Məmmədov Şərahil Hüseyn oğlu (Şərahil Laçın) — Avrasya Yazarlar Birliyinin üzvü, şair.

ŞƏRAHİL LAÇIN
Şərahil Laçın.jpg
Doğum tarixi 12 noyabr 1963 (1963-11-12) (56 yaş)
Doğum yeri Laçın, Azərbaycan SSR
Atası Hüseyn
Fəaliyyəti şair

HəyatıRedaktə

Şərahil Laçın 1963-cü il 12 noyabrda Azərbaycan Respublikası Laçın rayonununda anadan olmuşdur.

1986-cı ildə Nəriman Nərimanov adına Azərbaycan Dövlət Tibb İnstitutunu bitirmişdir.

1987-ci ildə Respublika Mərkəzi Xəstəxanasında İnternatura kursunu tamamlamışdır.

1992-ci ildə Respublika Urologiya İnstitutunda urologiya kursunu bıtırmış, 1999-cu ildə Qazaxıstan Həkimləri Təkmilləşdirmə İnstitunda Alternativ Tibb (Çin Tibbi) təhsili almışdır.

Sumqayıt və Bakı şəhərlərində həkim işləmişdir.

Evlidir, 2 övladı var.

FəaliyyətləriRedaktə

1993-1995-ci illərdə Xudu Məmmədov adına Xeyriyyə Cəmiyyətində və Azərbaycan Demokratik Gənclər Birliyində sədr müavini kimi çalışmışdır.

Şeirləri və publisistik yazilari 1980-ci illərdə "Azərbaycan Gəncləri", "Ədəbiyyat və İncəsənət", "Qarabağ", "Tibb kadrlari uğrunda", "Dədəm Qorqud", "Ədalət", "Təzadlar", "Boz Qurd" (Moskva) qəzetlərində, "Ulduz", "Azərbaycan Təbiətı", "Xudafərin" (Praqa), "Bir Təbəssüm" (Türkiyə), "Andız" (Türkiyə) ədəbi jurnallarında, "Azərbaycan aşıqları və el şairləri" kimi almanaxlarda çap olunub.

Yaradıcılığı barədə Məmməd Araz, Məmməd Aslan, Şahmar Əkbərzadə, Zəlimxan Yaqub, Kamal Abdulla və başqa tanınmış qələm adamları rəylər və ön sözlər yazıblar.

Türkiyənin tanınmış şairlərindən Yavuz Bülənt Bakilərin təqdimatı ilə "Ömrümüz bilməcə qaldı" şeir kitabı Türkiyədə işıq üzü görüb.

Vektor Beynəlxalq Elm Mərkəzinin təsis etdiyi "Şahmar Əkbərzadə" adına ədəbiyyat mükafatına 2010-cu ildə layiq görülüb.

Avrasya Yazarlar Birliyinin üzvü olan şair Türkiyədə yaşamaqdadır.

Dünyanın bir çox ölkələrində elmi konqreslərin iştirakçısı olmuşdur.

KitablarıRedaktə

  • "Ömrümüz bilməcə qaldı", Türkiyə.

Xarici keçidlərRedaktə