Çingiz Sadıqov
Çingiz Hacı oğlu Sadıqov (5 aprel 1929, Bakı – 30 dekabr 2017[1], San-Fransisko, Kaliforniya) — pianoçu, Azərbaycan SSR xalq artisti (1987), Bakı Musiqi Akademiyasının professoru (1991–1994)
| Çingiz Sadıqov | |
|---|---|
 | |
| Ümumi məlumatlar | |
| Doğum tarixi | |
| Doğum yeri | Bakı, Azərbaycan SSR |
| Vəfat tarixi | (88 yaşında) |
| Vəfat yeri | San-Fransisko, ABŞ |
| Dəfn yeri | |
| Vətəndaşlığı |
 SSRİ→ Azərbaycan ABŞ |
| Milliyyəti | Azərbaycanlı |
| Musiqiçi məlumatları | |
| Fəaliyyəti | pianoçu |
| Musiqi aləti | fortepiano |
| Təhsili | |
| Mükafatları |
    |
Həyatı
redaktəÇingiz Sadıqov 1929-cu il aprelin 5-də Bakıda anadan olmuşdur. İlk təhsilini 1939–1946-cı illərdə Bakının Onillik musiqi məktəbinin istedadlı uşaqlar qrupunda almışdır. 1939–1946-cı illərdə Azərbaycan Dövlət Konservatoriyasının piano fakültəsində (X), 1951–1953-cü illərdə Moskva Dövlət Konservatoriyasının aspiranturasında təhsil almışdır.
1953–1971-ci illərdə Azərbaycan Dövlət Filarmoniyasının solisti və konsertmeysteri, 1971–1981-ci illərdə 16 saylı Bakı musiqi məktəbinin direktoru, 1981–1990-cı illərdə "Azkonsert" yaradıcılıq birliyinin bədii rəhbəri, 1973–1976-cı illərdə Yəmən Demokratik Respublikasında İncəsənət İnstitutunun təşkilatçısı və müəllimi, 1983–1986-cı illərdə mədəniyyət və turizm nazirinin məsləhətçisi, 1991–1994-cü illərdə Bakı Musiqi Akademiyasının professoru kimi fəaliyyət göstərmişdir.
Məşhur Azərbaycan muğənniləri Rəşid Behbudov, Bülbül, Müslüm Maqomayev, Lütfiyar İmanov, Fidan və Xuraman Qasımovalarla işləmiş, onları royalda müşayiət etmişdir.
1994-cü ildən ABŞ-də San-Fransisko şəhərində yaşayırdı. Amerikanın 40-a yaxın şəhərində konsertləri təşkil olunmuşdur.
Sadıqovun 80 illik yubileyi münasibətilə ABŞ Konqresinin keçmiş spikeri Nensi Pelozi ona təbrik məktubu göndərmişdir.
Çingiz Sadıqov 30 dekabr 2017-ci ildə Amerikada vəfat etmişdir.[2]
Mükafatları
redaktə- "Əməkdə fərqlənməyə görə" medalı — 9 iyun 1959
- "Azərbaycan SSR əməkdar artisti" fəxri adı — 10 iyun 1959
- "Azərbaycan SSR xalq artisti" fəxri adı — 30 dekabr 1987
- "Şöhrət" ordeni — 28 oktyabr 2009
Filmoqrafiya
redaktə- Onu bağışlamaq olarmı? (film, 1959)
- Gülağa Məmmədov (film, 2002)
- Çingiz Sadıqov (film, 2006)
- Memar (film, 2006)
- Maqomayev (teleserial, 2020)
İstinadlar
redaktə- ↑ Chingiz Sadykhov // Discogs (ing.). 2000.
- ↑ "Azərbaycanın görkəmli musiqiçisi, pianoçu Çingiz Sadıqov vəfat edib". 2022-03-21 tarixində arxivləşdirilib. İstifadə tarixi: 2017-12-31.