İsgəndər Cəfərov (alim)
İsgəndər Sadixoviç Cəfərov (1948, Bakı — 2013, Rusiya) ― geologiya-mineralogiya üzrə elmlər doktoru (1986), AMEA-nın müxbir üzvü (1989), Rusiyanın Təbiət Elmləri Akademiyasının həqiqi üzvü (1998).[1]
| İsgəndər Cəfərov | |
|---|---|
| İsgəndər Cəfərov | |
 | |
| Digər adı | İsgəndər Sadixoviç Cəfərov |
| Doğum tarixi | |
| Doğum yeri | Bakı |
| Vəfat tarixi | |
| Vəfat yeri | Rusiya |
| Elmi dərəcəsi | geologiya-mineralogiya elmləri doktoru (1986) |
| Təhsili | Azərbaycan Dövlət Neft və Sənaye Universiteti |
| Üzvlüyü | AMEA (1989) |
Həyatı
redaktəİsgəndər Cəfərov 1948-ci ildə Bakı şəhərində anadan olub. Ali təhsilini 1971-ci ildə Azərbaycan Dövlət Neft və Sənaye Universitetində alıb. O, Geoloji-kəşfiyyat fakültəsini Mühəndis-geofizik ixtisasını üzrə bitirib.[1]
Əmək fəaliyyəti
redaktəİsgəndər Cəfərov 1993–1997-ci illərdə Moskvanın Ümumittifaq Elmi Tədqiqat Neft İnstitutunda baş elmi işçi vəzifəsində çalışıb. Sibir-Ural neft qazkimya şirkətinin böyük vitse-prezidenti vəzifəsini icra edib. Habelə İsgəndər Cəfərov Xəzər dənizinin bir sıra yataqlarının ehtiyatlarının hesablanması üzrə yerinə yetirilən işlərdə iştirak edib, Tengiz, Karaçağanak və Samotlor yataqları üzrə ekspert olub.[1]
Elmi fəaliyyəti
redaktəİsgəndər Cəfərov 1975-ci ildə fəlsəfə doktoru, 1986-cı ildə geologiya-mineralogiya üzrə elmlər doktoru elmi dərəcələrini alıb. O, 1989-cu ildə Azərbaycan Milli Elmlər Akademiyasının müxbir üzvü seçilib. 1998-ci ildə isə Rusiyanın Təbiət Elmləri Akademiyasının həqiqi üzvü seçilib.[1]
Elm sahəsi geoloji obyektlərin xüsusiyyətlərinin modelləşdirilməsi və proqnozlaşdırılmasının riyazi üsullarının inkişafı olub. O, petrofiziki əlaqələrin, geofiziki parametrlərin, geoloji modellərin qurulması və neft-qazın təbii rezervuarlarının ehtiyatlarının qiymətləndirilməsi zamanı ehtimal determinent yanaşmadan istifadə edib. İsgəndər Cəfərov öz tədqiqatlarını sistem yanaşma əsasında və geoloji-geofiziki məlumatların analizində kompüter texnologiyasından istifadə etməklə aparmış, karbohidrogen yataqlarının kəşfiyyatı məsələlərinin həllində orijinal kompüter proqramlarını işləyib hazırlamışdır.[1]
İsgəndər Cəfərovun 127 elmi əsəri, o cümlədən 9 monoqrafiyası nəşr olunub. 11 patentin müəllifi olan Cəfərovun rəhbərliyilə 17 fəlsəfə doktoru hazırlanıb.[1]
Mükafatları
redaktəİsgəndər Cəfərov İ. M. Qubkin adına mükafatın laureatı olub. Həmçinin Rusiyanın Fəxri neftçisi adı ilə təltif olunub. 2006-cı ildə elm və texnika sahəsində RF Dövlət mükafatına layiq görülüb.[1]
İstinadlar
redaktə- ↑ 1 2 3 4 5 6 7 "İsgəndər Sadixoviç Cəfərov" (Azərbaycan). science.gov.az. 21.09.2021 tarixində arxivləşdirilib.