Vikipediya:Bilirsinizmi/1. Həftə 2014

Rus Amerikası

• Ernest Heminquey "Qoca və dəniz" hekayəsinə görə 1954-cü ildə layiq görüldüyü Ədəbiyyat üzrə Nobel mükafatının təqdimetmə mərasimində səhhətindəki problemlərə görə iştirak edə bilməyib.
• "Human Rights Watch" təşkilatının 1994-cü ilə aid hesabatında ermənilərin Ağdam şəhərini talaması nəticəsində, həmin il şəhərə kabus şəhər statusu verilmişdir.
• Sibir yupiklərinin ana dili olan Sibir yupikcəsi və Aleut xalqının kiçik qismi tərəfindən istifadə edilən Aleut dili yaxın 25 il ərzində ölü dillər siyahısına qoşulacaq.
• Moai heykəllərinin orta ağırlığı 25 tondur. Heykəllərin yerləşdiyi Pasxa adasında heç vaxt kütləvi insan yaşayışı mövcud olmayıb. Sivilizasiyanın mövcud olmadığı adada mindən artıq heykəlin kim tərəfindən, hansı məqsədlə və nə zaman inşa edildiyi bu gün də məlum deyil.
• Rus Amerikasının ordusu, mərkəzi poçt sistemi və kiçik donanması olmuşdur. Şimal torpaqlarının Amerika Birləşmiş Ştatlarına satılmasından sonra muxtar ərazi 1867-ci ildə ləğv edilmiş, 1959-cu ilin 3 yanvar tarixində ərazidə Alyaska ştatı təşkil edilmişdir.
• Nant razılaşmasına qədər Fransada Kalvinizm və Protestantlıq məzhəbindən olanların katoliklər tərəfindən təqib olunması adi hal hesab olunurdu.
• Avraam Linkolnun qatili, Con Uilks But Merilend ştatı ərazisində gizləndiyi fermada təslim olmaqdan imtina etmiş və güllələnərək öldürülmüşdür.