İçihara Gölkənarı Muzeyi
İçihara Gölkənarı Muzeyi (市原湖畔美術館, İçihara Kohan Bicutsukan?) – Yaponiyanın Çiba prefekturasının İçihara şəhərində yerləşən incəsənət muzeyi.
| İçihara Gölkənarı Muzeyi | |
|---|---|
 | |
 | |
| Əsası qoyulub | 3 avqust 2013 |
| Ölkə | |
| Yerləşir | İçihara[d] |
| Direktor | Furamu Kitaqauva[d] |
| 35°20′57″ şm. e. 140°09′38″ ş. u.HGYO | |
| lsm-ichihara.jp lsm-ichihara.jp/en/ | |
Tarixi
redaktəMuzey 2013-cü ilin avqustunda İçihara şəhərinin 50 illiyi münasibəilə və 1995-ci ildə əsası qoyulmuş İçihara Şəhər Su və Heykəltaraşlıq Təpəsi adlı turizm obyektinin yenilənməsi üçün 2011-ci ildə başladılmış tikinti işlərindən sonra açılmışdır.[1] Muzey binasının dizaynı 231 namizəd arasından seçilmiş "Kawaguchi Tei Architects" şirkəti tərəfindən hazırlanmışdır. Muzey binası XXI Çiba Prefektura Memarlıq Mükafatına layiq görülmüşdür.[2]
Ekspozisiya
redaktəMuzey Takataki gölünün kənarında yerləşir. Yeraltı və yerüstü iki mərtəbədn ibarət olan muzeyin hədəfi ziyarətçilərə "metropolitan bölgədə oazis" təqdim etməkdir. Muzeyin sərgisi 5 açar konsepsiyaya əsaslanır. Burada yeni incəsənət formalarını ehtiva edən, uşaqların əylənə biləcəyi, yerli icma ilə bağlı olan, beynəlxalq əməkdaşlığa əsaslanan işlər sərgilənir. Xüsusi sərgilər incəsənət, memarlıq, dizayn, musiqi və folklor kimi mövzulara həsr olunur. Muzeydə hər il Uşaqların Rəsm Sərgisi təşkil olunur.[2] Muzey binasının eksteryerində Naka-Boso regionuna aid şeir həkk olunmuşdur.[3] Muzeyin restoranında Çiba prefekturasının inqredientləri ilə hazırlanmış pizzalar satılır.[1]
Daimi sərgidə İçihara şəhərinin fəxri vətəndaşı olan sənətçi Yukio Fukazavanın işləri nümayiş etdirilir. 500-dən çox işdən ibarət olan kolleksiyaya şüşə rəsmlər, mis lövhələr, pastel rəsmlər və kalliqrafiyalar daxildir. Burada Fukazava tərəfindən ixtira edilmiş robot-dəzgah "Çintara I" sərgilənir.[4]
Muzeydə sərgilənən işlərə ağciyəri xatırladan "Heigh-Ho", "Oyuncaq əsgər", 700 şəffaf borudan ibarət olan "İynələr və sancaqlar damı", "İtmiş pəncərələr", "Ulduz üzümləri" daxildir. Ziyarətçilər muzey kompleksinə daxil olan Fucivara su nasos sistemi qülləsinə çıxa bilərlər. Bu təchizat göldən suvarma məqsədli su çəkmək üçün istifadə olunmuşdur.[3]
İstinadlar
redaktə- ↑ 1 2 "市原湖畔美術館". Ichihara Street (yaponca). 4 avqust 2024 tarixində arxivləşdirilib. İstifadə tarixi: 21 dekabr 2024.
- ↑ 1 2 "About". Muzeyin rəsmi saytı (ingiliscə). 21 dekabr 2024 tarixində arxivləşdirilib. İstifadə tarixi: 21 dekabr 2024.
- ↑ 1 2 "Permanent". Muzeyin rəsmi saytı (ingiliscə). 21 dekabr 2024 tarixində arxivləşdirilib. İstifadə tarixi: 21 dekabr 2024.
- ↑ "Collection". Muzeyin rəsmi saytı (ingiliscə). 8 sentyabr 2024 tarixində arxivləşdirilib. İstifadə tarixi: 21 dekabr 2024.
Xarici keçidlər
redaktə- lsm-ichihara.jp — Rəsmi saytı