İstifadəçi müzakirəsi:Melikov Memmed/Arxiv 2009

Aktiv müzakirələr

Şəhər yoxsa rayonRedaktə

Salam. Azərbaycan Vikipediyasında çox səhv bir şey ilə qarşılaşırsan. Şəhərin adını yazanda rayon çıxır. Məsələn Ağdaş, Kəlbəcər, Ağdam başlıqları uyğun olaraq Ağdaş rayonunu, Kəlbəcər rayonunu, Ağdam rayonunu bildirir. Bu ağılasığmaz bir şeydir, indiyə qədər və bundan sonra da heç bir ensiklopediyada belə bir şey olmayıb və olada bilməzdi. Ağdaş sözü yalnız Ağdaş şəhərini bildirir, yəni bu şəhərin adıdır, Ağdaş rayonu demək deyil. Bu şəhərlər bu adları ilə əsrlədir ki var, hətta yeni yaranmış və sadəcə inzibati-ərazi bölgüsü olan rayonlar da məhz öz adlarını bu şəhər adlarından almışlar, yoxsa Azərbaycan Vikipediyasında olduğu kimi əksinə deyil. Aydındır ki, indi bunu dəyişdirmək bəzi qarma-qarışıqlar yaradacaq, ancaq bu o qədər əhəmiyyətli bir şeydir ki, bu səhvi mütlər düzəltmək lazımdır, “Zərərin yarısından da qayıtmaq xeyirdir”.--Melikov Memmed 04:52, 19 İyun 2009 (UTC)

Salam. Vikipediyaya bir daha xoş gəlmisiniz! Dediklərinizlə 100-də 100 razıyam. Bu çox ciddi məsələdir və bir müddət burda ən aktual problemlərdən biri idi. Amma sonra belə qərara gəlindi ki, tutaq ki, Şamaxı yazılanda rayon nəzərdə tutulsun, amma şəhər bu formada verilsin Şamaxı (şəhər)Şamaxı şəhəri bu varianta istiqamətləndirilsin. Eləcə də Şamaxı rayonu Şamaxı səhifəsinə istiqamətləndirilsin. Bunun belə olmasının səbəbini izah edim - Şamaxı şəhərinə burdakı məqalələrdə Şamaxı rayonuna olan qədər keçid verilmir. Nə qədər şəxs Şamaxı rayonunun müxtəlif kəndlərində anadan olub - təbii ki, şəhərdə anadan olanlardan qat-qat çoxdur. Onların hər birinin məqaləsində onda gərək hər dəfə rayonun adı Şamaxı rayonu və ya Şamaxı (rayon) kimi qeyd edilsin. Amma belədə sadəcə Şamaxı yazanda rayon haqqında məqaləyə keçid verir. Eləcə də rayonun kəndləri haqqında olan məqalələrin hamısında rayonun səhifəsinə keçid var. Bu bütün rayonlara aiddir. Bakı, Gəncə kimi 2-3 iri şəhər istisna olunmaqla yanında əlavəsi olmayan (rayon, rayonu) bütün adlar rayonlara keçid verir. Ümid edirəm fikrimi izah edə bildim. Hörmətlə:--Sortilegus 10:39, 19 İyun 2009 (UTC)

Mən Sizinlə tam razıyam, praktiki cəhətdən bu olduqca rahatdır. Ancaq Vikipediya bir ensiklopediyadır, qaydalara əməl olunmalıdır. Bir də məsələyə bir az kənardan baxmaq lazımdır, bizim dünya millətləri içində fəxr edə biləcəyimiz az şeylərdən biri bizim şəhərlərimizdir, kimə isə rahat olsun deyə bugün onların adlarına şərik qoşmaq düz deyil. Hələ ki, çox gec deyil Siz düz prinsipi qəbul edin, müəyyən çətinliklərdan sonra hər şey yoluna düşəcək. Azərbaycanca Vikipediyada məqalələrin sayı gün-gündən artır, sonra bunu düzəltmək qeyri-mümkün olacaq. Nə qədər çətin olsa da Siz bunu edə bilərsiniz.--Melikov Memmed 11:29, 19 İyun 2009 (UTC)

