Poozere

Poozere və ya Podvine (belar. Паазер’е, Падзвінне) — Belarus Respublikasının tarixi-etnoqrafik regionu. Ölkənin şimalında yerləşir və Vitebsk vilayətinin böyük hissəsini əhatə edir. Cənub-şərqdən dnepr-dvina suayrıcı ilə Podneproveylə, cənubdan və cənub-qərbdən şərti sərhədlə Borisov şəhəri, eləcə də Mərkəzi Belarus və Ponemane regionları ilə həmsərhəddir. Tarixi-etnoqrafik region kimi əsasən Poloskoe knyazlığının torpaqlarında formalaşıb. Əhalisi belarus dilinin şimal-şərq dialektində danışır.

Belarus regionları. XIX — XX əsrin əvvələri:

  Ponemane

  Poozere

  Podneprove

  Qərbi Polesye

  Şərqi Polesye

  Mərkəzi Belarus

Tarixi

Poloskoe knyazlığı Kiev Rus dövlətinin tərkibində yetərincə müstüəqilliyə malik idi. Knyazlıq əsrlik siyasi-ictimai və özəl mədəniyyət ənənələrinə malik idi. XI əsrdə knyazlıq ərazisində 10 böyük tarixi-iqtisadi mərkəz var idi: Polotsk, Vitebsk, Drusk, Lukoml, Braslav və s.

Orta əsrlərdən XIX əsrin ikinci yarısına kimi Poozere üçün daha çox Belaya Rus etnoqrafik ad istifadə olunurdu. B sonralar tədricən bütün Belarus ərazisi üçün şamil edildi.

Reç Pospolitanın parçalanmasından sonra (1772-1793) Poozere Rusiyanın tərkibinə daxil edildi. 1796-cı ildə Belorusskoy, 1802-ci ildə Vitebsk quberniyasına tabe idi. Bölgənin qərb hissəsi isə Vilen quberniyasına aid idi.

1917-ci ildən şimali podvine BSSR-nin daxilində idi. Qərbi Podvinya isə 1939-cu ildə BSSR-nin tərkibinə qəbul edilmişdir.

Məskunlaşma

Regionun daha sıx əhali yaşayan bölgəsi Qərbi Dvina (Dauqava) çayının sol sahilidir. Poozeredə az evli kəndlər (3-5) üstünlük təşkil edir. Evlər meşə daxilində, çay və göl kənarlarında, eləcə də yol kənarlarındadır.

Geyimləri

Poozere üçün ənənəvi geyim forması düz və geniş gödəkçələrdir. Geyimlərin rəngi daha çox ağ və açıq-boz rəngdə olur. Ən geniş istifadə olunan üst geyimlər svita (cвита) və uzun yun kürkdür (тулуп).

Ədəbiyyat

• Поозерье (Подвинье) // Белорусская энциклопедия: В 18 т.. Т. 11: Мугір — Поликлиника / Рэдкал.: Г. П. Пашков и др. — Мн.: БелЭн., 2000. С. 460—461.
• "Культурно-географические регионы Республики Беларусь". 2016-08-11 tarixində arxivləşdirilib. İstifadə tarixi: 2016-05-06.