Sona Əhmədli
Sona Əhmədli (5 oktyabr 1988, Bakı) — Azərbaycanı təmsil edən qadın güləşçi, 2010-cu il Avropa Çempionatının qalibi.[2]
| Sona Əhmədli | |
|---|---|
| Şəxsi məlumatlar | |
| Tam adı | Sona Yadulla qızı Əhmədli |
| Vətəndaşlığı |
 Azərbaycan |
| Doğum tarixi | |
| Doğum yeri | Bakı,[1] Azərbaycan SSR |
| Boyu | 165 sm. (5 ft 6 in) |
| İdman növü | Güləş |
| Karyera illəri | 2000—2012 |
| Məşqçisi | Arif Fərmanov |
| Komandası | Atasport İdman Klubu |
Karyerası redaktə
2007-ci ildə Serbiyada yeniyetmələr arasında Avropa Çempionatını 5-ci pillədə, Çində yeniyetmələr arasında Dünya Çempionatını isə 10-cu pillədə başa vuran Sona Əhmədli, ilin əsas turniri hesab olunan Dünya Çempionatında 18-ci pillədə qərarlaşdı.[2]
2008-ci ildə Qızıl Qran-Pri beynəlxalq turnirində beşinci pillənin sahibi olan Sona Əhmədli, Koşitse şəhərində gənclər arasında Avropa Çempionatını gümüş medalla, İstanbul şəhərində gənclər arasında Dünya Çempionatını isə 8-ci pillədə başa vurdu.[2]
Daha sonra Sona Əhmədli 2009-cu ilin aprelində Vilnüs şəhərində (Litva) baş tutan Avropa Çempionatını 16-cı pillədə başa vurdu.[2] İyulda Qızıl Qran-Pri beynəlxalq turnirinin bürünc medalına sahib olan Sona Əhmədli, sentyabrda Herninq şəhərində baş tutan Dünya Çempionatında mübarizə apardı.[2] Turnirin 1/8 final mərhələsində Belarus nümayəndəsi Alyona Filipavaya 2:1, 1/4 final mərhələsində İtaliya nümayəndəsi Valentina Minguzziya 2:0, 1/2 final mərhələsində isə ABŞ nümayəndəsi Tatyana Suareza 2:0 hesabları ilə qalib gələn Sona Əhmədli, final görüşündə Yaponiya nümayəndəsi Saori Yoşidaya 0:2 hesabı ilə məğlub oldu və Dünya Çempionatının gümüş medalına sahib oldu.[2] Sona Əhmədli Dünya Çempionatının medalına sahib olan birinci azərbaycanlı qadın güləşçi oldu.[2]
2010-cu ilin aprelində isə Sona Əhmədli Avropa Çempionatında mübarizə apardı.[2] Turnirin 1/4 final mərhələsində Norveç nümayəndəsi Qudrun Hoyena, 1/2 final mərhələsində isə Fransa nümayəndəsi Məryəm Selluma qalib gələn Sona Əhmədli, final görüşündə Bolqarıstan nümayəndəsi Taybe Yuseyna qalib gəldi və Avropa Çempionatının qalibi oldu.[2] Bununla da Sona Əhmədli Avropa Çempionatlarının qalibi olan birinci azərbaycanlı qadın güləşçi oldu. Mövsüm ərzində Sona Əhmədli həm də Avstriyada Austrian Ladies Open və Azərbaycanda Qızıl Qran-Pri beynəlxalq turnirlərini beşinci pillələrdə başa vurdu.[2] Bir il sonra, 2011-ci ildə isə Sona Əhmədli İstanbul şəhərində Dünya Çempionatını bürünc medalla başa vurdu, Qızıl Qran-Pri beynəlxalq turnirinin isə qalibi oldu.[2]
2012-ci ildə Serbiyanın Belqrad şəhərində Avropa Çempionatının bürünc medalına sahib olan Sona Əhmədli həmin il dizindən ciddi zədə aldı və əməliyyat olundu.[2] Amma bu, fayda vermədi və tam tərsi, problemli dizinə su yığılmağa başladı.[2] Müayinədən sonra Sona Əhmədlinin əhəmiyyatının uğursuz olduğu müəyyən olundu.[2] Bundan sonra Sona Əhmədli 24 yaşında idmanla vidalaşmalı oldu.[2]
Nəticələri redaktə
| Gənclərin Avropa Çempionatı |  Serbiya
|
|||
| Gənclərin Dünya Çempionatı |  Çin
|
|||
| Dünya Çempionatı | Azərbaycan
|
|||
| Qızıl Qran-Pri | Azərbaycan
|
|||
| Gənclərin Avropa Çempionatı |  Slovakiya
|
|||
| Gənclərin Dünya Çempionatı |  Türkiyə
|
|||
| Avropa Çempionatı |  Litva
|
|||
| Qızıl Qran-Pri | Azərbaycan
|
|||
| Dünya Çempionatı |  Danimarka
|
|||
| Avropa Çempionatı | Azərbaycan
|
|||
| Austrian Ladies Open |  Avstriya
|
|||
| Qızıl Qran-Pri | Azərbaycan
|
|||
| Dünya Çempionatı |  Rusiya
|
|||
| Qızıl Qran-Pri | Azərbaycan
|
|||
| Dünya Çempionatı | Türkiyə
|
|||
| Avropa Çempionatı | Serbiya
|
İstinadlar redaktə
- ↑ Azərbaycan Milli Kitabxanası. "Sona Əhmədli: "Avropada ən güclü özüməm"". www.anl.az ( (az.)). 22.08.2022. 2022-10-10 tarixində arxivləşdirilib. İstifadə tarixi: 22.08.2022.
- ↑ 1 2 3 4 5 6 7 8 9 10 11 12 13 14 15 International Wrestling Database. "SONA AHMADLI". www.iat.uni-leipzig.de (ingilis). 2022-08-04. 2022-08-04 tarixində arxivləşdirilib. İstifadə tarixi: 04.08.2022.