Seyfulla Qasımov
Seyfulla Şamil oğlu Qasımov (azərb. Qasımov Seyfulla Şamil oğlu) — Birinci Qarabağ müharibəsinin iştirakçısı, Azərbaycan Milli Təhlükəsizlik Nazirliyinin polkovniki, "Azərbaycan Bayrağı" ordeni kavaleri.
| Seyfulla Qasımov | |
|---|---|
| Seyfulla Şamil oğlu Qasımov | |
 | |
| Şəxsi məlumatlar | |
| Doğum tarixi | |
| Doğum yeri | Ağarəhimli, Saatlı rayonu, Azərbaycan SSR |
| Vəfat tarixi | (52 yaşında) |
| Vəfat yeri | Bakı |
| Vəfat səbəbi | İnfarkt |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Hərbi fəaliyyəti | |
| Qoşun növü | Azərbaycan xüsusi xidmət orqanları |
| Xidmət illəri | 1985-2004 |
| Rütbəsi | Polkovnik |
| Təltifləri |
   |
Həyatı redaktə
Seyfulla Qasımov 25 avqust 1958-ci ildə Saatlı rayonunun Ağarəhimli kəndində ziyalı ailəsində anadan olmuşdur. 1965-1975-ci illərdə 33-saylı dəmiryol məktəbində təhsil almışdır. 1975-1980-ci illərdə Dövlət Neft Akademiyasında riyaziyyatcı-mühəndis ixtisasına yiyələnmişdir.[1]
Fəaliyyəti redaktə
Əmək fəaliyyəti redaktə
1980-1985-ci illərdə Azərbaycan Milli Elmlər Akademiyasının Kibernetika İnstitutunun xüsusi konstruktor bürosunda çalışmışdır. 1985-2004-cü illərdə isə Azərbaycan Dövlət Təhlükəsizliyi Komitəsində, daha sonra isə Milli Təhlükəsizlik Nazirliyində işləmişdir. MTN-nin Əks-kəşfiyyat İdarəsinin rəisinin 1-ci müavini vəzifəsində çalışdıqdan sonra, 2003-2004-cü illərdə Milli Təhlükəsizlik Nazirliyində yeni yaranan Terrora Qarşı Mübarizə Baş İdarəsində rəis əvəzi vəzifəsində çalışmışdır.
2004-cü ildə Eldar Mahmudov tərəfindən əsassız olaraq işdən azad edilmişdir.[2]
Vəfatı redaktə
2010-cu il 12 dekabrda ürək tutmasından vəfat etmişdir.[3]
Birinci Qarabağ müharibəsində iştirakı redaktə
Goranboy rayonunun Erkeç, Buzluq və Manaşid kəndlərinin azad edilməsi uğrunda həyata keçirilən hərbi əməliyyatlarda fəal iştirak etmişdir.[4]
Təltifləri redaktə
1995-ci ildə Heydər Əliyev tərəfindən “Azərbaycan Bayrağı”ordeni ilə, 1998-ci ildə ”Hərbi Xidmətlərə görə” medalı ilə,[5] 2002-ci ildə isə “Vətən Uğrunda” medalı ilə təltif olunmuşdur.[6]
İstinadlar redaktə
- ↑ "ƏKS-KƏŞFİYYATÇI POLKOVNİK SEYFULLA QASIMOV KİM OLUB? - Polkovnik Elşad Həsənov: "Çekistlər içərisində Ulu Öndər tərəfindən ən çox orden, medal alan Seyfulla Qasımov idi"". 2022-02-16 tarixində arxivləşdirilib. İstifadə tarixi: 2022-02-16.
- ↑ ""Rabitə nazirliyindəki həbslər MTN-lə əlaqəli deyil" - EKSPERT RƏYİ". 2022-01-30 tarixində arxivləşdirilib. İstifadə tarixi: 2022-01-30.
- ↑ ""Reket" nazirə Seyfulla Qasımov və Tofiq Babayev belə dözə bilmədilər". 2022-01-30 tarixində orijinalından arxivləşdirilib. İstifadə tarixi: 2022-01-30.
- ↑ "Heydər Əliyevin 3 dəfə təltif etdiyi əks-kəşfiyyatçı polkovnik Seyfulla Qasımov KİM OLUB?". 2022-02-19 tarixində arxivləşdirilib. İstifadə tarixi: 2022-02-19.
- ↑ "Azərbaycan Respublikası Milli Təhlükəsizlik Nazirliyinin bir qrup hərbi qulluqçusunun təltif edilməsi haqqında". 2022-01-31 tarixində arxivləşdirilib. İstifadə tarixi: 2022-01-30.
- ↑ "AZƏRBAYCAN RESPUBLİKASI MİLLİ TƏHLÜKƏSİZLİK NAZİRLİYİNİN BİR QRUP HƏRBİ QULLUQÇUSUNUN TƏLTİF EDİLMƏSİ HAQQINDA AZƏRBAYCAN RESPUBLİKASI PREZİDENTİNİN FƏRMANI". 2022-01-31 tarixində arxivləşdirilib. İstifadə tarixi: 2022-01-30.