Çəmbərəkənd parkı
Çəmbərəkənd parkı – Azərbaycanın Bakı şəhərinin Səbail rayonunda yerləşən park. 8 iyun 2022-ci ildə açılıb.[1] Açılışda Azərbaycan prezidenti İlham Əliyev də iştirak etmişdir.[1]
| Çəmbərəkənd parkı | |
|---|---|
 Parkın yuxarıdan görünüşü. | |
| Məlumatlar | |
| Parkın tipi | park |
| Yerləşməsi |
Səbail rayonu, Bakı,  Azərbaycan |
| Sahəsi | 4 ha |
| Yaradılıb | 8 iyun 2022 |
| Statusu | açılıb |
| Xəritədə yeri | |
 |
|
 Vikianbarda əlaqəli mediafayllar | |
Bakının Həsən Seyidbəyli küçəsində istifadəsiz ərazidə salınmış parkda yaşıllaşdırma işləri aparılmış, 1200 metr uzunluğunda piyada yolları salınmış, sakinlərin asudə vaxtlarını keçirmələri üçün şərait yaradılmışdır.[1] Parkda estakada üzərində piyadalar üçün 147 metr uzunluğunda körpü salınmış, şəhər mənzərəli iki terras düzəldilmiş, müasir üslubda fəvvarə inşa edilmiş, ərazidə iaşə obyekti, sanitar qovşaq və inzibati bina tikilmişdir.[1] Ərazinin relyefinə uyğun olaraq sürüşmənin qarşısını almaq üçün istinad divarı çəkilmişdir.[1] Həmçinin ərazidə idman və uşaq əyləncə qurğuları quraşdırılmışdır.[1] Ərazisi 4 hektar olan parkın yaşıllıq sahəsinə qazon örtük döşənmiş, 50 mindən çox müxtəlif növ ağac, kol və güllər əkilmişdir.[1]
Qalereya
redaktə
İstinadlar
redaktə- ↑ 1 2 3 4 5 6 7 "İlham Əliyev Bakıda yeni salınmış "Çəmbərəkənd" parkında yaradılan şəraitlə tanış olub". President.az (az.). 8 iyun 2022. 2022-06-08 tarixində arxivləşdirilib. İstifadə tarixi: 8 iyun 2022.