İndustry

Industry — Azərbaycan rok qrupu.

Qrup 1994-cü ilin aprel ayında bas-gitarist Fuad Babayev tərəfindən yaradılıb. Azərbaycanda ilk grunge qrup sayılan "Industry"nin tərkibi vokalist Rüstəm Quliyev, bas-gitarist Fuad Babayev, solo-giratist Rüfət Mirzəyev və barabançı Eldar Topçubaşovdan ibarət olub. 1995-ci ildə qrupun tərkibində dəyişiklik baş verir. Qrupa yeni solo gitarist və dodaq qarmoşkası ifaçısı Nazim Abdullayev gəlir. Lakin o tezliklə qrupu tərk edir və onu Çingiz Ələkbərov əvəzləyir.

Qrup məşqlərə ANS televiziyasının binasında icarəyə götürdüyü kiçik otaqda başlayır. Qrupun ilk fanatları onun musiqisini dinləmək üçün bura axışır. "Industry" 1995-ci ilin mayında Blakportda ilk debüt konsertini Mad Jam (1995), sonrakı konsertlərini isə Necropolis, LSD, Nemo və Crushing Heads - X-Ray qrupları ilə birgə verir. Qrup sonralar bir neçə festivalda ("Rok-fiesta", "Toçka oporı") iştirak edir. Son ifası isə 28 may 1997-ci ildə Respublika gününə həsr edilmiş konsertdə olur. Həmin gün səhnədə "Industry"dən başqa "Rast", "Sindikat", "Bakustik Jazz", "Papa Jack" qruqları da çıxış edir. Konsert Azadlıq meydanında baş tutur.

Çingiz Ələkbərovun İsrailə, Rüstəm Quliyevin isə Amerikaya getməsi ilə qrup dağılır.

Qrupun tərkibi:

• Fuad Babayev (Freddi Ket) - bas
• Rüstəm Quliyev (Roody Wulf) - vokal
• Çingiz Ələkbərov (Telli Reyven) - qitara
• Eldar Topçubaşov