İsay Abramaşvili

İsay Abramaşvili (rus. Исай Александрович Абрамашвили ; 13 sentyabr 1920, Bakı, Azərbaycan SSR, SSRİ — 1964) — sovet futbolçusu, yarımmüdafiəçi. Azərbaycan SSR əməkdar məşqçisi.

İsay Abramaşvili
Ümumi məlumatlar
Tam adı	İsay Aleksandroviç Abramaşvili
Doğum tarixi	13 sentyabr 1920
Doğum yeri	Bakı, Azərbaycan SSR, SSRİ
Vəfat tarixi	1964
Vətəndaşlığı	SSRİ
Mövqeyi	yarımmüdafiəçi
Karyerası
Klub karyerası 1949—1951 Neftyanik 83 (18) 1952 VVS 10 (1) 1953 Dinamo Leninqrad 12 (0) 1954—1955 Neftyanik 35 (2) Məşqçisi olduğu klublar Metallurq Sumqayıt 1962 Dinamo Kirovabad 1964 Dinamo Kirovabad Təltif və medalları

Həyatı

İsay Abramaşvili 13 sentyabr 1920-ci ildə Bakı şəhərində anadan olub. 20 avqust 1941-ci ildə Qızıl Ordu sıralarına çağırılıb.

1941-ci ilin noyabr ayından, 1942-ci ilin iyul ayına kimi 8-ci dəniz piyada briqadasının tərkibində Sevastopolun müdafiəsində iştirak edib. 1942-ci il iyulun 4-dən 1945-ci il avqustun 9-dək əsirlikdə olub. "Almaniya üzərində qələbəyə görə" medalı ilə təltif edilib.

1949-cu ildən 1951-ci ilədək və 1954-cü ildən 1955-ci ilədək Bakının "Neftyanik", 1952-ci ildə Moskvanın "VVS", 1953-cü ildə isə Leninqradın "Dinamo" komandasında çıxış edib.

Oyunçu karyerasını bitirdikdən sonra Sumqayıtın "Metallurq" və Kirovabadın "Dinamo" klublarında məşqçi kimi çalışıb.

Xarici keçidlər

• FootballFacts.ru saytında profili