Məhəbbət (film, 1948)

Məhəbbət[1] (it. L'Amore) — 1948-ci ildə Roberto Rossellini tərəfindən çəkilmiş dramatik filmdir.[2] Filmdə iki məhəbbət hekayəsindən söhbət açılır.[3] Filmin bəstəkarı Roberto Rossellininin qardaşı Renzo Rossellinidir.[4]

Məhəbbət
it. L'Amore
"Məhəbbət" filminin afişası
"Məhəbbət" filminin afişası
Janr Dram
Rejissor Roberto Rossellini
Prodüser Roberto Rossellini
Ssenari müəllifləri Roberto Rossellini
Federiko Fellini
Jan Kokto
Tullio Pinelli
Anna Benevuti
Baş rollarda Anna Manyani
Lia Korelli
Federiko Fellini
Elli Parvo
Operator Aldo Tonti
Bəstəkar Renzo Rossellini
Rəssam Kristian Berard
İlk baxış tarixi ABŞ 8 fevral 1950
Almaniya 19 yanvar 1962
Argentina 9 yanvar 2001
Fransa 28 mart 1956
İtaliya 21 avqust 1948 (Venesiya Kino Festivalı)
İtaliya 30 oktyabr 1948
Danimarka 19 avqust 2003
Filmin digər adları ABŞ Amore
Almaniya Liebe
Azərbaycan Məhəbbət
Fransa La voix humaine
Finlandiya Rakkauden ihme
İtaliya L'amore
İspaniya El amor
Yunanıstan Agapi
Filmin növü Bədii film
Müddət 75 dəqiqə
Ölkə İtaliya İtaliya
Dil İtalyan dili
İl 1948
Əvvəlki film yoxdur
Sonrakı film yoxdur
Rəng Ağ-qara
Çəkiliş yeri Roma
IMDb ID0040092

Məzmun redaktə

Filmin məzmunu iki məhəbbət hekayəsinə ayrılır. Birinci hekayədə sevgilisi tərəfindən atılmış bir qadının hekayəsindən, ikinci hekayədə isə Allahdan vergi alaraq, Müqəddəs İosifdən hamilə qaldığını düşünən bir qadının hekayəsindən söhbət açılır. Birinci hekayədə qadının keçirdiyi məhəbbət hisslərindən söhbət açılır. Hekayə bağlı otaqda baş verir.İkinci hekayədə isə əsl məhəbbətdən danışılır. Hər iki qadın obrazını İtalyan aktrisası Anna Manyani canlandırmışdır. İkinci hekayədə küçədə gəzən avara oğlan obrazını isə filmin ssenaristlərindən biri olan Federiko Fellini canlandırmışdır. Filmin birinci hissəsi "İnsan səsi" (it. Una voce umana), ikinci hissəsi isə "Möcüzə" (it. Il miracolo) adlanır.

İnsan səsi redaktə

Bu hekayədə sevgilisi tərəfindən atılmış bir qadının (Anna Manyani) hekayəsindən danışılır. Həmin qadın həyatının mənasını sevgilisində görür. Sevgilisi isə onu başqa bir qadına dəyişmişdir. Qadın hər nə olursa, olsun onunla barışmaq istəyirdi. Hekayədə əsas məqsəd, sevgilisi tərəfindən atılmış qadının telefonun ilə münasibəti xilas etmə cəhdidir.

Qadın sevgilisinin onunla münasibətləri yaxşılaşdırmağa səy göstərmədiyi üçün sanki dəli bir qadına dönür. Lakin bu da onların münasibətlərini yaxşılaşdırmır. Qadın sevgilisi üçün nə qədər şücaət göstərsə də, sevgilisi onun bu şücaətini başa düşmür. Hekayənin sonu qadının ağlaması ilə bitir. Filmdə qadının sakit olmasının güclü anları ümidsizliyin qışqırıqlarına yollar üçün diqqətəlayiqdir. Film, qapıları və pəncərələri bağlı olan evdə, atmosfersiz bir otaqda çəkilmişdir. Həmçinin, evdə qadının qara bir köpəyi olur.

Möcüzə redaktə

Bu hekayədə Allahdan vergi alaraq, Müqəddəs İosifdən hamilə qaldığını düşünən bir qadının (Anna Manyani) hekayəsindən danışılır. Hekayə Cənubi İtaliyada Amalfi sahilində yerləşən Furore və Mayori kommunalarında baş verir. Burada birinci hekayədən fərqli olaraq məhəbbət emosiyalarından yox, əsl məhəbbətdən söhbət açılır. Nannina dinə inanan bir qızdır. Lakin bir dəfə saqqallı bir avaranın (Federiko Fellini) yanında içki içir. Nanninanı yuxu aparır. Bundan istifadə edərək saqqallı kişi, onunla bir yerdə qalır. Yuxudan oyanandan sonra Nannini həyatına davam etməyə başlayır. Amma bir gün hamilə qaldığını başa düşür. Nannina inanır ki, Allah ona vergi vermişdir. Həmin verginin sayəsində Müqəddəs İosifdən hamilə qalmışdır.

Ətrafdakı insanlar onun bədbəxt olduğunu hesab edirlər. Nannina isə onlara əhəmiyyət verməyərək, özünü heç də bədbəxt olmadığını düşünür. Bu düşüncə ilə yaşadığına görə ətrafdakı insanlar tərəfindən pislənir və gülünc vəziyyətə salınırdı. Bunun əzabını uzun müddət çəkir. İnsanlar tərəfindən pislənməsinə dözməyərək buranı tərk etməyə məcbur olur. Buradan getdikdən sonra kilsəyə yola düşür. Kilsəyə çatdıqda, kilsənin qapısını açaraq, otağa daxil olur. Bu zaman ona keçinin baxdığı aydın görülür. Otağa daxil olduqdan sonra onun hamiləliyi başa çatır. Onun övladı dünyaya gəlir.

Maraqlı faktlar redaktə

Mükafatlar redaktə

İl Mükafat Layiq görülüb
1948 Gümüş Lenti (Milli mükafat) Anna Manyani (Ən yaxşı aktrisa)

İstinadlar redaktə

  1. Енциклопедия „В света на киното“, т.1, стр.435, 1983 г.
  2. Text of Joseph Burstyn, Inc v. Wilson , 343 U.S. 495 (1952) is available from: · Findlaw · BC
  3. Gianni Rondolino: Roberto Rossellini. Torino: UTET 1989, 121
  4. Tag Gallagher: The Adventures of Roberto Rossellini. New York: Da Capo 1998, 231

Xarici keçidlər redaktə