Bu çox ciddi məsələdir. Və öz mövqeyimi müdafiə etsəm də, beynimin hansısa bir nöqtəsində sizinlə razılaşmaya bilmirəm. Amma belə ciddi məsələlərin həllində mənim təkbaşına qərar qəbul etmək ixtiyarım yoxdur. Əgər razısızsa, mən bizim burdakı yazışmamızı Kənd meydanına köçürüm. Bizim burda çox dəyərli istifadəçilərimiz var - onlarla birlikdə bu problemi müzakirə edib bir qərara gələk. Necə deyərlər - "Ağıl ağıldan üstündür". İnanıram ki, razılıq verib Kənd meydanında gedən müzakirələrdə də fəal iştirak edəcəksiz.

P.S. Amma doğrudan da, bu dəyişiklik qəbul olunsa burda minlərlə məqalədə düzəlişlər etmək lazım gələcək və bu zaman bot (avtomatik proqram) yardımına ehtiyacımız olacaq. Hörmətlə:--Sortilegus 11:50, 19 İyun 2009 (UTC)

Anlayışınız üçün çox sağ olun!--Melikov Memmed 12:09, 19 İyun 2009 (UTC)

BabəkRedaktə

Salam. Babək haqqında hər iki məqalə Cəlal Bərgüşadın “Sıyrılmış qılınc” (Babək) əsərini xatırladır, yəni “bədii əsər şəklində”dir. Bu bir ensklopedik yazı deyil, “özümüz deyib, özümüz eşidirik”. Bu haqda kömək istəmişdim Babək doğurdanmı farsların qəhrəmanı? Ancaq tək bir qaynaq göstərən olmadı. Məncə bütün bunları silib məqaləni “sanballı” qaynaqlar göstərməklə yenidən yazmaq lazımdır ki, yadlara cavab vermək üçün mənbə olsun, onsuz da Azərbaycanda Babək kimdir hamı bilir.--Melikov Memmed 04:48, 13 Avqust 2009 (UTC)

Salam. Düz qeyd edirsiz, məqalələrdə bədiilik həddən artıq çoxdur. Bədii hissələri mümkün qədər qısaltmaq, əvəzinə elmi mənbələrə istinad edən hissələr əlavə etmək lazımdır. Amma mətnləri tam silməyə ehtiyac yoxdur. Sanballı qaynaqları sadəcə mövcud mətnlərin içinə yerləşdirmək lazımdır. Ona görə də mən hər hansısa 2 oxşar məqaləni birləşdirəndə çalışıram mətnləri cümlə-cümlə oxuyum, redirect ediləcək məqalədəki bütün lazımlı informasiyanı əsas məqaləyə köçürüm ki, heç bir informasiya itməsin. Oxşar problem Xətai məqaləsi ilə də bağlı yaşanmışdı. Onu da ingilis və fars vikilərində kürd kimi, fars kimi qələmə verirdilər. Bizim burda cənubdan olan soydaşlarımız bu məsələyə həmin vikilərdə kifayət qədər müdaxilə etdilər, interneti ələk-vələk edib məlumat topladılar və Xətainin türk olması ilə bağlı məqalələrə qaynaqlar artırdılar. Halbuki həmin qaynaqlar bizim burdakı məqaləmizdə olsaydı iş daha asan olardı. Hörmətlə:--Sortilegus 19:08, 13 Avqust 2009 (UTC)

Şəhər yoxsa rayonRedaktə

Salam. “Kənd meydanı”nda Azərbaycan Vikipediyası 1 pillə irəliləyərək 55-ci pilləyə yüksəldiyini gördüm, yadıma Sizə yazdığım “Azərbaycanca Vikipediyada məqalələrin sayı gün-gündən artır, sonra bunu düzəltmək qeyri-mümkün olacaq. Nə qədər çətin olsa da Siz bunu edə bilərsiniz” cümləsi düşdü. Bu 55 Vikinin içərisində tək öz Vikipediyamızda Azərbaycanın şəhərlərinin adları rayonu bildirir, qalan Vikilərdə isə nə qədər qəribə olsa da bizim özümüzün səhv yazdığımız düz yazılır. Siz “Kənd meydanı”na yazdınız ancaq tək bir fikir yazan belə olmadı, məncə Azərbaycan Vikisində iki bürokrat var, siz öz aranızda bunu həll etsəniz daha yaxşı olar.--Melikov Memmed 11:19, 4 Sentyabr 2009 (UTC)

