Vikipediya

Let It Snow! Let It Snow! Let It Snow!


Let It Snow! Let It Snow! Let It Snow! və ya daha çox bilinən adıyla Let It Snow! 1945-ci ildə sözləri Semmi Kan, musiqisi Jüli Stayn tərəfindən yazılmış məşhur mahnı. Mahnı 1945-ci ilin iyun ayında Hollivudda yazlıb və Kaliforniyanın isti günlərindən birində lentə alınıb.

Let It Snow! Let It Snow! Let It Snow!
Yayımlanıb 1945
Janr jazz
Dil ingilis dili
Müddət 02:29 (orijinal)
Bəstəkar Jüli Stayn
Sözlərin müəllifi Semmi Kan
Audio nümunəsi
[[:File:Let it snow.ogg|Let it snow mahnısının Frank Sinatranın (1950) ifasında olan unudulmaz səslənməsi]]

Mahnı ilk dəfə Voqn Monronun ifasında, 31 oktyabr 1945-ci ildə lentə alınıb. Bundan sonra mahnının dünya turnesi başlayıb və mahnı dünyanın ən məşhur, dahi ifaçılarının repertuarına daxil olub. Hələ Voqn Monronun ifasında mahnı elə yazıldığı ildəcə Billboard hit paradının birinciliyinə yüksəlib və uzun müddət bu yerini qoruyub.

Mahnının tarixçəsində sözsüz ki, ən sevilən və mükəmməl ifalardan biri Vudi Herman və Bob Krosbinin jazz qrupu tərəfindən 1945-ci ilin sonu, 1946-cı ilin əvvəllərində lentə alınan ifa olub. Bunun ardınca isə 1960-cı ildə Ella Fitsceraldın əfsanəvi ifası insanları mahnını təkrar-təkrar dinləməyə sövq etdi.

Daha sonra mahnı 1962-ci ildə Binq Krosbi, 1959 – 1966-cı illərdə isə Din Martin tərəfindən müxtəlif versiyalarda səsləndirilib. Mahnının ən son dahi ifaçısı Frenk Sinatra olub. Sinatranın ifasında mahnı bir daha hit paradların zirvəsinə yüksəlib.

Artıq bir əfsanəyə çevrilmiş mahnı dünya musiqisi tarixində ən uğurlu mahnılardan biri olub. Altmışıncı illərdən bu günümüzə kimi mahnıya ən müxtəlif janrların ifaçıları tərəfindən müraciət edilib. Hətta 2006 – cı ildə Let It Snow! mahnısı amerikan metal qrupu Twisted Sister tərəfindən heavy metal janrında da ifa edilib.

Mahnının ifaçıları redaktə

Mənbə — "https://az.wikipedia.org/w/index.php?title=Let_It_Snow!_Let_It_Snow!_Let_It_Snow!&oldid=7335300"