Fələstin milli futbol komandası
Fələstin milli futbol komandası
| Fələstin milli futbol komandası | |||
|---|---|---|---|
| Konfederasiya | AFC | ||
| Baş məşqçi | Saeb Jendeya | ||
| Bombardir | Fahed Attal, Əşraf Numan (14) | ||
| Stadion | Faisal Al-Husseini International Stadium | ||
| FİFA Reytinqi | 102 ▲ 2 (12 avqust 2021)[1] | ||
| Ən yüksək nəticə | Fələstin-Guam 11:0 (Dakka, 01.04.2006) | ||
| Ən aşağı nəticə | Misir-Fəjəstin 8:1 (İsgəndəriyyə, 26.07.1953) | ||
| FİFA kodu | PLE | ||
| Uniforma | |||
|
|||
| İlk matç | |||
| Misir-Fələstin 7:1 (Qahirə, 16.03.1934) | |||
1998-ci ildən yaradılan Fələstin milli komandasını ilk dəfə argentinalı Rikardo Karuqati çalışdırıb. Əvvəllər Səudiyyə Ərəbistanı, Mərakeş, Misir, İran, Lixtenşteyn, Vyetnam və Küveyt yığmalarını çalışdıran avstriyalı Alfred Ridl də Fələstin millisində çalışmaq imkanı əldə edib. Fələstin Futbol Federasiyası (FFF) 1998-ci ildən FİFA-nın üzvüdür. Bu ölkənin əsas komandası ilk oyununu İordaniya millisinə qarşı keçirib və həmin görüş 1:1 hesabı ilə başa çatıb. Fələstin milli komandası ilk dəfə Asiya qitəsinin 2006-cı ildə təşkil olunan dünya çempionatının seçmə mərhələsində iştirak edib. Bölgədə müharibə səngimədiyindən, komanda hazırlıqlarını Misirdə, oyunlarını isə Qətərdə keçirirdi.
Fələstin milli komandasının yaranması isə yerli iş adamlarının köməkliyi ilə olub. Bununla bağlı yığmanın sabiq çalışdırıcısı Ridl deyir: "Təxminən 10 nəfərə yaxın iş adamı Fələstin yığmasının maliyyə xərclərini öz üzərlərinə götürdü. Mənə də sərfəli təklif irəli sürdülər. Tərəddüd etmədən qəbul etdim. Biz də dünyada bir neçə qəzetə elan verərək Fələstin əsilli futbolçuları üzə çıxarmağa çalışdıq. Çilinin "Palastin"a klubunun fələstinli futbolçuları oynamağa razı oldular. Fələstindən də bəzi oyunçuları seçdik. Məşqlərimizi Fələstində keçə bilməməyimiz isə ölkədə davam edən müharibə ilə bağlı idi. Məhz buna görə hazırlığımızı Misirdə keçirdik". Maraqlıdır ki, Ridl kimi, Fələstin millisinin baş məşqçisi işləmiş digər çalışdırıcıların da ən böyük arzuları İsrail yığmasıyla yoldaşlıq görüşü keçirmək olub.
Hazırda Fələstin yığmasına 52 yaşlı Əlcəzayir əsilli Fransa vətəndaşı Musa Bazaz başçılıq edir.
|
Fələstin ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin. |
- ↑ "The FIFA/Coca-Cola World Ranking". FIFA (ingilis). 12 avqust 2021. İstifadə tarixi: 12 avqust 2021.