İlkin Şahbazov
Bu məqalədə heç bir məlumatın mənbəsi göstərilməmişdir. |
İlkin İntiqam oğlu Şahbazov (8 noyabr 1986, Bakı) — Taekvondo üzrə ikiqat Avropa çempionu, Azərbaycan Taekvondo Federasiyasının kiçik yeniyetmələrdən ibarət milli yığma komandanın baş məşqçisi, "Ümid" Taekvondo Klubunun rəhbəridir.
| İlkin Şahbazov | |
|---|---|
 | |
| Şəxsi məlumatlar | |
| Vətəndaşlığı | |
| Doğum tarixi | 8 noyabr 1986 (37 yaş) |
| Doğum yeri | |
| İdman növü | taekvondo |
Həyat və Fəaliyyəti redaktə
İlkin Şahbazov 1986-cı il noyabrın 8-də Bakı şəhərində anadan olmuşdur. 1993–2004-cü illərdə Bakı şəhərindəki 190 saylı orta məktəbdə təhsil almışdır. 1998-ci ildə Taekvondo idman növü ilə məşğul olmağa başlamışdır. 2000-ci ildə Belarusiyada Minsk şəhərində, gənclər arasindı keçirilən Çempionatda qızıl medal qazanmışdır. 2001-ci ildə ilk dəfə respublika çempionu olmuşdur. Ümumilikdə isə 14 dəfə Respublika Çempionu titulu qazanmışdır. 2003-cü ildə Yunanıstanda Afina şəhərində keçirilən Gənclərin Avropa çempionatında qızıl medal qazanmışdır. 2004-cü ildə Azərbaycan Dövlət Bədən Tərbiyəsi və İdman Akademiyasına qəbul olmuşdur. 2006-cı ildə Almaniyada Bonn şəhərində keçirilən Taekvondo üzrə Avropa Çempionatında ən yüksək nəticə olan Qızıl Medalı qazanmışdır. Həmin il Azərbaycanda "İlin İdmançısı" adına layiq görülmüş və Azərbaycan Respublikasının Prezidenti İlham Əliyev tərəfindən mənzil hədiyyə olunmuşdur. 2008-ci ildə İtaliyada Roma şəhərində keçirilən Avropa Çempionatında gümüş medal qazanmışdır. Həmin il (2008-ci il) ali məktəbi müvəffəqiyyətlə bitirmiş və hərbi xidmətə yola düşmüşdür. 2009-cu ildə Bakıda keçirilən Komandalar üzrə Dünya Kubokunda 2-ci yeri qazanmışdır. 2014-cü ildə Azərbaycanda Bakı şəhərində keçirilən Avropa Çempionatında bürünc medala sahib olmuşdur. 2015-ci ildən məşqçilik fəaliyyətinə başlamış, 2016-cı ildə isə döyüşçü karyersını bitirmiş və "Ümid" Taekvondo Klubunu təsis etmişdir. 2018-ci ildə Azərbaycan Taekvondo Federasiyasının kiçik yeniyetmələrdən ibarət milli yığma komandanın baş məşqçisi təyin olunmuşdur. 2019-cu ildə uğurlu məşqçi fəaliyyətinin nəticəsi olaraq, tələbələri Avropa çempionatında yüksək nəticələr əldə edərək, qızıl və bürünc medallar qazanmışdırlar. 2023-cü ildə, yetişdirdiyi tələbəsi yeniyetmələr arasında, tarixdə ilk dəfə dünya çempionu olmuşdur. IV dan Qara Kəmər sahibidir.
Ailəlidir, iki övladı var.