Əlavə olaraq öz tərəfimdən bunu bildirmək istəyirəm ki, siz bu adları nizama salın, mən çatışmayan məlumatların (təsəvvür edirsiniz işğal altında olan Kəlbəcər şəhəri məqaləsində heç bir məlumat yoxdur, ermənilər isə ona yeni ad da verib bütün dünyada öz qədim torparları kimi təbliğ edirlər) mətnlərini yığdırtdırıb (buna imkanım var) məqalədə yerinə qoyaram.--Melikov Memmed 11:44, 4 Sentyabr 2009 (UTC)

Salam. Biz bir dəfə bunu kənd meydanında müzakirə etdik və qərara aldıq ki, belə qalsın - yəni "Kəlbəcər" və "Kəlbəcər rayonu" rayon haqqında olan məqaləyə istiqamətləndirmə versin, "Kəlbəcər (şəhər)" və "Kəlbəcər şəhəri" şəhər haqqında olan məqaləyə. Çünki rayonun səhifəsinə digər məqalələrdən daha tez-tez keçidlər verilir, üstəlik Kateqoriya:Kəlbəcərdə doğulanlar Kateqoriya:Kəlbəcər abidələri, Kateqoriya:Kəlbəcər kəndləri və s. bu tip kateqoriyalarda da rayon nəzərdə tutulur. Hər halda mən fəal istifadəçilərlə, digər idarəçimizlə bir də məsləhətləşərəm. Məlumatların şəhər, rayon, kənd məqalələrimizə əlavə olunması əla olardı. Siz deyən problem doğurdan da çox aktualdır. Ermənilər bütün işğal altında olan torpaqlarımızdakı şəhər və kənd adlarını erməniləşdirirlər. Ona görə indi biz elə hal-hazırda burda əsas səylərimizi Azərbaycan tarixi və coğrafiyası ilə bağlı olan məqalələrin zənginləşdirilməsinə yönəltmişik. Mətnləri burda rayon, şəhər, kənd haqqında olan məqalələrə yerləşdirsəniz əvəzsiz iş görmüş olarsınız. Hörmətlə:--Sortilegus 12:19, 4 Sentyabr 2009 (UTC)

Qrız (Mənbə haqqında)Redaktə

Salam.Qrız haqqında məlumat çox azdı.Bu məqalədə mənim Quba və Xacmazda yığdığım məlumatlar, müxtəlif kitablardan oxuduğum ve internetdən tapdığım məlumatların məcmusu yerləşdirilib.Sizin mənbə soruşduğuvuz məsələyə gəldikdə mən onu Quba(Qrız kəndi) və Xacmaz(Çinartala kəndi) ağsaqqallarından öyrənmişəm.Misal üçün mənim babam müharibəyə 14 yaşında göndərilmişdi.

Aydın məsələdi ki Sovet hakimiyyəti heç vaxt öz eyibini açmazdı və ona görə bu məsələ heç bir ədəbiyyatda yer almıyıb.

ReRedaktə

Cox sağolun.Mən o dövrün canlı şahidləri ilə danışmışam.Əgər elə olmasaydı tarix boyu minlərlə insanın yaşadığı kənddə indi bir neçə yüz adam qalmazdı.Qrızdan aparılan insanlar Moskvaya göndərilmişlər.O dövr almanlar Moskva ətrafına catanda Sovetlərin kritik vəziyyətini təsəvvur etsək onda məncə hər şey aydın olar.

