İbrahim Ləmbəranski
İbrahim Ləmbəranski (21 sentyabr 1972, Bakı)— Azərbaycan Respublikası Baş Prokurorluğu Bakı şəhər Sabunçu rayon prokuroru.[1],[1][2]
| İbrahim Ləmbəranski | |
|---|---|
| Ləmbəranski İbrahim Elmar oğlu | |
 | |
| Doğum tarixi | 21 sentyabr 1972 (51 yaş) |
| Doğum yeri | Bakı, Azərbaycan SSR |
| Vətəndaşlığı | azərbaycan |
| Fəaliyyəti | hüquqşünas |
| Mükafatları | "İgidliyə görə" medalı |
Həyatı redaktə
İbrahim Ləmbəranski 21 sentyabr 1972-ci ildə Bakı şəhərində anadan olub. 1989-cu ildə Bakı şəhər 6 №li orta məktəbi bitirib və həmin ildə Bakı Dövlət Universitetinin hüquq fakültəsinə daxil olub. 1994-cü ildə oranı bitirmişdir. Ailəlidir, üç övladı var.
Fəaliyyəti redaktə
1995-ci ildə Bakı şəhəri Əzizbəyov (Xəzər) rayon prokurorluğunun böyük müstəntiqi vəzifəsi üzrə stajor təyin edilmiş və 1996–2001-ci illərdə həmin rayon prokurorluğunun böyük müstəntiqi vəzifəsində işləmişdir. 2001–2006-cı illərdə Bakı şəhəri Binəqədi rayon prokurorluğunun böyük müstəntiqi, 2006–2007-ci illərdə Bakı şəhər prokurorluğunun İstintaq idarəsinin böyük müstəntiqi vəzifəsində işləmişdir.[3] 2007–2016-cı illərdə Azərbaycan Respublikası Baş Prokurorluğunun Ağır cinayətlərə dair işlər üzrə İstintaq idarəsinin xüsusilə mühüm işlər üzrə böyük müstəntiqi vəzifəsində işləmişdir. 2016-cı ildən 2020-ci ilin iyun ayınadək Bakı şəhər Pirallahı rayon prokuroru, 2020-ci ilin iyun ayından Bakı şəhər Sabunçu rayon prokuroru vəzifəsində işləyir.[4] Baş ədliyyə müşaviri xüsusi rütbəsindədir. Səmərəli işə, o cümlədən, ağır və xüsusilə ağır cinayət hadisələrinin açılmasında ölkəmizdə ictimai rezonansa səbəb olan bir sıra cinayət işlərinin müvəffəqiyyətlə aparılmasına görə Azərbaycan Respublikası Prokurorluğunun rəhbərliyi tərəfindən dəfələrlə təşəkkür, qiymətli hədiyyə və s. xidməti qaydada həvəsləndirilmişir. Azərbaycan Respublikası Baş Prokurorluğunun Ağır cinayətlərə dair işlər üzrə istintaq idarəsinin xüsusilə mühüm işlər üzrə böyük müstəntiqi dövrdə Quba hadisələri, "NİDA"çıların işi, Leyla Yunus, Rauf Mirqədirovun işi kimi bir çox siyasi motivli cinayət işlərinin istintaqına rəhbərlik etmişdir. 2006-cı ildən Beynəlxalq Prokurorlar Assosiasiyasının üzvüdür. Azərbaycan və rus dillərini mükəmməl bilir. Bitərəfdir, siyasi partiyaların üzvü olmamışdır.[5]
Mükafatları redaktə
- Azərbaycan Respublikası Prezidentinin 01 oktyabr 2012-ci il tarixli sərəncamı ilə "İgidliyə görə" medalı ilə təltif edilmişdir.[6]
- Azərbaycan Respublikası Baş prokurorunun 21 sentyabr 2022-ci il tarixli əmri ilə "Azərbaycan Prokurorluğunun 100 illiyi (1918–2018)" Azərbaycan Respublikasının yubiley medalı ilə təltif edilmişdir.
- Azərbaycan Respublikası Prokurorluğunun "Fəxri işçisi" döş nişanı və "Fəxri Fərman" ilə təltif edilmişdir.
- Azərbaycan Respublikası Dövlət Sərhəd Xidməti rəisinin 17 avqust 2023-cü il tarixli əmri ilə "Hərbi əməkdaşlıq sahəsində xidmətlərə görə" medalı ilə təltif edilmişdir.
İstinadlar redaktə
- ↑ 1,0 1,1 "İbrahim Ləmbəranskinin qəfil təyinatının sirri bilindi." Arxivləşdirilib 2019-04-11 at the Wayback Machine Musavat qəzeti, E. Məmmədəliyev, 19.03.2016
- ↑ Prokurorluqdan İbrahim Ləmbəranski ilə bağlı — Açıqlama Arxivləşdirilib 2019-04-24 at the Wayback Machine
- ↑ "İbrahim Ləmbəranski prokuror oldu". © TURAN İNFORMASİYA AGENTLİYİ (az.). 2023-09-28 tarixində arxivləşdirilib. İstifadə tarixi: 2023-09-28.
- ↑ "Sabunçu rayon Prokurorluğu | Azərbaycan Respublikası Bakı şəhəri Sabunçu Rayon İcra Hakimiyyəti". sabunchu-ih.gov.az. 2022-08-14 tarixində arxivləşdirilib. İstifadə tarixi: 2023-09-28.
- ↑ "Arxivlənmiş surət". musavat.com. 2023-09-28 tarixində arxivləşdirilib. İstifadə tarixi: 2023-09-28.
- ↑ Azərbaycan Respublikası Prokurorluğunun bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı