Çadır-Lunqa Dimitri monastırı
Çadır-Lunqa Dimitri monastırı — Qaqauziyanın Çadır-Lunqa şəhərində yerləşən Rus Pravoslav Kilsəsinin Kahul və Komrat yeparxiyasının monastırı.
Tarixi redaktə
1972-ci ilin sentyabr ayında Sovet hakimiyyəti şəhərin mərkəzində yerləşən Müqəddəs Dimitri kilsəsini partlatmışdır. 14 yaşlı Dimitri Kirioqlo xarabalıqların altından sağ qalan iki ikona çıxarda bilmişdir.[1]
1980-ci illərin sonlarında Dimitri Kirioqlo Moskva Ruhani Akademiyasını bitirib Çadır-Lunqaya geri qayıtdı. 1988-ci ildə əhalidən yüzlərlə imza toplayaraq məbəd tikmək üçün SSRİ Ali Sovetinin Rəyasət Heyətinə müraciət etdi. Ərizə qəbul edildi, lakin torpaq mərkəzdə deyil, şəhərdən kənarda, qəbiristanlığın yaxınlığında verildi. Yeni tikilmiş məbədin divarlarını Dimitri qızı Kseniya ilə birlikdə boyadılar. Dimitri həmçinin 17-ci əsr Balkan oyma tərzində ikonostas eskizlərini hazırlamışdır, hansıları ki sonra ukraynalı ustalar düzəltmişdilər.[1]
7 oktyabr 2000-ci ildə Rus Pravoslav Kilsəsinin Müqəddəs Sinodu Müqəddəs Dimitri kilsəsini monastıra çevirməyə qərar verdi.[2] 27 iyul 2009-cu ildə rahibə Elisaveta (Popova) monastırın başçısı təyin edildi.[3]
2014-cü ildə monastır kompleksi torpaq sürüşməsi təhlükəsi ilə üz üzə qaldı. Bu zaman monastır kompleksin ətrafındakı ərazini möhkəmləndirmək üçün rəhbərlik təxminən 400 min ley xərclədi, lakin üç il sonra, 2017-ci ilin yazında beton dirəklər uçuruldu və monastır yenidən dağıdılmaq təhlükəsi altında qaldı.[4] 2017-ci ilin sonunda monastırın ətrafındakı yarğan yenidən gücləndirildi, bu dəfə proses Qaqauziya hakimiyyətinin dəstəyi ilə həyata keçirildi.[5]
2019-cu ilə olan məlumata əsasən, monastırda 20 nəfər yaşayırdı. Monastır məbədində iki taxt var: din şəhidi Müqəddəs Dimitri adına və Müqəddəs Nikolay adına. Məbədin yaxınlığında mənəvi və tədris mərkəzi, zəng qülləsi və təsərrüfat korpusu yerləşir. Yaxınlıqda ümumi sahəsi 5 hektar olan monastır sahələri və üzüm bağları var.[1] Monastırda köhnə Müqəddəs Dimitri Məbədindən qalan iki ikona və su quyusunda tapılan Herbovets Tanrı Anası ikonası var.[6]
İstinadlar redaktə
- ↑ 1 2 3 "Свято-Дмитриевский женский монастырь г. Чадыр-Лунга". discover.gagauzia.today. 2019-01-03. 2019-01-07 tarixində orijinalından arxivləşdirilib. İstifadə tarixi: 2019-07-16.
- ↑ "ЖУРНАЛЫ заседания Священного Синода от 7-9 октября 2000 года". patriarchia.ru. 2005-04-11. 2017-08-09 tarixində arxivləşdirilib. İstifadə tarixi: 2019-07-16.
- ↑ "ЖУРНАЛЫ заседания Священного Синода от 27 июля 2009 года". patriarchia.ru. 2009-07-27. 2009-07-28 tarixində arxivləşdirilib. İstifadə tarixi: 2019-07-16.
- ↑ "Свято-Дмитриевскому женскому монастырю в Чадыр-Лунге угрожают оползни". gagauzinfo.md. 2017-07-09. 2017-07-11 tarixində arxivləşdirilib. İstifadə tarixi: 2019-07-16.
- ↑ "«Нам удалось приостановить оползни»: подрядчик о выполненных работах в женском монастыре Чадыр-Лунги". gagauzinfo.md. 2018-03-17. 2019-07-16 tarixində arxivləşdirilib. İstifadə tarixi: 2019-07-16.
- ↑ "Mănăstirea Ceadîr-Lunga". turism.gov.md (Moldovan). Agenţia Turismului a Republicii Moldova. 2010-08-03. 2010-04-20 tarixində arxivləşdirilib. İstifadə tarixi: 2019-07-16.