İbadulla Dəmirov
İbadulla Dəmirov (tam adı: İbadulla Ağabala oğlu Dəmirov ; d. 21.08.1959, İmişli Otuziki kəndi, - ö. 25.06.1992, Qazançı, Zəngilan rayonu) — "Hərbi xidmətlərə görə" medalı; Qarabağ müharibəsi şəhidi.[1]
| İbadulla Dəmirov | |
|---|---|
| İbadulla Ağabala oğlu Dəmirov | |
 | |
| Şəxsi məlumatlar | |
| Doğum tarixi | |
| Doğum yeri | İmişli rayonu Otuziki kəndi |
| Vəfat tarixi | (32 yaşında) |
| Vəfat yeri | Qazançı, Zəngilan rayonu |
| Vəfat səbəbi | Şəhid |
| Dəfn yeri | Biləsuvar rayonu |
| Vətəndaşlığı |
 SSRİ → Azərbaycan |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü | Daxili Qoşunlar |
| Hərbi hissə | Daxili Qoşunlar Komandanlığı |
| Xidmət illəri | 1977-1992 |
| Rütbə | Baş leytenant |
| Vəzifəsi | Komandir Müavini |
| Döyüşlər | Birinci Qarabağ müharibəsi |
| Təltifləri |
 |
Həyatı Redaktə
İbadulla Dəmirov 1959-cu il 21 avqustda İmişli rayonu Otuziki kəndində dünyaya gəlmişdir. 1965-ci ildə Biləsuvar rayonu Səmədabad kənd orta məktəbinə daxil olmuş,daha sonra isə ailəsi ilə birlikdə Biləsuvar rayonuna köçmüşdür və Nizami Gəncəvi adına 1 saylı tam orta məktəbdə təhsilini davam etdirmişdir. 1975-ci ildə Nizami Gəncəvi adına 1 saylı tam orta məktəbi əla qiymətlərlə başa vurmuşdur. İbadulla Dəmirov 1977-ci ildə hərbi xidmətə çağırılmışdır. 1983-cü ildə Leninqrad şəhərində Ali hərbi məktəbə daxil olmuş,məktəbi qurtardıqdan sonra İbadulla təyinatla Alma-Ata şəhərində yerləşən hərbi hissəyə göndərilmişdir. 1990-cı ilin yanvar ayından Azərbaycan Respublikası Daxili Qoşunlar Komandanlığının sərəncamı ilə N saylı hərbi hissəsinin birinci batalyonunda komandir müavini vəzifəsində çalışmışdir.[1]
Ailəsi Redaktə
Dəmirova Kamilə Umudəli qızı - həyat yoldaşı
Dəmirov Natiq İbadulla oğlu - övladı
Döyüşlərdə iştirakı Redaktə
İbadulla Dəmirov 1992-ci ilin aprel ayından Ağdam rayonunun Papravənd kəndində gedən döyüşlərdə iştirak etmişdir. Sonra o, Zəngilan rayonunun Şayıflı kəndində yerləşən “A” nöqtəsinə göndərilmiş, 24 iyun 1992-ci ildə Zəngilan rayonunun Qazançı kəndi uğrundakı döyüşlərdə qəhrəmancasına şəhid olmuşdur. Xidmət etdiyi müddətdə nümunəvi xidmətlərinə görə müxtəlif orden və medallarla təltif olunmuşdur.[1]
Azərbaycan Respublikası Prezidentinin 09.03.2007 sərəncamı ilə ölümündən sonra "Hərbi xidmətlərə görə" medalı ilə təltif olunmuşdur.[1]
25 iyun 1992-ci ildə Biləsuvar rayonunda dəfn edilmişdir.[1]
İstinadlar Redaktə
- ↑ 1 2 3 4 5 "Arxivlənmiş surət". 2021-05-27 tarixində orijinalından arxivləşdirilib. İstifadə tarixi: 2021-05-27.