İntiqam Camaləddinov
İntiqam Həsən oğlu Camaləddinov (5 sentyabr 1971, Muxas, Vartaşen rayonu – 30 aprel 1994, Qapanlı, Tərtər rayonu) — Leytenant, Azərbaycan Milli Ordusunun zabiti, "Azərbaycan Bayrağı" ordeni laureatı (ölümündən sonra)[1]
| İntiqam Camaləddinov | |
|---|---|
| azərb. Camaləddinov İntiqam Həsən oğlu | |
 İntiqam Camaləddinov hərbi xidmətdə | |
| Şəxsi məlumatlar | |
| Doğum tarixi | 5 sentyabr 1971 |
| Doğum yeri | |
| Vəfat tarixi | 30 aprel 1994 (22 yaşında) |
| Vəfat yeri | |
| Dəfn yeri | |
| Vətəndaşlığı | |
| Milliyyəti | azərbaycanlı |
| Uşağı | Elşən |
| Atası | Həsən Camaləddinov |
| Anası | Zenfira Məmmədsaatova |
| Təhsili |
|
| Hərbi fəaliyyəti | |
| Xidmət illəri | 1985–1994 |
| Rütbəsi |
 Leytenant |
| Döyüşlər | |
| Təltifləri |
 |
Həyatı redaktə
İntiqam Camaləddinov 5 sentyabr 1971-ci ildə Oğuz rayonunun (Vartaşen rayonu) Muxas kəndində anadan olub. 1978-ci ildə Muxas kənd orta məktəbinin I sinfinə getmiş, səkkizinci sinfə qədər burada oxumuş, 1985-ci ildə Bakı C.Naxçıvanski adına internat məktəbinə (Cəmşid Naxçıvanski adına hərbi lisey) daxil olmuşdur.
1988-ci ildə bu təhsil ocağını bitirərək Çelyabinsk Ali Hərbi Avtomobil Mühəndisləri Məktəbinə (rus. ЧВВАИУ) qəbul olunmuş, burada təhsilini bitirməyə bir necə ay qalmış Azərbaycan Respublikasında müharibə şəraiti ilə bağlı-xaricdə təhsil alan hərbçilərin vətənə çağırılması ilə əlaqədar Azərbaycana çağırılmış, hərbi təhsilini Bakı Ali Hərbi Birləşmiş Komandanlığı Məktəbində (Heydər Əliyev adına Azərbaycan Ali Hərbi Məktəbi) bitirmişdir. İlk olaraq təyinatla Güzdək qəsəbəsindəki hərbi hissəyə Avtomobil xidmət rəisi vəzifəsinə təyin olunmuşdur. Az bir müddət burada çalışdıqdan sonra Müdafiə Nazirliyinin xətti ilə könüllü surətdə cəbhə bölgəsinə yollanmış, Qarabağ uğrunda gedən döyüşlərdə – 1992-ci ildən 1994-cü ilə qədər demək olar ki, bütün cəbhə boyu ərazilərdə gedən hərbi əməliyyatlarda (xüsusilə Ağdam, Füzuli, Əsgəran, Xocalı, Şuşa, Ağcabədi, Beyləqan bölgələrində) yaxından iştirak etmişdir. Ardıcıl üç hərbi hissədə – hər birində texnika üzrə Avtomobil xidmət rəisi vəzifəsində çalışmaqla (30 iyul 1992-ci ildən – 29 mart 1993-cü ilədək 708 saylı H/h, 1993 cü il 29 mart – 19 iyuladək 002 saylı H/h-KORPUSda və 19 iyul-30 aprel tarixinə kimi 777 saylı Hərbi hissədə qulluq etmişdir. Ailəli idi. Bir övladı var.
Vəfatı redaktə
1994-cü il aprel ayının 25-də Tərtər rayonunun Qapanlı kəndi istiqamətində gedən döyüşdə ağır yaralanaraq 30 apreldə Şəhid olmuşdur. Doğulduğu Oğuz rayonunun Muxas kəndində dəfn olunmuşdur.
Mükafatları redaktə
(15 yanvar 1995) — "Azərbaycan Bayrağı" ordeni (ölümündən sonra) — Azərbaycanın ərazi bütövlüyünün qorunub saxlanmasında göstərdiyi igidliyə görə "Azərbaycan Bayrağı" ordeni ilə təltif edilmişdir.[1]
.svg){kind=small}
İrsi və xatirəsi redaktə
- Oğuz şəhər küçələrindən biri şəhid İntiqam Camaləddinovun adını daşıyır.
Ədəbiyyat redaktə
Kitab redaktə
- Gülxani Pənah, "O gözəl hərbçi idi", "Oğuz şəhidləri, itkinləri" kitabı, Bakı, "Mütərcim", 1999. səh.25–30.
- Ruhiyyə Camaləddinova, "Bir nakam ömür" (Memuar), Bakı, "İrfan" nəşriyyatı, 2012.
Qəzet redaktə
- Sirac Musayev, "Kənd öz hərbçisini itirdi", "Oğuz yurdu" qəzeti, № 10(27014), 27 may 1994-cü il.
- Ruhiyyə Camaləddinova, "Qardaş dağı — bacı fəryadı", "Oğuz yurdu" qəzeti, 15 iyul 1994-cü il.
- "Azərbaycan Respublikasının bir qrup hərbi qulluqçusunun və polis işçilərinin təltif edilməsi haqqında Azərbaycan Respublikası Prezidentinin fərmanı", "Azərbaycan" qəzeti, № 11(1028), 17 yanvar 1995-ci il.
- Ruhiyyə Camaləddinova, "Yarımçıq qalmış ömür", "Oğuz yurdu" qəzeti, № 8(4339), 25 aprel 2009-cu il, səh.4.
- Nazim Hüseynli, "Şəhid İntiqam Camaləddinov və onun yadigarı Elşən", "Oğuz yurdu" qəzeti, № 13(4419), 22 iyul 2012-ci il, səh.3.
- Ruhiyyə Camaləddinova, "Vətənin keşiyində möhkəm dayan, Şəhid oğlu!" və "Ata" şeiri. "Oğuz yurdu" qəzeti, № 8(4414), 29 aprel 2012-ci il, səh.6.
- Nazim Hüseynli, "Muxas kəndində Şəhid İntiqam Camaləddinovun anım mərasimi keçirilmişdir", "Oğuz yurdu" qəzeti, № 10–11(4468), 10 may 2014-cü il, səh.5.
- Ruhiyyə Camaləddinova, "Qarşınızda baş əyirəm, Şəhidlər!", "Oğuz yurdu" qəzeti, № 10–11(4468), 10 may 2014-cü il, səh.5.
Xarici keçidlər redaktə
İstinadlar redaktə
- ↑ 1 2 "Azərbaycan Respublikasının hərbi qulluqçularının və polis işçilərinin "Azərbaycanın Milli Qəhrəmanı" adı verilməsi haqqında Azərbaycan Respublikası Prezidenti Heydər Əliyevin 15 yanvar 1995-ci il tarixli 262 nömrəli fərmanı". www.e-qanun.az (Normativ hüquqi aktların vahid internet elektron bazası) ( (az.)). 15.01.1995. 2015-10-23 tarixində arxivləşdirilib. İstifadə tarixi: 15.01.1995.