Morqan Nikin itməsi
Morqan Çantel Nik (ing. Morgan Chauntel Nick; d. 12 sentyabr 1988, ABŞ, Arkanzas, Alma - itkin düşdü 9 iyun 1995, ABŞ, Arkanzas, Alma) – Kiçik Beysbol Liqası oyununda oğurlanmış amerikalı qız. Morqanın anası insanlara itkin düşmüş övladlarını tapmağa kömək edən Morqan Nik Fondunu yaratmaqla tanınmışdır.
| Morqan Nik | |
|---|---|
| ing. Morgan Chauntel Nick | |
 | |
| Doğum tarixi | 12 sentyabr 1988 |
| Doğum yeri | |
| Yoxa çıxıb | |
| Vəfat tarixi | 9 iyun 1995 (6 yaşında) |
| Anası | Kollin Nik |
| Milliyyəti | amerikalı |
İtkin düşməsi redaktə
9 iyun 1995-ci ildə Morqan Nik və anası Kollin Nik Arkanzas ştatının Alma şəhərində Kiçik Beysbol Liqası oyununa getdilər.[1] Saat 10:30 radələrində Morqan anasından dostları ilə birlikdə işıldaböcəyi tuta biləcəyini soruşdu. Əvvəlcə anası tərəddüd etdi, lakin sonda icazə verdi.[2] O, sonuncu dəfə dostları tərəfindən 10:45 radələrində anasının maşının yanında tək başına ayaqqabılarından qumu boşaldarkən göründü. Dostları isə ondan bir neçə metr kənarda ayaqqabılarını təmizləyirdilər. Morqanın dostları ayaqqabılarını geyinərkən Morqanla söhbət edən xoşagəlməz bir adam gördüklərini bildirdilər.[3]
Oyun qısa müddət sonra başa çatanda Morqanın dostları onsuz geri qayıtdılar. Onlar Kollinə Morqanın maşında olduğunu söylədilər, ancaq Kollin maşına qayıdanda Morqan orada deyildi. Morqan o vaxtdan bəri görülməyib və eşidilməyib.
Araşdırma redaktə
15 yanvar 2002-ci ildə polis Nikin Bunvilledə dəfn oluna biləcəyini iddia edən bir ip ucu aldıqdan sonra Arkanzasın Bunville şəhərində özəl bir torpaq sahəsində qazma işi aparıldı. Həmçinin axtarışda xidməti itdən də istifadə edildi. Polis axşam saat 9:30 radələrində axtarışları dayandırdı.
15 noyabr 2010-cu ildə federal müstəntiqlər Oklahoma ştatının Spiro şəhərində boş bir evdə DNT dəlilləri üçün axtarış apardılar. 18 dekabr 2017-ci ildə müstəntiqlər hadisə ilə bağlı bir ipucu aldıqdan sonra başqa bir axtarış aparmaq üçün evə qayıtdılar.[4] Xidməti itlər müstəntiqləri xəbərdar etdilər.[5] Amcaq heç bir sübut tapılmadı və axtarış dekabrın 19-na təxirə salındı.[6]
Nəticə redaktə
1996-cı ildə Kollin Nik uşaqların itməsinin qarşısını almağa kömək edən Morqan Nik Fondunu təsis etdi.[2][5] Bu hadisə həm “Unsolved Mysteries”[3] televiziya serialında və həm də “America's Most Wanted”[7] proqramında göstərilmişdir.
Amber Alert xidməti Arkanzas ştatında Morqan Nik Amber Alert olaraq adlandırılmışdır.[8]
2012-ci ilin avqustunda əvvəllər məhkum edilmiş iki cinayətkar Tonya Smit və Ceyms Monhart Morqan Nikin şəxsiyyətin vəsiqəsini əldə etməyə cəhd etdikdən sonra kompüter fırıldaqçılığı üstündə həbs olundu.[9]
Həmçinin bax redaktə
İstinadlar redaktə
- ↑ Rosenbaum, Philip (August 20, 2010). ""Cold case: Girl, 6, was snatched at Little League game". CNN" (ingilis). edition.cnn.com. 19 avqust 2010 tarixində arxivləşdirilib.
- ↑ 1 2 ""Five years later: Morgan's mom still has enough hope for everyone"" (ingilis). Blytheville Courier News. Associated Press. June 9, 2000. 27 fevral 2018 tarixində arxivləşdirilib.
- ↑ 1 2 ""Morgan Nick". Unsolved Mysteries" (ingilis). unsolved.com. 6 iyun 2017 tarixində arxivləşdirilib.
- ↑ Franklin, Dallas (December 19, 2017). ""Authorities comb Oklahoma property earlier examined in connection to 1995 disappearance of 6-year-old girl". KFOR-TV" (ingilis). kfor.com. 21 dekabr 2017 tarixində arxivləşdirilib.
- ↑ 1 2 Jordan, Kate (December 19, 2017). ""Timeline: A Look Into Some of the Twists and Turns in Morgan Nick Case". KFSM-TV" (ingilis). 5newsonline.com. 22 dekabr 2017 tarixində arxivləşdirilib.
- ↑ Jordan, Kate (December 19, 2017). ""Sheriff: No Evidence Found in Spiro Relating to Morgan Nick Case". KFSM-TV" (ingilis). 5newsonline.com. 22 dekabr 2017 tarixində arxivləşdirilib.
- ↑ ""AMW - Missing Children - Nick Morgan Case"" (ingilis). amw.com. 10 fevral 2008 tarixində arxivləşdirilib.
- ↑ ""Arkansas State Police - Morgan Nick Amber Alert"" (ingilis). ark.org. 30 aprel 2009 tarixində arxivləşdirilib.
- ↑ ""Woman suspected of impersonating Morgan Nick pleads not guilty - FOX16.com Little Rock, AR"" (ingilis). fox16.com. 11 avqust 2012 tarixində arxivləşdirilib.