Yeji Yaxolkovski
Yeji Yaxolkovski — polyak mənşəli Cənubi Afrika Respublikası dizayneri və arxitektoru.
| Corc Yaxolkovski | |
|---|---|
| George Jaholkowski | |
| Doğum tarixi | |
| Doğum yeri | Bakı, Rusiya imperiyası |
| Vəfat tarixi | (64 yaşında) |
| Vəfat yeri |
Keyptaun,  CAR |
| Təhsili | École des Beaux-Arts, Paris (1936-1939) |
Həyatı redaktə
1914-cü ildə Bakıda polyak ata və rus-fransız ananın övladı kimi doğulmuşdur. Ailəsi 1919-cu ildə Polşaya köçmüşdür. Varşava universitetində və Parisdə oxumuş, 1939-cu ildə arxitektor diplomunu almışdır. İkinci Dünya Müharibəsi illərində partizan hərəkatına qoşulmuş Yaxolkovski 1940-cı ildə həbs olunaraq qatarla SSRİyə aparılmışdır. Yolun yarısında qatardan düşüb qaçan Yaxolkovski bu dəfə də almanların əlinə düşmüş, oradan da qaçaraq İngiltərəyə getmişdir. Daha sonra yenidən Polşaya gizli yollarla qayıtmışdır. Yaxolkovski polyakca, fransızca, ingiliscə, almanca və rusca bilirdi.
1948-ci ildə yenidən İngiltərəyə qayıtmış və evlənmişdir. 1955-ci ildə Cənubi Afrika Respublikasına köçərək orada yaşamağa başlamışdır. Burada metaldan hazırlanmış işləri sərgilənmiş, arxitektorluqdan dizaynerliyə keçmişdir. Əsərləri auksionlarda satılmışdır.
1979-cu ildə 65 yaşında vəfat etmişdir.[1]