Veyk-an-Zee turniri

Veyk-an-Zee turniri — Beynəlxalq şahmat turniri.[1]

2013

Veyk-an-Zee turniri belə demək olarsa, ən qədim və ən güclü şahmat turnirlərdən biri sayılır. Bu yarış 1937-ci ildən başlayaraq hər il keçirilir.[2] Yeganə fasilə 1945-ci ilə təsadüf edir. 1967-ci ilədək Hollandiyanın Beverveyk şəhərində düzənlənib və yalnız 1968-ci ildə qonşuluqda yerləşən Veyk-an-Zeeyə, yəni bugünkü ünvana köçüb. 1946-cı ildən etibarən yarışa sponsorluq edən Hollandiyanın "ing. Hoogovens" metallurgiya konserninin adına görə turnir rəsmi olaraq "Hoogovens-turnir" adlanmağa başlayıb. 1999-cu ildə konsernin Böyük Britaniyanın "British Steel" kompaniyası ilə birləşməsindən əmələ gələn "Corus Group" turnirə sponsorluğu davam etdirib və 2000-ci ildən başlayaraq yarış "Corus-turnir" adlanır. Lakin, qeyri-rəsmi olaraq geniş şahmat ictimaiyyəti onu keçirildiyi şəhərə görə Veyk-an-Zee və ya sadəcə Veyk deyə adlandırırlar. Beynəlxalq statusu "Veyk" 1946-cı ildə alsa da, onun intibah dіvrü 1960-cı ildən, yəni turnirə SSRİ şahmatçılarının dəvət olunmasından sonra başlamışdır.

Veyk-an-Zee və ya hazırda Tata Steel Chess Tournament [3] istənilən prizmadan olduqca maraqlı yarışdır. Burada açıq aşkar autsayderlər yoxdur. Bu səviyyəli turnirlər üçün isə ən vacib şərtlərdən biridir. İstər mübarizə gərginliyi, istərsə də şahmat estetlərinin zövqlərini oxşaya bilən qarşıdurmaların çoxluğu baxımından Veyk-an-Zee istənilən tərkibdə həmişə möhtəşəm şahmat bayramına çevrilir.[4]

İstinadlar redaktə

  1. "Абдусатторов лидирует на шахматном турнире Tata Steel Chess, Карлсен — четвёртый". Газета.uz (rus). 2023-01-25. 2023-09-05 tarixində arxivləşdirilib. İstifadə tarixi: 2023-09-05.
  2. "Чем известен шахматный супертурнир в Вейк-ан-Зее". Российская газета (rus). 2019-01-22. 2023-09-05 tarixində arxivləşdirilib. İstifadə tarixi: 2023-09-05.
  3. "Tata Steel Chess Tournament 2023". Tata Steel Chess Tournament 2023 (ingilis). 2023-07-10 tarixində arxivləşdirilib. İstifadə tarixi: 2023-09-05.
  4. Green (NathanielGreen), Nathaniel. "Вейк-ан-Зее: история в фотографиях". Chess.com (rus). 2022-01-28. 2023-09-05 tarixində arxivləşdirilib. İstifadə tarixi: 2023-09-05.