Filankəs Filankəsov (I)Redaktə

Salam. Bioqrafik maqalələrdə bü cür məqalə başlığı görəndə adama elə gəlir ki, hansısa bir hökmdardan söhbət gedir. Bunun yerinə izahedici sözlə başlığı genişləndirsəniz (məsələn: Filankəs Filankəsov (aktyor), Filankəs Filankəsov (Filankəs oğlu) və s.) daha uyğun olmazmı?--Melikov Memmed 09:04, 12 Oktyabr 2009 (UTC)

Salam. Elə uyğun olar. Sadəcə hələlik rum rəqəmləri ilə işarəliyirik ki, sonra hamısını bir-bir təftiş edib siz deyən formada yazaq. Yəni gələcəkdə hamısı siz deyən formada olacaq.--Sortilegus 09:08, 12 Oktyabr 2009 (UTC)

FizuliRedaktə

Nə səbəbdən "Fizuli", "Firudin bəy Köçərli" kimi səhv yazılmış məqalə adlarını silmək yerinə yönləndirirsiniz? Bunu "çox insan belə yazaraq axtarır" düşünərək edirsinizsə Sizinlə razı deyiləm. Savadsızlar öyrənməlidirlər, dilimiz savadsızların səviyyəsinə düşməməlidir. Bütün Vikilərdə dilin orfoqrafiya qaydalarına ciddi fikir verilir, xahiş edirəm bunu nəzərə alın.--Melikov Memmed 10:16, 29 Oktyabr 2009 (UTC)

Salam. Elə siz dediyiniz fikri əsas götürərək bu addımı atıram. Açıq aydın xətalı adlandırma olanda onu silmək daha məqsədəuyğundur. Məsələn, bizdə savadlı adamların da arasında yəqin ki, Firidun bəyin adının Firudin olduğunu düşünənlər var. Bir də ki, bu məsələnin hazırda müzakirəsi gedir. Vikipediya müzakirəsi:Səhifə silmə kriteriyaları. Həmin prinsip qəbul olunandan sonra bu addım ordakı "Dərhal silmə kriteriyaları"nın 14-cü bəndinə uyğun olaraq əsaslandırılacaq. Ona görə də əgər etirazınız varsa indidən orda bildirin ki, nəzərə alınsın. --Sortilegus 10:34, 29 Oktyabr 2009 (UTC)

Təkliflərinizi prinsip səhifəsinin müzakirə səhifəsində versəz Vikipediya müzakirəsi:Səhifə silmə kriteriyaları yaxşı olar. Mənim də orda qeydlərim var, elə onların altından yaza bilərsiz. Prinsipləri tərtib edən İstifadəçi:TimBitsتِمبِتس-ə də müraciət edə bilərsiniz.--Sortilegus 11:29, 29 Oktyabr 2009 (UTC)

Bura bir nəzər salarsınızmı? İdarəçi namizədliyi barədə: "Qeyri-müəyyən müddətə... bloklanmış istifadəçilər istisna olmaqla" "bütün vikipediyaçılar... öz namizədliklərini irəli sürə bilərlər" kimi yazılır. Qeyri-müəyyən müddətə bloklanmış istifadəçilər istəsələr də öz namizədliklərini irəli sürə bilməzlər. Daha sonra əvvəlcə "heç zaman" yazır, sonra isə "6 ay sonra... başa düşdükdə... sürülə bilər" yazılır.--Melikov Memmed 13:35, 29 Oktyabr 2009 (UTC)

