İbrahim Nəsrullayev
İbrahim Nəsrullayev (tam adı: İbrahim İsmayıl oğlu Nəsrullayev, 18 yanvar 1999, Bakı) — Azərbaycanlı musiqiçi.
| İbrahim Nəsrullayev | |
|---|---|
| Ümumi məlumatlar | |
| Doğum tarixi | 18 yanvar 1999 (25 yaş) |
| Doğum yeri | |
| Milliyyəti | Azərbaycanlı |
| Musiqiçi məlumatları | |
| Fəaliyyəti | musiqiçi, müğənni |
Həyatı redaktə
İbrahim İsmayıl oğlu Nəsrullayev 1999-cu ilin yanvarın 18-i Bakıda anadan olub.[1] Musiqiyə böyük həvəsi olan İbrahim 3 yaşından bəstəkar Oqtay Zülfüqarovun bəstələdiyi mahnıları ifa etməyə başlayıb. Bir qədər sonra Azərbaycan mahnıları ilə yanaşı rus, italyan, amerikan mahnılarını da oxumağa başlayıb. 2008-ci ildən 2013-cü ilin may ayınadək 3 saylı uşaq incəsənət məktəbinin şagirdi olub. Beş il əməkdar artist Ziya Bağırovun tələbəsi olub. Gənc istedadın repertuarında , əsasən, Tofiq Quliyevin bəstələdiyi mahnılar üstünlük təşkil edir.
Estrada, vokal, pop musiqisi ilə məşğul olan İ. Nəsrullayev bir çox müsabiqələrin iştirakçısı, o cümlədən, 2010-cu ildə keçirilmiş “İstedadlar sorağında “ müsabiqəsinin qalibi olub.
Fəaliyyəti redaktə
2011-ci ildə Bakıdakı Alman-Azərbaycan Mədəniyyət Birliyi “ Kapellhaus “ zalında gənc müğənninin solo konserti təşkil olunub. İfaçının İsveçdəki müsabiqəyə qatılması xarici ölkədə ilk çıxışı deyil. Onun ilk səfəri Estoniyaya olub. O, VII Beynəlxalq Akademik Vokal müsabiqəsinin qalibi olduğu üçün “ I Premiya “ və “ Artistik “ diplomları ilə təltif olunub.
13 yaşında “Gold star” adına layiq görülüb. Latviya Respublikasının Riqa şəhərində keçirilən “Riqa Symphony-2013” müsabiqəsində vokal nominasiyası üzrə Türkiyə Respublikasının təmsilçisi kimi iştirak edib, II və III yerlərə layiq görülərək diplomla təltif olunub. ABŞ-nin Los-Anceles şəhərində keçirilən, dünyanın 53 ölkəsinin iştirakı etdiyi “World championsips” XVII Ümumdünya musiqi olimpiadasında iştirak edib. İbrahim Hollivuddan 3 gümüş və 1 bürünc medalla vətənə dönüb.
2014-cü ildə Müstəqillik günü münasibəti ilə Azərbaycan Gənclər Fondu, TUMİB Türkiyə Universitetləri Məzunları İctimai Birliyi və Addım Gənclər Təşkilatının birgə həyata keçirdiyi “Mən fəxr edirəm ki, azərbaycanlıyam” layihəsinə dair keçirilən müsabiqədə qaliblərdən biri olub.
İbrahim Nəsrullayev İsveçin “TV4” telekanalının təşkil etdiyi istedadlar yarışması “Talent 2017”nin qalibi olub. Talang i TV4 yutub kanalında ifasını milyonlarla insan izləyib.[2][3]
Həmçinin bax redaktə
İstinadlar redaktə
- ↑ "Ibrahim Nasrullayev". ratsit. İstifadə tarixi: 11 iyul 2018.
- ↑ "Ibrahim vann "Talang" 2017 - Video". gp.se. 2018-09-14 tarixində arxivləşdirilib. İstifadə tarixi: 11 iyul 2018.
- ↑ "18 yaşlı azərbaycanlı İsveçdə qalib oldu - Video". qafqazinfo.az. 2017-06-13 tarixində arxivləşdirilib. İstifadə tarixi: 11 iyul 2018.