İsgəndər bəy Qəmbərəliyev

İsgəndər bəy Məşədi Salman bəy oğlu Qəmbərəliyev — İsgəndər bəy Məşədi Salman bəy oğlu Qəmbərəliyev (tarixi ədəbiyyatda Əliyev də yazılır. Qəmbərəliyev düzdür) 1888-ci il mayın 10-da Gəncədə anadan olmuşdur. 1906-cı il iyunun 1-də 6 sinifli Gəncə şəhər məktəbini bitirmişdi. Kollec registirliyinə yiyələnmişdi. 1917-ci ildən Yelizavetpol (Gəncə) qəza və xalq milisində xidmət etmişdi. Zaqafqaziya Komissarlığının əmri ilə 1918-ci il yanvar ayının 1-dən Gəncə şəhər xalq milisində 4-cü sahənin milis komissarı təyin edilmişdi.

İsgəndər bəy Qəmbərəliyev
bayraqŞamxor qəzasının rəisibayraq
1919
Sələfi Camal bəy Sultanov
Xələfi Mirzə Məhəmməd Axundov
Şəxsi məlumatlar
Doğum yeri Aldərə, Zəngəzur qəzası
Uşağı Fərrux bəy Sərməstbəyov

Azərbaycan Xalq Cümhuriyyəti dövründə 1918-ci il iyun ayının 23-də Gəncənin ilk qubernatoru təyin olunmuş polkovnik İbrahim ağa Vəkilovun 25 sentyabr 1918-ci il tarixli əmri ilə İsgəndər bəy Qəmbərəliyev Gəncə şəhər polismeysterinin böyük köməkçisi (1-ci müavini) vəzifəsinə təyin edilmişdi. Daxili işlər naziri N.Yusifbəylinin 30 sentyabr 1919-cu il tarixli 133 nömrəli əmri ilə bu vaxtadək Gəncə polismeysterinin böyük köməkçisi vəzifəsində çalışan İsgəndər bəy Qəmbərəliyev Gəncə şəhərinin müvəqqəti polismeysteri təyin olunmuşdur. Sonra yenə daxili işlər naziri N.Yusifbəylinin 12 noyabr 1919-cu il tarixli 295 nömrəli əmri ilə İsgəndər bəy Qəmbərəliyev Şamxor (Şəmkir) qəzasının rəis əvəzi göndərilmişdi. Nəhayət, Azərbaycan Xalq Cümhuriyyətinin daxili işlər naziri Mustafa bəy Vəkilovun 18 fevral 1920-ci il tarixli 34 nömrəli əmri ilə İsgəndər bəy Məşədi Salman bəy oğlu Qəmbərəliyev 12 noyabr 1919-cu ildən sayılmaqla Şamxor qəzasının rəisi vəzifəsinə (1-ci dərəcə üzrə ayda 3.000 manat məvaciblə) təyin edilmiş və bu vəzifədə Cümhuriyyətin süqutuna qədər xidmət göstərmişdi.İsgəndər bəy Qəmbərəliyevlər otuzuncu illərin repressiyasına məruz qalmış[1]

İstinadlarRedaktə

  1. İltifat Şahsevən (Əliyarlı), İltifat Musa oğlu. İstiqlal fədailəri - Azərbaycan Xalq Cümhuriyyətinin Daxili İşlər Nazirləri və silahdaşları: 1918-1920 Bakı – Mütərcim – 2013

Həmçinin baxRedaktə