İdeya Gənclər Klubu

"İdeya" Gənclər Klubu (ing. İdea Youth Club) - Azərbaycanda fəaliyyət göstərən, ictimai birlik.

İdeya Gənclər Klubu
İdeya Gənclər Klubu.jpg
Növü İctimai birlik
Yaranma tarixi 1 mart 2012
Sədri Azər Aydın
ideaclub.org

TarixiRedaktə

“İdeya” Gənclər klubu 2012-ci il, 1 martda bir qrup gənc tərəfindən yaradılıb. Klubun yaranmasında məqsəd sağlam düşüncəli insanların sayını artırmaq, gənc liderlər yetişdirmək, vətəndaş cəmiyyəti quruculuğunda gənclərin rolunu artırmaq, eyni zamanda, yeni simaları üzə çıxarmaqdır.

MəqsədiRedaktə

Klub müxtəlif tədbirlərlə sosial işlərdən uzaq qalan gənclərə vətəndaş cəmiyyətinin fəal üzvü olmağı aşılayacaq, rəngarəng maarifləndirici layihələrlə onlara hüquq və vəzifələrini öyrədəcək, eyni zamanda, mühüm mövzularla bağlı gəncləri bilgiləndirəcək. “İdeya”da təşkil olunacaq film nümayişləri, müxtəlif kitab təqdimatları, debatlar üzvlərdə müzakirə mədəniyyətinin yaradılması məqsədini daşıyır.

FəaliyyətiRedaktə

Fəaliyyəti dövründə klub üzvlərinin hazırlayacağı reportajlar, məqalələr onlarda həm sosial media alətlərindən istifadə bacarığını artıracaq, həm də qaranlıq qalan və qeyri-ənənəvi mövzuların üzə çıxarılmasında vasitəçi olacaq. Bildiyiniz kimi, mövcud cəmiyyətdə müzakirə, debat mədəniyyəti, fikir müxtəlifliyinə tolerant yanaşma, bir məsələyə çoxprizmalı baxış arzuolunan səviyyədə deyil. Bununla yanaşı, insanlar vətəndaş mövqelərini açıq şəkildə ortaya qoymalı olduqları mövzularda kənara çəkilir, düşüncələrini ifadə etməkdən qorxur və fikirlərini gizlədirlər. Nəticədə, onlar özlərini cəmiyyətdən qeyri-ixtiyari formada təcrid edirlər. “İdeya” qarşıya qoyulan məqsədlərini ilk növbədə, mühazirələr, debat, film nümayişləri, müxtəlif kitab təqdimatları vasitəsi ilə reallaşdıracaq. Klub, eyni zamanda, rəngarəng flashmoblar, əyləndirərək öyrədən müsabiqələri keçirməyi də planlaşdırır.

İstinadlarRedaktə