Yusif Yüzbəyov
Bu məqaləni vikiləşdirmək lazımdır. |
Bu məqalədə bəzi məlumatlarının mənbəsi göstərilməmişdir. |
Yusif Əbdüləhəd oğlu Yüzbəyov — Azərbaycan alimi, kimya üzrə elmlər doktoru, professor.
Yusif Yüzbəyov | |
---|---|
Yusif Əbdüləhəd oğlu Yüzbəyov | |
Doğum tarixi | |
Doğum yeri | Qusar, Azərbaycan SSR, SSRİ |
Vəfat tarixi | (59 yaşında) |
Vətəndaşlığı |
SSRİ→ Azərbaycan |
Elm sahəsi | kimya |
Elmi dərəcəsi | kimya üzrə elmlər doktoru |
Elmi adı | professor |
Təhsili | Moskva Kimya Texnologiya İnstitutu |
Həyatı redaktə
Yusif Əbdüləhəd oğlu Yüzbəyov 1944-cü il aprelin 8-də Qusar rayonunda kəndli ailəsində anadan olmuşdur. 1950-ci ildə Bakı şəhəri 150 saylı orta məktəbə daxil olmuş, 1960-cı ildə oranı bitirmişdir. 1961-1963-cü illərdə Bakı Soyuducular zavodunda işləmişdir. 1963-cü ildə D.İ.Mendeleyev adına Moskva Kimya Texnologiya İnstitutuna qəbul olunmuş, 1968-ci ildə isə oranı bitirərək “Elektrokimya istehsalı” üzrə mühəndis-texnoloq ixtisasına yiyələnmişdir. 1968-1970-ci illərdə ordu sıralarında qulluq etmişdir. 1970-1971-ci illərdə yenidən Bakı Soyuducular zavodunda işləmişdir.
Elmi fəaliyyəti redaktə
1971-1974-cü illərdə SSRİ Elmlər Akademiyası Elektrokimya İnstitutunun (EKİ) aspiranturasında oxumuşdur. 1974-1994-cü illər Azərbaycan EA Polimer Materialları İnstitutunda kiçik, böyük və aparıcı elmi işçi vəzifələrində işləmişdir. 1994-cü ildən ömrünün sonuna kimi Azərbaycan Sənaye İnstitutunda “Ətraf mühitin mühəndis mühafizəsi” kafedrasına rəhbərlik etmişdir. 1974-cü ildə SSRİ EA EKİ-nin Elmi Şurasında “İkiqat elektrik təbəqəsinin yeni üsulları” mövzusunda namizədlik, 1991-ci ildə isə D.İ.Mendeleyev adına MKTİ-nin Elmi Şurasında “Qatı xlorid turşusunun elektroliz üsulu ilə utilizasiya edilməsilə xlorüzvi məhsulların alınması” mövzusunda doktorluq dissertasiyasını müdafiə etmişdir. 1994-cü ildə professor elmi adını almışdır. Professor Y.Ə.Yüzbəyovun əsas elmi istiqaməti xlorüzvi birləşmələrin elektrokimyəvi sintezinə həsr edilmişdir. Onun tərəfindən aparılan sistemli elmi-tədqiqatlara əsasən, elektroliz üsulu ilə abqaz xlorid turşusu ilə alifatik və aromatik birləşmələr, olefinlər, aldehid və üzvi turşuların ərəyana görə yüksək cçıxıma-90-95% malik xlorlaşdırma prosesi işlənib hazırlanmışdır. Alınmış nəticələrə əsasən təcrübi-istehsalat, istehsalat elektrolizyorlar layihələşdirilib Sumqayıt “Üzvi sintez” zavodunda sınaqdan keçirilmişdir. RF-nin Şelkov şəhərinin “Vitamin” zavodunda 1,1,3-trixloraseton alınması elektrolizyorunun layihəsi verilmişdir. Bu elektrolizyorlar uzun müddət sınaqdan keçirilmişdir. Həmçinin, onun tərəfindən iqtisadi cəhətdən səmərəli və mexaniki dayanıqlı elektrodun seçilməsi məqsədi ilə bütün elmi-tədqiqat prosesləri üçün polyaroqrafik üsuldan istifadə edilmişdir. Onun yuxarıda qeyd edilən istiqamətdə apardığı elmi-tədqiqatların nəticələri 2 monoqrafiya, 2 dərs vəsaitində, 76 elmi əsərdə və 8 müəlliflik şəhadətnaməsində oz əksini tapmışdır. O, 4 elmlər namizədi hazırlamışdır. Professor Y.Ə.Yüzbəyov dəfələrlə Beynəlxalq və Ümumittifaq simpozium və konfranslarda, o cümlədən Praqa şəhərində Qeyrovskiyə həsr olunmuş Elektrokimya simpoziumunda, Amoko, Statoyl şirkətlərinintəşkil etdiyi “Ekologiya, energetika, iqtisadiyyat” üzrə simpoziumlarda (1994,1996), MDB ölkələrində “Üzvi birləşmələrin elektrokimyası” konfransları (1974-1996), XII və XIII Mendeleyev qurultayları (1981,1985) xlorüzvi məhsulları istehsalatının nəzəri əsaslarının müasir vəziyyəti və inkişaf perspektivliyi (Bakı, 1978,1982,1985) və I Ümumittifaq “Maye fazalı materiallar” konfransında (İvanovo, 1990) iştirak etmişdir. Professor Y.Ə.Yüzbəyov 2003-cü il iyulun 13-də vəfat etmişdir.