İsa Qurbanov

Qurbanov İsa Əli oğlu (1 yanvar 1940, Cil, Krasnoselsk rayonu) — fizika-riyaziyyat elmləri namizədi, dosent.

İsa Qurbanov
Qurbanov İsa Əli oğlu
Doğum tarixi	1 yanvar 1940(1940-01-01) (84 yaş)
Doğum yeri	Cil, Krasnoselsk rayonu, Ermənistan SSR, SSRİ
Elmi dərəcəsi	fizika-riyaziyyat elmləri namizədi
Elmi adı	dosent
Təhsili	Azərbaycan Dövlət Universitetinin Mexanika-riyaziyyat fakültəsi

Həyatı

1940-cı il yanvar ayının 1-də Qərbi Azərbaycanın Cil kəndində anadan olub. 1958-ci ildə orta məktəbi bitirərək həmin il Azərbaycan Dövlət Universitetinin (indiki Bakı Dövlət Universiteti) mexanika–riyaziyyat fakültəsinə daxil olub.

Universiteti bitirdikdən sonra 1963-cü ildən Babacan, 2 ay sonra isə Cil kənd orta məktəbində müəllim işləyib. Sonra könüllü olaraq ordu sıralarına qulluğa gedib.

1965-ci ildə hərbidən tərxis olaraq Cil kəndində müəllim, dərs-hissə müdiri və direktor vəzifələrində çalışıb.

1969-cu ilin oktyabr ayından Bakıya köçüb və Bakı Dövlət Universitetində böyük mühəndis, iki ildən sonra isə hesablama riyaziyyatı kafedrasında müəllim işləyib. Eyni zamanda aspiranturada qiyabi təhsil alıb.

Beş il mexanika-riyaziyyat fakültəsinin dekan müavini, on il yarım birinci prorektorun müavini işləyib. Hazırda hesablama riyaziyyatı kafedrasının dosentidir.

Diferensial tənliklər üçün qeyri lokal sərhəd məsələlərin təqribi həlli onun tədqiqat sahəsidir.

Ailəlidir, üç övladı var

Əsərləri

• 1. Bir sərhəd məsələsinin həlli üçün sonlu fərqlər üsulu, BDU-nun elmi əsərləri, 1978, № 6, səh.51–60
• 2. Bir xüsusi məsələnin təqribi üsulları, Analizin təqribi üsulları, BDU, 1982, 90–99
• 3. Bir məsələnin həlli üçün iterasiyalı üsullar, Diferensial və inteqral tənliklərin təqribi həlli, BDU, 1983, səh.70–78

Kitabları

• 1. Hesablayacı maşınlar və proqlamlaşdırma. I hissə,1978
• 2. Hesablayacı maşınlar və proqlamlaşdırma. II hissə,1981
• 3. Mikro EHM, proqramlaşdırma və praktika.1988
• 4. Riyazi proqramlar paketi.2003

Mənbə

• İsa Qurbanov Arxivləşdirilib 2014-12-12 at the Wayback Machine