Orda 1-ci qaydanın a bəndi sonradan əlavə edilib. Aktiv isitfadəçilərin böyük əksəriyyəti (səhv etmirəmsə hamısı) bu əlavənin lehinə səs veriblər. Qeyri-müəyyən müddətə bloklanmaq həmişəlik bloklanmaq mənasını vermir. Belə istifadəçilərin də üzərindən vikicəmiyyətin qərarı ilə blok götürülə bilər. Amma onlar fəaliyyətlərini bərpa etsələr də idarəçiliyə namizədliklərini irəli sürə bilməzlər (eləcə də 3 dəfədən artıq bloklanan istifadəçilər). Bu bənd də məhz bunu nəzərdə tutur. 1,2 və ya 3 dəfə bloklanan istifadəçi son blok müddəti bitəndən 6 ay sonra öz namizədliyini irəli sürə bilər. Bu əlavəni qanunu bir az yumşaltmaq üçün etmişik. Məsələn, burda olub ki, hansısa dəyərli istifadəçini bir başqa provakator istifadəçi təxribata çəkib, bir-birini nalayiq sözlərlə təhqir etməyə başlayıblar və hər ikisi bloklanıb. Qanunun əvvəlki versiyası əsas götürüləndə bu artıq dəyərli istifadəçinin bütün adminstrativ imkanlardan məhrum olması demək idi. a bəndi əlavə olunandan sonra isə belə istifadəçilər üçün yeni şans yaranır. Amma artıq istifadəçi 3 dəfədən artıq bu qanunu pozursa onda adminstrativ fəaliyyətə çıxış imkanları onun əlində alınır. Ümid edirəm ki, fikrimi izah edə bildim. Hörmətlə:--Sortilegus 18:28, 29 Oktyabr 2009 (UTC)

Firudin bəy Köçərli istiqamətləndirməsini mən böyük məmnuniyyətlə silərəm. Amma praktikada bunun şahidi olmuşam ki, belə yanlış istiqamətləndirmələri siləndə məsələn kimsə yenidən bu adda məqalə yaradır və sonra onu əsas məqalə ilə birləşdirmək lazım gəlir. Yəni içindəki dəyərli məlumatları əsas məqalədə yoxdurlarsa ora əlavə etməli oluruq. İndi isə bu adda məqalə yaratmaq istəyən adama avtomatik belə bir məqalənin mövcud olduğu yazılır. İstifadəçi o səhifəni açır və "Firidun bəy Köçərli" səhifəsi açılır. Bundan sonra istifadəçi özü bütün məqaləni oxumağa məcbur olur və əlavə etmək istədiyi məlumatın bu məqalədə olub-olmadığını dəqiqləşdirir. --Sortilegus 18:37, 3 noyabr 2009 (UTC)

AddəyişməRedaktə

Salam. Givi şəhərinin adını hələ dəqiqləşdirmək lazımdır. Kivi yazılmalıdır, yoxsa Givi. Ümumiyyətlə burda İranın şəhər və şəhristanlarının adları ilə bağlı çoxlu belə problemlər var. Amma ad "Givi" kimi qəbul olunsa artıq Givi (şəhər) yazmağa ehtiyac yoxdur. Sadəcə Givi. Kivi (şəhər) ona görə yazılırdı ki, Kivi dəqiqləşdirmə səhifəsi idi. Hörmətlə: --Sortilegus 12:44, 30 Oktyabr 2009 (UTC)

Aşıq ŞakirRedaktə

Salam. Melikov Memmed, xahiş edirəm bir məqalə yaratmazdan əvvəl həmin məqalənin olub-olmamasını müəyyənləşdirin, yoxdursa, yenisini yaradın. Aşıq Şakir məqaləsi Sizdən əvvəl yaradılmışdı. --Elvin Malik 07:37, 06 Noyabr 2009 (UTC)

Dəyməz. --Elvin Malik 10:26, 06 Noyabr 2009 (UTC)

Firudin bəy KöçərliRedaktə

İradə xanım, salam! Əlbəttə, övladlarına Mamed, Fizuli, Traktor, Sovet, Cimi və bu kimi adlar qoymuş insanlar olmuş və olacaq. Firudin adında da vətəndaşlarımız var. Ancaq bu Firidun bəy Köçərlinin adının Firudin kimi göstərməmizə səbəb ola bilməz, ən azı bu ad sahibinin bütün ömrünü Azərbaycan dilinin inkişahı üçün sərf etmiş ilk və ən böyük maarifçilərimizdən olduğunu nəzərə alın. Gündəlik danışığımızda bizim çoxumuz Səlyan, Siəzən, Fizuli, Sumqait, Göranboy, Apşeron, Qüsar, Zakatala, Balagən, Akstafa deyirik, ancaq bu haqq vermir ki, bu sözlər Azərbaycanca Vikipediyada maqalə başlığı olsun.--Melikov Memmed 08:49, 8 noyabr 2009 (UTC)

