İnternet münasibəti
İnternet münasibəti — internetdə tanış olan və bir çox hallarda bir-birini yalnız internet vasitəsilə tanıyan insanlar arasındakı münasibət.[1] Onlayn münasibətlər bir çox cəhətdən məktub dostu münasibətlərinə bənzəyir. Bu əlaqə romantik, platonik və hətta işgüzar münasibətlərə əsaslana bilər. İnternet münasibəti (və ya onlayn münasibət), şəxsi münasibətlər kimi, münasibət adlandırılmazdan əvvəl əsasən, müəyyən bir müddət davam edir. Buradakı əsas fərq odur ki, internet münasibəti kompüter və ya onlayn xidmət vasitəsilə davam etdirilir və münasibətdə olan şəxslər bir-birləri ilə şəxsən görüşə və ya heç vaxt görüşməyə bilərlər. Əks halda, bu termin kifayət qədər genişdir və mətn, video, audio və hətta virtual xarakterə əsaslanan münasibətləri də əhatə edə bilər. Bu münasibət müxtəlif bölgələrdə, müxtəlif ölkələrdə, dünyanın müxtəlif tərəflərində, hətta eyni ərazidə yaşayan, lakin şəxsi ünsiyyət qurmayan insanlar arasında ola bilər.
Texnoloji üstünlükləri
redaktə"Cins, təxəllüslər və KVK: Maskalanmış şəxsiyyətlər və çılpaq ruhlar" kitabının müəllifi Maykl Ceffə görə, "internet əvvəlcə hökumət alimləri ilə müdafiə ekspertləri arasında ünsiyyəti sürətləndirmək üçün yaradılmışdı və heç də məşhur "şəxslərarası əlaqə" olmaq üçün nəzərdə tutulmamışdı". Bununla belə, hələ də kütləvi ictimaiyyətin onlayn ünsiyyət qurmasına imkan verən yeni və inqilabi cihazlar daim inkişaf etdirilir və buraxılır.[2]
Fərqli istifadə və qarşılıqlı əlaqə üsulları üçün çoxlu cihazların olması əvəzinə, mobil telefonlar, planşetlər, noutbuklar və smartfonlar kimi bir cihazda quraşdırılmış internet funksiyasına malik olmaqla onlayn ünsiyyət daha əlçatan və daha ucuzdur. Bu cihazlarla onlayn ünsiyyət qurmağın digər yolları e-poçt, Skype, iChat, ani mesajlaşma proqramları, sosial şəbəkə xidmətləri, asinxron müzakirə qrupları, onlayn oyunlar, virtual dünyalar və WWW kimi xidmətlər və tətbiqlərdir.
Bu onlayn ünsiyyət yollarından bəziləri YouTube kimi asinxron (real vaxtda olmayan), bəziləri isə Twitter kimi sinxrondur (dərhal ünsiyyət). Sinxron kommunikasiya iki və ya daha çox iştirakçı real vaxtda səsli və ya mətn söhbəti vasitəsilə qarşılıqlı əlaqədə olduqda baş verir.[3]
İstinadlar
redaktə- ↑ Quercia, Daniele; Bodaghi, Mansoureh; Crowcroft, Jon. "Loosing "friends" on Facebook". Proceedings of the 4th Annual ACM Web Science Conference. 22 iyun 2012: 251–254. doi:10.1145/2380718.2380751.
- ↑ Jaffe, J. Michael. "Gender, Pseudonyms, and CMC: Masking Identities and Baring Souls". Paper for 45th Annual Conference of the International Communication Association, 1995, Albuquerque, New Mexico, USA. University of Michigan. 1 September 2012 tarixində orijinalından arxivləşdirilib. İstifadə tarixi: 26 April 2012.
- ↑ Wood, Andrew F.; Smith, Matthew J. Online communication : linking technology, identity and culture. Mahwah, NJ [u.a.]: Erlbaum. 2001. səh. 37. ISBN 978-0-8058-3731-5.
Əlavə ədəbiyyat
redaktə- Clift, Pamala (2013) Virgin's Handbook on Virtual Relationships (CreateSpace)ISBN 1463666993
- Dwyer, Diana (2000) Interpersonal Relationships (Routledge Modular Psychology)
- Englehardt, E.E. (2001), Ethical Issues in Interpersonal Communication: Friends, Intimates, Sexuality, Marriage, and Family, Hartcourt College Publishers, Fort Worth, TX,
- Schnarch, D. "Sex, intimacy, and the internet". Journal of Sex Education. 22 (1). 1997: 15–20. doi:10.1080/01614576.1997.11074166.
- Christine Hine. Virtual methods: issues in social research on the Internet. Berg. 8 July 2005. 22–. ISBN 978-1-84520-085-5. İstifadə tarixi: 19 March 2012.
- Adam N. Joinson. The Oxford handbook of Internet psychology. Oxford University Press. 17 May 2007. 217–. ISBN 978-0-19-856800-1. İstifadə tarixi: 19 March 2012.
- Fred P. Piercy; Katherine M. Hertlein; Joseph L. Wetchler. Handbook of the Clinical Treatment of Infidelity. Psychology Press. 28 December 2005. 178–. ISBN 978-0-7890-2995-9. İstifadə tarixi: 19 March 2012.
- Aboujaoude, E. (2011). Virtually you: The dangerous powers of the e-personality. New York: W. W. Norton. ISBN 978-0-393-07064-4