İsmayıl Sadıqov

Sadıqov İsmayıl Camal oğluAzərbaycan alimi, professor.

İsmayıl Sadıqov
İsmayıl Camal oğlu Sadıqov
Doğum tarixi (92 yaş)
Doğum yeri Minkənd, Laçın rayonu, Azərbaycan SSR
Elmi adı professor
Mükafatları "Şanlı Əmək" medalı

Həyatı redaktə

İsmayıl Sadıqov 27 aprel 1931-ci ildə Laçın rayonunun Minkənd kəndində anadan olub.

1948-ci ildə orta məktəbi bitirmiş, elə həmin il Azərbaycan Dövlət Universitetinin Kimya fakültəsinə daxil olmuş, 1953-cü ildə institutu bitirmişdir. Təhsil aldığı illərdəki nailiyyətlərinə görə institutda saxlanılmış və aspiranturaya qəbul olmuşdur. Sonrakı illərdə o, baş elmi işçi, kimya kafedrasının dosenti və professoru olmuşdur.

İ.Sadıqov 64 elmi işin müəllifidir. Keçmiş SSRİ respublikalarında tətbiq olunan 4 elmi kəşfinə görə "Müəlliflər Şəhadətnaməsi" almışdır. Müəllifi olduğu 3 kitab ali təhsil məktəblərində tədris olunur.

1960-1961-ci illərdə M.Əzizbəyov adına AzNKİ-nin Sumqayıt filialının açılmasında böyük fəaliyyəti olmuş, ilk hazırlıq qrupuna rəhbərlik etmişdir və mühəndis kadrlarının hazırlanmasında yaxından iştirak etmişdir.

İ.Sadıqov elmi işlərdə əldə etdiyi nailiyyətlərə görə "Şanlı Əmək" medalı ilə, çox illik əmək fəaliyyətinə görə 50 illiyində "Fəxri fərman"la təltif edilmişdir.

AzNEFT Ximavtomat Elmi Tədqiqat institutunda apardığı tədqiqatlara görə adı "Fəxri Kitaba" yazılmışdır.

Mənbə redaktə

  • Laçın qəzetinin Minkənd kənd orta məktəbinin 120 illik yubleyinə həsr edilmiş xüsusi buraxılışı. Bakı 2010, səh. 27.

Həmçinin bax redaktə