Şahzadə Filip hərəkatı
Şahzadə Filip hərəkatı (ing. Prince Philip Movement) — qeyri-ənənəvi inanclardan biri.
Sakit okeandakı Yeni Hibrid arxipelaqına daxil olan Tanna adasının sakinləri şahzadə Filipin (Filip Mauntbetten - Edinburq hersoqu, Kraliça II Elizabetin həyat yoldaşı) qonşu dağda yaşayan qədim ruhun oğlu olduğuna inanır və tanrı kimi ona sitayiş edirlər. Tayfanın inancına görə, dağdakı ruh – şahzadənin atası uzaq dənizlərə səyahətə çıxıb və gec-tez öz vətəninə qayıdacaq.
Bu kult İkinci dünya müharibəsi başa çatdıqdan sonra ortaya çıxıb. Hərbçilərin ərazini tərk etməsi nəticəsində zəif inkişaf etmiş dövlətlər hərbi bazaların özləri ilə birlikdə gətirdikləri bütün maraqlı və ecazkar əşyalardan məhrum qalmışdılar. 1974-cü ildə Britaniya Krallığı ailəsi tərkibinə Tanna adasının da daxil olduğu Vanuatu Respublikasına səfər zamanı bahalı hədiyyələr gətirmişdi. Bunun nəticəsində respublikanın 83 adasının hər birində şahzadə Filipin şəkilləri olan məbədlər tikilmişdi. Deyilənə görə, yerli əhalinin onu ilahi varlıq kimi qəbul etməsini əyləncəli sayan şahzadə buna etiraz etməmişdir.
Yeri gəlmişkən, qəribə dini təlimləri araşdıran bir rus bloger Okeaniyadakı bəzi tayfaların hətta adi konservlənmiş ətə sitayiş etdiklərini deyir. Burada şahzadə Filip hərəkatı ilə ortaq cəhətlər nəzərə çarpır. Müharibə illərində bu adalarda özləriylə azuqə gətirən amerikalı əsgərlər məskunlaşmışdı. Konservlənmiş ət yerli əhalinin o qədər xoşuna gəlmişdi ki, onu ilahiləşdirmişdilər. Bu gün yerlilər konserv qablarına dualar edir və inanırlar ki, bu duaların müqabilində səmadan onlara dadlı yeməklər enəcək.
Mənbə redaktə
- Güney Namazova. Ən qəribə inanclar. "Cəmiyyət və Din" qəzeti. 15-21 may 2014, № 17 (250). səh. 12. (az.)