Məmməd salam. Mən Sizinlə tam razıyam. Amma gəlin bir az reallığı da nəzərə alaq. Məsələn, məktəbli (əlaçıdan söhbət getmir) İnternetdə Firidun bəy Köçərli ilə bağlı informasiya axtarır. O, axtarışda "Firudin bəy Köçərli" və ya "Firudun bəy Köçərli" də yaza bilər. Bu zaman Vikipediyadakı məqalənin açılması və burada adın düzgün formasının istifadəçiyə göstərilməsi vacibdir. Əks halda səhv adla bağlı məqalələr gələcək və tələbə də səhv yazdığından xəbərsiz olacaqdır: [1], [2], [3], [4], [5]... Hörmətlə, --Ira 07:53, 9 noyabr 2009 (UTC)

Salam. Azərbaycan milli musiqi alətləri dedikdə məncə dəqiq mənbə göstərməklə yalnız Azərbaycanlıların yaratdığı alətləri göstərə bilərik. Bu məndada həmin fikir tərəfsiz deyil, çünki bir Azərbaycanlı belə düşünə bilər, ancaq bir anlığa təsəvür edin ki, məqaləni bir türk, özbək, fars və ya ərəb oxuyur. Məsələn, Siz ərəb mədəniyyətini udsuz təsəvvür edə bilərsinizmi və bir ərəbin nə vaxtsa udu Azərbaycan musiqi aləti hesab edəcəyinə inanırsınızmı? Vikipedi isə milli deyil, tərəfsiz olmalıdır. Məncə bu mənada "Azərbaycan xalq çalğı alətləri" daha düz ola bilər. --Melikov Memmed 10:39, 10 noyabr 2009 (UTC)

Məmməd, salam. Azərbaycan xalq çalğı alətləri məqaləsi mövcuddur. Məqalələrdə ümumi fikirlər olsa da, müəyyən fərqlilik də vardır. Mən hesab edirəm ki, azərbaycanlı hər hansı musiqi alətini öz milli musiqi aləti hesab edirsə, həmin aləti digər millət də öz millisi hesab edə bilər. Milli alət dedikdə bu aləti yaradan milliət nəzərdə tutulmur, bu alətin hər hansı ölkədə, tarix boyu cəmiyyətin bütün təbəqələrində populyarlığı nəzərdə tutulur. Hörmətlə, --Ira 06:13, 11 noyabr 2009 (UTC)

Dəqiq mənbəRedaktə

Salam. Məqalələrdə xarici keçidləri dəqiq göstərmək lazımdır. Məsələn, Əvəz Verdiyev məqaləsinə sizin əlavə etdiyiniz xarici keçid 9may.az. Qəhrəmanlar. Mən xarici keçidi redaktə etdim - Verdiyev Əvəz Həşim oğlu. Digər bu tip məqalələrə də çoxlu sayda xarici keçidlər əlavə etmisiniz. Lütfən onları da bu formaya uyğunlaşdırın. Hörmətlə:--Sortilegus 20:28, 13 noyabr 2009 (UTC)

Vikipediyaçıların görüşüRedaktə

Salam. Azərbaycan dilində olan Vikipediya istifadəçilərinin 6 dekabr 2009-cu il, saat 16:00-da İçəri şəhərdə ilk görüşü keçiriləcək. Aktiv istifadəçi kimi bu görüşdə iştirakınız faydalı ola bilər. Hörmətlə: Cekli829 16:37, 4 Dekabr 2009 (Cek vaxtı ilə)

