İngiltərə Milli Futbol Superkuboku

Tarixi redaktə

1898/99 – cu ildə İngiltərədə Şerif London Super kuboku (Sheriff of London Charity Shield) yarandı. Bu kubok peşəkar futbolçularla həvəskarlar arasında oynanılırdı. O 1908/09 – cu ildə futbol assosiasiyasının Xeyriyyəçilik kuboku (The Football Association Charity Shield) kimi əvəz edilərək yarandı. Super kubokda 1-ci dvizion liqasının qalibi ilə cənub liqasının qalibi oynayırdı. İlk Super kubok "Mançester Yunayted"lə (1-ci dvizionun çempionu) "Kuinz Park Reyncers" (Cənub liqasının çempionu) arasında oynanıldı. Əsas vaxt 1:1 hesabı ilə başa çatdı. Əlavə vaxtda "Mançester Yunayted" 3 top vuraraq ilk İngiltərə Super kubokunun qalibi oldu.

1913-cü ildə turnirin formatı dəyişildi.

Super kubokda həvəskarlarla peşəkar futbolçular oynamağa başladı. 1914 – cü ildən 1919 – cu ilə qədər Super kubok 1-ci Dünya Müharibəsinə görə dayandırıldı.

İlk dəfə olaraq 1921 – ci ildə Super kubokda futbol liqasının qalibi İngiltərə kubokunun qalibinə qarşı oynadı. Lakin yenidən kubokun formatı dəyişdirildi. Və həvəskarlarla peşəkar futbolçular arasında oynanmağa başlandı. 1930 – cu ildə yenidən kubokun formatı dəyişdirilərək futbol liqsının çempionu ilə İngiltərə kubokunun sahibi arasında oynanılmağa başladı. Bu format 1950 – ci ilə qədər dəyişdirilmədi. Onu da qeyd edim ki, 1939-47 – ci illərdə İngiltərə Super kuboku II Dünya Müharibəsinə gorə keçirilməyib. Bu formatda yeganə fərqlilik 1950 – ci ildə oldu. Həmin il Super kubokda dünya çempionatı obrazı şəklində İngiltərə yığması Futbol assosiasiyasına qarşı oynadı və 4:2 hesabı ilə qalib gəldi.

İngiltərə Super kuboku futbol mövsümü başlamamış oynanılır. Bu kubok 1974 – cü ildən "Uembli" stadionunda keçirilir. Yalniz 2001 və 2006 – illərdə yenidən qurma işləri ilə əlaqədar olaraq Super kubok Cardiffdə "Millenium" stadionunda keçirilib.

İngiltərə Super kubokunun son qalibi "Mançester Yunayted" olub. 10 avqust 2008 – ci ildə keçirilən oyunda "Mançester Yunayted"lə "Portsmut" qarşılaşıb. Bu 1996 – cı ildən bəri ilk hadisə idi ki, Super kubokda "böyük dördllük" komandası oynamırdı. Oyunda hesab açılmadı. 11 metrlik zərbələrdə isə "Mançester Yunayted" 3:1 hesabı ilə qalib gəldi.

"Mançester Yunayted" ən çox İngiltərə Super kubokunu qazanan komandadır. "Mançester Yunayted" 21 dəfə (Qeyd edim ki, bu kuboku Livepul 15, Arsenal 12 dəfə qazanıb) bu kuboku başı üzərinə qaldırıb. Bunlardan 8 – ni 4 dəfə ardıcıl 2 il qalib olaraq qazanıb. Ancaq hələ heç vaxt 3 il ardıcıl olaraq bu kubokun qalibi olmayıb. Artıq təxminən saat yarımdan sonra başlayacaq oyunda "Mançester Yunayted" bu rekordu vurmağa çalışacaq. Əgər "Mançester Yunayted" bu gün qalib olarsa, bu Rayan Giqqz üçün də yeni bir rekord olacaq. Çünki Rayan Giqqz İngiltərə Super kubokunu ən çox qazanan oyunçudur. Giqqz bu kuboku nə az, nə çox düz yeddi dəfə (1993, 1994, 1996, 1997, 2003, 2007, 2008) başı üzərinə qaldırıb.