"Qırmızı bayraq" ordeni

"Qırmızı bayraq" ordeni — Azərbaycan İnqilab Komitəsinin təşəbbüsü ilə 1920-ci ildə təsis edilmiş orden.[1]

"Qırmızı bayraq" ordeni

TarixiRedaktə

Azərbaycan İnqilab Komitəsinin təşəbbüsü ilə 1920-ci ildə “Qırmızı bayraq” ordeni təsis edilmişdir. Bu ordenin eskizinin müəllifi İbrahim ağa Vəkilov olmuşdur və eskizin əsasını Rusiyanın Qırmızı Bayraq ordeni təşkil etmişdir. Ovalşəkilli qızıl suyuna çəkilmiş gümüşdən düzəldilən ordenin ölçüsü 5 x 4,5 sm olmuşdur və hər iki tərəfdən palıd əklili ilə haşiyələnmişdir. Ordenin yuxarı hissəsində üzərində türk dilində ərəb qrafikası ilə “Bütün ölkələrin proletarları, birləşin!” və rus dilində “Пролетарии всех стран, соединяйтесь!” sözləri yazılmış qırmızı bayraq yerləşdirilmişdir.[2]

Ordenin ortasında Qırmızı mina qatı çəkilmiş qırmızı ulduz və oraq-çəkic yerləşdirilmişdir.

Ordenin milli əlaməti onun ortasında yerləşdirilən qırmızı mina qatı çəkilmiş aypara ilə xarakterizə olunur. Ordenin aşağı yarımçevrəsində ağ mina qatı üzərində ərəb qrafikası ilə “Azərbaycan İctimai Şura Cümhuriyyəti” sözləri qravüra edilmişdir. Ordenin lap aşağı hissəsində isə qırmızı mina qatı üzərində rus hərfləri ilə “АССР” (yəni - rus. Азербайджанская Советская Социалистическая Республика) abreviaturası həkk olunmuşdur.

Təltif olunanlarRedaktə

Ordenlə 53 nəfər mükafatlandırılmışdır.

İstinadlarRedaktə

  1. Azərbaycan SSR-in ordenləri, medalları və döş nişanları — files.preslib.az saytı
  2. Санубар Касимова. Фалеристика Азербайджана первой половины XX века, «İRS- Наследие», №3, 2009 г., s. 24-28.