Babək XürrəmdinRedaktə

Salam Babək Xürrəmdin məqaləsini mən yaratmışam.Mənbə problemini birinci gün həll etməyə çalışacam.Azərbaycan Milli Elmlər Akademiyasının Qədim və Erkən Orta Əsrlər Tarixi şöbəsində bu məsələylə məşğul olan alimlərlə görüşməliyəm birinci gün.Onlardan mənbə və ədəbiyyat siyahısı dəqiqləşdirib əlavə edərik.Yerli tarixçilərin əsərlərinə istinad etməmək məsələsində sizin fikrinizi paylaşmıram.Ən bariz nümunə İranda Bəbəkin fars mənşəli olduğunu ilk dəfə Kəsrəvi soyadlı bir tarixçi yazıb.Onlar bunu bütün dünyaya qəbul etdirməyə çalışırlar və müəyəən dərəcədə də nail olurlar.Məncə biz də onlardan nümunə götürərək öz tarixçilərimizin sanballı əsərlərini qəbul etdirməyi bacarmalıyıq.Bir də Azərbaycanın böyük şəxslərinin (örnəyi Nizami Gəncəvi) etnik mənşəyini müzakirəyə çıxarmaq məsələsi də normal hal deyil.Əksinə onları türk deyil də başqa mənşəli kimi təqdim etməyə çalışan qüvvələrə qarşı sizli-bizli əl-ələ verib birgə mübarizə aparmalı,və bu dahilərin məhz bizim əcdadlarımız olduğunu isbat etməliyik.--Sefer azeri 15:33, 18 dekabr 2009 (UTC)

Siznən razıyam.Azəri xalqı nəzəriyyəsini dünya tarixşünaslığında dəstəkləyən kifayət qədər güclü və sanballı tarixçilər var.Lakin bir qədər dərinə gedib araşdırdıqda onların hansısa (məlum) ideologiyanı millətin beyninə və dünyaya sırımağa cəhd etdiyini görmək mümkündür.Bir düşünün Güney Azərbaycandakı Azərbaycan türkləri özlərini bizdən ayrı,farslara doğma hesab edirlər və türklərə (Türkiyə türklərinin əcdadları olan səlcuqlulara) fars olan Güney Azərbaycandakı soydaşlarımızın dilini dəyişdiklərinə görə nifrət edirlər.Sizcə bu siyasət hansı dövlətlərin və güclərin maraqlarına cavab verir?Mən çalışacam hansısa müəlliflərin əsərləri ilə yanaşı birbaşa tarixi mənbələr tapım,Babəkin etnik mənşəyi ilə bağlı.--Sefer azeri 17:06, 18 dekabr 2009 (UTC)

Düzdür güncəl İran tarixşünaslığında ümumilikdə Xürrəmilər hərəkatını İran tarixinin bir parçası kimi təqdim etməyə çalışırlar.Guya Babək Zərdüştün dinini bərpa etmək istəyirmiş.Məncə Güney Azərbaycanın İranın tərkibində olması da bu işdə onlara qol=qanad verir.Hətta bu yaxınlarda İran Xarici İşlər nazirinin sözcüsü mətbuat konfransında Azərbaycan Respublikası və Bəhreyni İrandan qopmuş ərazilər,tarixi İran torpaqları adlandırmışdı.O ki qaldı ermənilərin hər uydurduqları yalana mənbə göstərmələrinə buna görə onlar tarixçilərinə borcludurlar.Bizim tarixçilər Marksizmin tarixini araşdıranda erməni tarixçiləri özlərinə tarix yaratmaqla məşğul olublar.Təsadüfi deyil ki,rus tarixçisi İqor Dyakonov deyirdi ki,ermənilər qədim tarixlərinə görə əcdadlarına yox,tarixçilərinə mnnətdar olmalıdırlar.--Sefer azeri 18:06, 10 dekabr 2009 (UTC)

Neynək bacardığımız qədər tariximizə,mədəniyyətmizə sahib çıxmaq lazımdır.Hamımız eyni məqsəd üçün çalışsaq əminəm ki,nəticə əldə edəcəyik.--Sefer azeri 18:37, 10 dekabr 2009 (UTC)

SalamRedaktə

Hello my friend, I wrote something for you here. علی ویکی 00:34, 28 dekabr 2009 (UTC)

