İmmiqrant (film, 1917)

"İmmiqrant" (ing. The Immigrant) — rejissor Çarli Çaplinin filmi.

İmmiqrant
ing. The Immigrant
Janr	komediya
Rejissor	Çarli Çaplin
Prodüser	Çarli Çaplin
Ssenari müəllifləri	Çarli Çaplin
Baş rollarda	Çarli Çaplin Edna Pörviens
Operator	Roland Totero
Bəstəkar	Çarli Çaplin
Montajçı	Çarli Çaplin
İstehsalçı	Mutual Film Corporation
İlk baxış tarixi	17 iyun 1917
Filmin növü	qısametrajlı bədii film
Müddət	20 dəq.
Ölkə	ABŞ
Dil	səssiz
İl	1917
Rəng	ağ-qara
IMDb	ID0008133
Vikianbarda əlaqəli mediafayllar

İmmiqrant

Məzmun

Edna və onun anası immiqrant kimi paroxodla Nyu-Yorka gəlirlər. Çarli və Edna nahar zamanı tanış olurlar.

Çarli gəmi sərnişinləri ilə kart oyunu oynayır və qalib gəlir. Oyunçulardan biri Ednanın xəstə anasının pullarını oğurlayır. Sonra isə bu pulları Çarliyə uduzur. Edna hamıya bildirir ki, onların pulları oğurlanıb. Çarli qazandığı bütün pulları ona verir.

Gəmi Nyu-Yorka gəlib çatır. Mühacirət idarəsi sərnişinlərin sənədlərini yoxlamağa başlayırlar. Bir qədər keçdikdən sonra Çarli şəhərin küçələrilə avara-avara gəzdiyi göstərilir. O, acdır, yemək istəyir, lakin bunun üçün pulu yoxdur. Təsadüfən restoranın qabağında yerdən qəpik tapan Çarli onu cibinə qoyur və restorana daxil olur. Hətta onun xəbəri belə yoxdur ki, cibində deşik var və qəpik küçədə qalıb.

O, restoranda yemək sifariş verərkən Ednanı görür. Qadın ağlayaraq anasının vəfat etdiyini deyir. Çarli onu öz masasına dəvət edir və ona da paxla sifariş verir. Onlarınsa heç birinin pulu yoxdur.

5 ofisiant yemək yeyib pulunu verməyən müştərinin üstünə düşüb onu döyürlər. Yekəpər ofisiant onu sifətindən vurur və restorandan çölə atır.

Elə bu zaman xoşbəxtlikdən Çarli və Ednanın masasına bir rəssam əyləşir. Rəssam onlara iş vermək istəyir. Rəssam bu iş təklifindən sonra öz sifarişinin pulunu verir və Çarli ilə Edna üçün də müəyyən qədər pul qoyub gedir. Bu məbləğ Çarlinin öz sifarişinin pulunu ödəməyə bəs edir.

Filmin sonunda onlar nikah bağlamağa gedirlər.

Film haqqında

Film 1998-ci ildə Milli filmlər reyestrinə daxil edilmişdir.

Filmin heyəti

Filmin üzərində işləyənlər

Ssenari müəllifləri: Çarli Çaplin, Vinsent Brayan, Meverik Terrell

Rejissor: Çarli Çaplin

Operator: Roland Totero

Prodüser: Con Cesper

Rollarda

Çarli Çaplin — immiqrant

Edna Pörviens — immiqrant qız

Erik Kempbell — baş ofisiant

Albert Ostin — müştəri

Henri Berqman — rəssam