Posukuma
Posukuma (ぽすくま?) – Yaponiya poçtu üçün yaradılmış oyuncaq ayı personajı. "Japan Post Holding" şirktətinin talismanı hesab olunur.
Tarixi redaktə
Posukuma 2022-ci ildə "Japan Post" şirkətində marka dizayneri kimi işləyən, Fukuşima prefekturasından olan Hitomi Nakamura tərəfindən dizayn olunmuşdur. O, həm böyüklərə, həm də uşaqlara xitab edən bir poçt markası personajı yaratmaq istəmişdir.[1] Posukuma ilk olaraq 21 sentyabr 2012-ci ildə Yaponiyada payızın gəlişi üçün buraxılmış poçt markalarının üzərində təsvir olunmuşdur.[2]
2013-cü ilin yanvarında "Japan Post" Posukumaya həsr olunmuş merçendayzinq başlatmış və mütəmadi olaraq Posukuma təsviri olan poçt markaları buraxmağa başlamışdır. Kostyumlu Posukuma ilk dəfə 2013-cü ilin yayında təqdim olunmuşdur.[3]
2015-ci ildə Posukuma haqqında anime çəkilmişdir. Anime Posukumanın məktubları çatdırarkən qarşılaşdığı çətinliklərdən bəhs edir. Animedə Posukuma Ayumu Murase tərəfindən səsləndirilmişdir.[4] Posukuma 2016-cı ildə çəkilmiş və bir çox ayı talismanının yer aldığı "Witchy Pretty Cure! Wonderous! Cure Mofurun!" anime filmində görünmüşdür.[5]
Posukuma 2016-cı ildə ən yaxşı yerli talismanları seçmək üçün keçirilmiş "Yurukyara Grand Prix" müsabiqəsində şirkət kateqoriyasının qalibi seçilmişdir.[6]
Xüsusiyyətlər redaktə
Posukuma poçtalyon forması geyinmiş açıq qəhvəyi rəngli oyuncaq ayıdır. Onun adı ingilis dilində "post" (poçt) və yapon dilində "kuma" (ayı) sözlərinin birləşməsindən yaranmışdır. Personaj kimi ballı çörək yeməyi sevir.[1]
İstinadlar redaktə
- ↑ 1 2 "ぽすくまの生みの親が語る「ぽすくまと歩んだ10年間とこれから」". Japan Post (yaponca). 29 sentyabr 2022. 2024-02-15 tarixində arxivləşdirilib. İstifadə tarixi: 24 aprel 2024.
- ↑ "「秋のグリーティング」の発行". Japan Post (yaponca). 21 sentyabr 2012. 2024-02-15 tarixində arxivləşdirilib. İstifadə tarixi: 24 aprel 2024.
- ↑ "日本郵便株式会社様から、ふるさと切手「第68回国民体育大会」を贈呈頂きました！". Sports Sai Tokyo 2013 (yaponca). 30 avqust 2013. 15 yanvar 2014 tarixində arxivləşdirilib. İstifadə tarixi: 24 aprel 2024.
- ↑ "日本郵便オリジナルキャラ「ぽすくま」、アニメ化が決定！ 「メッセージフェスタ2015 in KITTE」で初公開". Akiba Souken (yaponca). 9 sentyabr 2015. 2022-10-08 tarixində arxivləşdirilib. İstifadə tarixi: 24 aprel 2024.
- ↑ "劇場版「プリキュア」くまモン、あべのべあ、ゾンベアーなどクマキャラが本編登場". Nataile (yaponca). 14 sentyabr 2016. 2024-04-24 tarixində arxivləşdirilib. İstifadə tarixi: 24 aprel 2024.
- ↑ "高知の「しんじょう君」に栄冠 ゆるキャラGP". Nikkei (yaponca). 6 noyabr 2016. 2024-04-24 tarixində arxivləşdirilib. İstifadə tarixi: 24 aprel 2024.