İlqar İsmayılov
İlqar Sədi oğlu İsmayılov — Azərbaycanın Milli Qəhrəmanı, Birinci Qarabağ müharibəsi şəhidi.[1]
| İlqar İsmayılov | |
|---|---|
| İlqar Sədi oğlu İsmayılov | |
 | |
| Hərbi fəaliyyəti | |
| Mənsubiyyəti |
 Daxili İşlər Nazirliyi |
| Qoşun növü |
 Daxili Qoşunlar |
| Hərbi hissə | Binəqədi Rayon Polis İdarəsi |
| Rütbəsi | Kapitan |
| Vəzifəsi | Cinayət axtarışı üzrə əməliyyat müvəkkili |
| Döyüşlər | Birinci Qarabağ müharibəsi |
| Təltifləri |
 |
Həyatı
redaktə29 mart 1959-cu il Bakı şəhərində doğulmuşdur. Əslən Qazax rayonundandır. 1966-cı ildə Bakı şəhərindəki 45 saylı orta məktəbə getmiş, 1976-cı ildə təhsilini başa vurmuşdur. Daha sonra Azərbaycan Bədən Tərbiyəsi İnstitunda təhsil almışdır. 1981-ci ildə hərbi xidmətə çağırılımış, 1983-cü ildə ordudan tərxis edilmişdir.[2]
Ailəsi
redaktəAiləli idi, iki övladı yadigar qalıb.
Hərbi xidməti
redaktəİlqar 1991-ci ildən başlayaraq tez-tez döyüş bölgəsinə gedərdi. Onun şücaəti nəticəsində ermənilərlə vuruşan xeyli xarici vətəndaş ələ keçirilmişdir. Onun rəhbərliyi ilə 128 nəfər döyüşçümüz Qızartı yüksəkliyini erməni basqınçılarından azad etmişdir. İgid komandir 1992-ci il 1 oktyabr qəhrəmancasına həlak olmuşdur.
Bakı şəhərinin Şəhidlər xiyabanında dəfn edilib.[2]
Təltif və mükafatları
redaktə- Azərbaycan Respublikası prezidentinin 19 oktyabr 1992-ci il tarixli 273 saylı fərmanı ilə kapitan İsmayılov İlqar Sədi oğlu ölümündən sonra "Azərbaycanın Milli Qəhrəmanı" adına layiq görülmüşdür.[1]
İrsi
redaktəBakı küçələrindən biri onun adını daşıyır, 45 saylı orta məktəbin önündə büstü qoyulub.[2]
İstinadlar
redaktə- ↑ 1 2 "National heroes". azerbaijans.com (English). 18 February 2019 tarixində arxivləşdirilib. İstifadə tarixi: 2 April 2019.
- ↑ 1 2 3 "İSMAYILOV İlqar Sədi oğlu". ASSOCIATION FOR CIVIL SOCIETY DEVELOPMENT IN AZERBAIJAN. April 2, 2019 tarixində arxivləşdirilib. İstifadə tarixi: April 2, 2019.
Ədəbiyyat
redaktə- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 144.