BaliğRedaktə

Ariflər deyirlər ki, adam var 80 il ömür sürür, ancaq baliğ olmur. Sözlərimi səmimi qəbul etməməyinizin səbəbi odur ki, heç kəs ağlından şikayət etmir. Şərhimi diqqətlə oxusaydınız, bu müzakirələrə yer qalmazdı. İndiki zamanda Cənubi Azərbaycanlıların elmi potensialı, onların dünyəvi elmlərə diqqət yetirmələri bizimkindən yaxşı görünür. (Məsələn, tibbin nailiyyətləri). Biz isə, bundan istifadə etmək əvəzinə, "monopoliya"ya doğru gedirik. Özünüz də qeyd edirsiniz, ki, Cənublu qardaşlarımızdan aktiv istifadəçilər yox dərəcəsindədir, düzdürmü? Həmçinin sui-zənn edərək, dolayısı yolla, şəxsən mənim bu məsələdən xəbərsiz olduğumu vurğulayırsınız. Nəzərinizə çatdırım ki, bu məsələni müzakirə etmişik (ələlxüsus Sortilegusla). Ancaq elə şeylər var ki, açıq şəkildə demək olmur! Ona görə üstüörtülü xatırladıram. Düşünürəm ki, bu məsələni daim diqqət mərkəzində saxlamalıyıq. Mənim də təfəkkürümün göstəriciləri bu cürdür. Nöqsan tapsanız, niyə inciməliyəm, əksinə, sevinərəm! Hörmətlə, --Vago 06:37, 28 dekabr 2009 (UTC)

Əslində Vikipediyada istənilən şəxsi təhqir yolverilməzdir və sanıram idarəçilərin nəzərindən qaçmasaydı sizə azından xəbərdarlıq olunmalı idi. Yaşla əlaqədar yazdığımdan sonra hesab etmişdim ki, özünüz bir nəticə çıxaracaqsınız, ancaq yazınıza verdiyiniz başlıqdan anlaşılan bu ki, bu belə deyil. “Baliğ” nədir mən anlamadım (rast gəldiyim “baliğ” sözü ancaq talışlar “balıq” əvəzinə “baliğ” deyir, bəlkə siz də “balıq” yazmaq istəmişsiniz!?), üstəlik “adam var 80 il ömür sürür, ancaq baliğ olmur” kimi axmaq bir fikir söyləyən insanlar nə üçün sizə görə “arif” adalanır? Ancaq Sizinlə tam razıyam ki, heç kəs ağlından şikayət etmir. Vikipediya forum olmadığı üçün öz şəxsi fikirlərimizi burda müzakirə etməyimiz doğru deyil və buna görə də Vikipediyada heç kəsin heç kəsə şəxsi zəmində nöqsan tutması yolverilməzdir, bu mənim fikrim deyil, Vikipediyanın əsas qanunlarından biridir. Xahiş edirəm gələcəkdə bunu nəzərə alın.--Melikov Memmed 08:21, 28 dekabr 2009 (UTC)
"Baliğ" sözü dilimizə ərəb dilindən keçib, mənası "yetişmiş", "həddi-buluğa çatmış" deməkdir (bu söz "balıq" yox, "baliq" kimi də işlənir) (Bax: Ərəb və fars sözləri lüğəti, Bakı, Yazıçı, 1985). Bir müsəlmanın baliğ olması (yəni həddi-buluğa çatması) o demədir ki, artıq gördüyü hər bir haram iş müqabilində ona günah yazılır. Bunu qeyd etməyi özümə vacib bilirəm. Bəlkə lazımınız oldu! (Məncə həyat təcrübənizə bir şeylər də əlavə etməyə müyəssər oldum!)
Hörmətlə, --Vago 07:27, 29 dekabr 2009 (UTC)

Yanlış anlama nəticəsində başladığını ümid edərək, bu müzakirəni dayandırmağınızı xahiş edirəm. Wertuose 08:55, 29 dekabr 2009 (UTC)

NürəddinRedaktə

en:Nürəddin de:Nürəddin

Can you give us any information about this place? We can only prove the existence, but no details. --Eingangskontrolle 14:07, 31 dekabr 2009 (UTC)

"Melikov Memmed/Arxiv 2009" istifadəçi səhifəsinə qayıt.