Gürcü armudu

Gürcü armudu (lat. Pyrus georgica) — bitkilər aləminin gülçiçəklilər dəstəsinin gülçiçəyikimilər fəsiləsinin armud cinsinə aid bitki növü.

Gürcü armudu
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Fabids Dəstə: Gülçiçəklilər Fəsilə: Gülçiçəyikimilər Yarımfəsilə: Gavalıkimilər Triba: Maleae Yarımtriba: Malinae Cins: Armud Növ: Gürcü armudu
Beynəlxalq elmi adı
Pyrus georgica Kuth., 1939
Şəklin VikiAnbarda axtarışı NCBI   1943543

Təbii yayılması

Gürcüstanda və Ermənistanda (Dərələyəz) arealı vardır.

Botaniki təsviri

Boyu 9 m-ə çatan ağac və ya koldur. Çətiri kürəvari, qabığı boz, uzununa çatlıdır. Cavan zoğları bozumtul-qonur rəngdədir. Gövdəsi seyrək tikanlıdır. Yarpaqları enli ellipsvari, neştərvari, ucu sivriləşmişdir. Yarpaq ayasının hər iki tərəfi bozumtul sıx tükcüklüdür. Aprel ayında çiçəkləyir, çiçəkləri bir neçə ədəd olmaqla qalxan çiçək qrupunda yerləşir. Meyvəsi avqust ayında yetişir. Meyvəsi uzunsov, azacıq yastı formada olmaqla, yetişdikdə qonur sarımtıl rəng alır.

Ekologiyası

Torpağa az tələbkar, quraqlığa davamlı, işıqsevən bitkidir. Quru daşlı yamaclarda rast gəlinir.

Azərbaycanda yayılması

Böyük Qafqaz və Naxçıvan MR-da, Quba rayonunun qayalıq yerlərində, Xızı (Altıağac), Şamaxı (Göylər, Möl və Quşçu kəndləri arası), Şabran rayonu (Çıraqqala dağının yamacı), Ordubad (Gilançayın sağ sahilindəki Bist kəndi) və Şahbuz rayonlarında (Güneyqışlaq kəndinin quzey adlanan ərazisində, Biçənək meşəliklərində) təbii halda yayılmışdır.

İstifadəsi

Çiçəkləmə və meyvə əmələ gətirmə dövründə dekorativ görünür.