988 — Meydan hərəkatını işıqlandırdığı üçün Nəcəf Nəcəfov "Molodyoj Azerbaydjana" qəzeti redaktorluğundan kənarlaşdırılmışdır.
1992 — Latın Amerikası ölkələrində xüsusi xidmət orqanları tərəfindən öldürülən minlərlə insan barədə məlumatlardan ibarət Terror arxivləri adı verilən sənəd Paraqvayda tapıldı.
2001 — Əfqanıstanda Həmid Kərzainin rəhbərliyi ilə müvəqqəti hökumət quruldu.

Digər günlər: 21 dekabr – 22 dekabr – 23 dekabr

Arxiv – e-məktub ilə – İlin digər günləri – Haqqında

Hazırda 22 dekabr 2024 (UTC) – Səhifəni yenilə

Kömək səhifələri

Vikipediya

Ana səhifə

Vikipediyaya xoş gəlmisiniz!

Vikimedia Fondunun digər layihələri