İlqar Niftəliyev

İlqar Vahid oğlu Niftəliyev (26 may 1972) — Azərbaycan tarixçisi, tarix elmləri doktoru, dosent, AMEA A.A.Bakıxanov adına Tarix İnstitutunun icraçı direktoru.

İlqar Vahid oğlu Niftəliyev
Doğum tarixi	26 may 1972(1972-05-26) (51 yaş)
Elm sahəsi	Tarix
Elmi dərəcəsi	tarix elmləri doktoru (2023)
Elmi adı	dosent
İş yeri	AMEA Tarix İnstitutunun icraçı direktoru
Təhsili	Bakı Dövlət Universiteti Tarix fakültəsi

Həyatı

İlqar Niftəliyev 1972-ci il mayın 26-da anadan olmuşdur. O, 1996-2002-ci illərdə Bakı Dövlət Universitetinin tarix fakültəsində təhsil almışdır.

İlqar Niftəliyev 2002-ci ildən AMEA A.A.Bakıxanov adına Tarix İnstitutunda işləyir. O, 2003-2006-cı illərdə AMEA A.A.Bakıxanov adına Tarix İnstitutunun aspiranturasında təhsil almışdı.

İ.V.Niftəliyev 2007-ci ildə “Azərbaycan SSR-ə qarşı ermənilərin ekspansiya planlarının həyata keçirilməsi (XX əsrin 20-ci illərinin birinci yarısı)” adlı dissertasiya işi müdafiə etmiş, tarix üzrə fəlsəfə doktoru alimlik dərəcəsinə layiq görülmüşdür.

İlqar Niftəliyev 2015-2017-ci illər ərzində AMEA A.A.Bakıxanov adına Tarix İnstitutunun "Azərbaycanın müasir tarixi" şöbəsinin, 2017-2023-cü illərdə isə "Azərbaycanın Sovet dövrü tarixi"şöbəsinin müdiri vəzifəsində işləmişdir. O, AMEA Tarix İnstitutu Elmi Şurasının üzvüdür, 2005-ci ildən 2016-cı ilədək Tarix İnstitutunun Gənc alimlər və mütəxəssislər Şurasının sədri olmuşdur. Hazırda, İlqar Niftəliyev AMEA A.A.Bakıxanov adına Tarix İnstitutunun İcraçı direktoru vəzifəsində çalışır.

İlqar Niftəliyevin elmi axtarışlarının əsas istiqamətini Azərbaycanın müasir dövr tarixinin müxtəlif məsələlərinin araşdırılması təşkil edir. O, 5 kitabın (3-ü – müştərək) və 80-dən çox elmi məqalənin müəllifidir. İ.V.Niftəliyev çoxsaylı beynəlxalq və respublika səviyyəli konfransların istirakçısı olmuşdur.

Evlidir, iki övladı var.

Elmi fəaliyyəti

Çap olunmuş monoqrafiyaları

1. Азербайджанская ССР в экспансионистских планах армян (20-е годы ХХ века). Баку: Тахсил, 2010, 292 с.
2. Геноцид азербайджанцев в Иреванской губернии (1918-1920). Баку: 2014, Турхан, 188 с.
3. Кадровая политика в Азербайджанской ССР в 1920-1930-е гг.: цели, основные направления и формы осуществления /-Баку: Elm və təhsil,- 2018.- 480 с.

Sənədlər toplusu

1. История Азербайджана в архивных документах (1917-1920). На основе материалов Российского Государственного архива Социально-политической истории. Гл.редактор Я.М.Махмудов, составитель И.В.Нифталиев. Баку, 2010.
2. Azərbaycan xalqına qarşı 1918-ci il mart soyqırımı. Xatirələr. Sənədlər toplusu. 3-cilddə, c.2. Baş redaktor Y.M.Mahmudov, tərtibçi İ.V. Niftəliyev. Bakı, 2010.
3. Azərbaycan xalqına qarşı 1918-1920-ci illər soyqırımı. İrəvan quberniyasında soyqırımı. 3 cilddə, cild 2, kitab 2. Baş redaktor Y.M.Mahmudov, tərtibçi İ.V. Niftəliyev. Bakı. 2011.
4. Azərbaycan xalqına qarşı 1918-1920-ci illər soyqırımı. Gəncə quberniyasında soyqırımı. 3 cilddə, cild 2, kitab 1. Baş redaktor Y.M.Mahmudov, tərtibçi İ.V. Niftəliyev. Bakı. 2011.
5. История Азербайджана в архивных документах (апрель-декабрь 1920 года). На основе материалов Российского Государственного архива Социально-политической истории. Гл.редактор Я.М.Махмудов, составитель И.В.Нифталиев. Баку, 2012.