Hacı Zeynalabdin Əliyev
Hacı Zeynalabdin İsmayıl oğlu Əliyev (1858, Seyidli, Şuşa qəzası – 1936, Seyidli, Ağdam rayonu) — Azərbaycan mesenatı, tacir, Dövlət Dunasının üzvü, Molla Məhəmməd Əliyevin böyük qardaşı
Hacı Zeynalabdin Əliyev | |
---|---|
azərb. Hacı Zeynalabdin İsmayıl oğlu Əliyev | |
Doğum tarixi | |
Doğum yeri | Seyidli kəndi, Şuşa qəzası |
Vəfat tarixi | |
Vəfat yeri | Seyidli kəndi, Ağdam |
Həyatı redaktə
Hacı Zeynalabdin Əliyev 1858-ci ildə Şuşa qəzasının Seyidli (indiki Ağdamın Seyidli kəndi) kəndində anadan olmuşdur.[1]
Hacı Zeynalabdin Əliyev mükəmməl dini təhsil almış, ərəb, fars dillərini, şəriət elmlərini öyrənmişdir. O, Məşhəd və həcc ziyarətində olmuşdur.[1]
Qarabağın ictimai həyatında iştirak edən Hacı Zeynalabdin Əliyev Şuşa qəzasından Dövlət Dumasına üzv seçilmişdir. O, Azərbaycanın mütərəqqi fikirli ziyalıları ilə dostluq edərmiş. Görkəmli yazıçı, dramaturq, ictimai xadim Əbdürrəhim bəy Haqverdiyev onun dostları sırasında idi.[1]
Hacı Zeynalabdin Əliyevin Qarabağda qoşa dəyirmanı, dükanları, karvansaraları, geniş torpaq sahələri, meyvə bağları var imiş. Tacir kimi tez-tez şərq ölkələrinə gedərmiş. Varlı insan olduğu üçün şərq ölkələrində onun böyük nüfuzu var idi. 1920 ildə Hacı Zeynalabdin Əliyevin şəxsi kapitalı 7 milyon yarım manata çatırdı.[1]
Sovet hakimiyyətinin ilk illərində Hacı Zeynalabdin Əliyevin bütün var-dövləti əlindən alınmış, özü isə həyatının sonuna kimi yeni hökumətin təzyiqləri ilə yaşamalı olmuşdur. O, 1936-cı ildə vəfat etmiş, Seyidlinin "Qaraağacı" qəbirstanlığında torpağa tapşırılmışdır.[1]
İstinadlar redaktə
Mənbə redaktə
- Orxan Zakiroğlu (Baharlı). Qarabağın Seyidli oymağı. I kitab. Bakı, 2017
- Orxan Zakiroğlu (Baharlı). Qarabağlı mesenat Hacı Zeynalabdin Əliyev. "Bütöv Azərbaycan" qəzeti, 19–25 iyun 2013-cü il, № 20 (196)
- Orxan Zakiroğlu (Baharlı). Qarabağlı Hacı Zeynalabdin. "Təzadlar" qəzeti, 05 dekabr 2013-cü il, № 124 (1861)
- Orxan Zakiroğlu (Baharlı). Seyidli oymağının Kərbəlayi Miralılar nəsli. "Soy" dərgisi, № 6 (38), 2010-cu il
- Orxan Zakiroğlu (Baharlı). Qarabağlı mesenat. "Ağdam" qəzeti, 17 dekabr 2018-ci il, № 35 (9374)
- Orxan Zakiroğlu (Baharlı).Qarabağlı mesenat. "Haqqın sədası press" qəzeti, 12 dekabr 2018-ci il, № 11 (298)