Halothamnus glaucus

Halothamnus glaucus (lat. Halothamnus glaucus) — pəncərkimilər fəsiləsinin halothamnus cinsinə aid bitki növü.

Halothamnus glaucus
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Dəstə: Qərənfilçiçəklilər Fəsilə: Pəncərkimilər Yarımfəsilə: Salsoloideae Triba: Salsoleae Cins: Halothamnus ???: Halothamnus glaucus
Beynəlxalq elmi adı
Halothamnus glaucus Botsch., 1981
Şəkil axtarışı NCBI   454502 EOL   2876347

Təbii yayılması

İranda, Orta Asiyada yayılmış, Qafqazda təsvir edilmişdir.

Botaniki təsviri

Hündürlüyü 25-70 sm-ə çatan, göyümsov, aşağı hissəsində oduncaqlaşmış budaqları açıq-boz, yuxarı doğru yönəlmiş zoğları çılpaq və şaxəli olan yarımkolcuqdur. Yarpaqları oturaq və sallanandır, növbəli düzülüşlüdür, eni 2–3 mm,uzunluğu 30 mm-ə qədərdir. Çiçəkləri sünbülvari çiçək qrupunda yerləşir. May ayında çiçəkləyir və sentyabr ayında meyvə verir. Meyvələrdə qanadlar təkdir, tərs yumurtavarı, sarımtıl və ya azca çəhrayıdır.

Ekologiyası

Gilli, daşlı, çox zaman lilli yamaclarda dağınıq halda bitir, bəzi yerlərdə isə cəngəlliklər əmələ gətirir. Arandan aşağı dağ qurşağına qədər şoranlaşmış düzənliklərdə rast gəlinir.

Azərbaycanda yayılması

Samur-Dəvəçi, Kür-Araz ovalıqlarında, Qobustan, Abşeron və Naxçıvan düzənliyində geniş yayılmışdır.

İstifadəsi

Xırdabuynuzlu mal-qara tərəfindən yeyilir. Tərkibində alkaloid vardır.

Ədəbiyyat

• Tofiq Məmmədov, Elman İsgəndər, Tariyel Talıbov. Azərbaycanın nadir ağac və kol bitkiləri. Bakı: Elm, 2014, 380 səh.