Şaiq Əsgərov
Əsgərov Şaiq Əhəd oğlu (10 yanvar 1966, Ağsu) — Azərbaycan Dövlət İqtisad Universitetinin prorektoru[1].
| Şaiq Əsgərov | |
|---|---|
| Əsgərov Şaiq Əhəd oğlu | |
 | |
| Doğum tarixi | 10 yanvar 1966 (58 yaş) |
| Doğum yeri | |
| Elm sahəsi | iqtisadiyyat |
| Elmi dərəcəsi |
|
| Elmi adı | |
| İş yeri | |
| Mükafatları |
 |
 Vikianbarda əlaqəli mediafayllar | |
Həyatı redaktə
10 yanvar 1966-cı ildə Ağsu rayonunun 1-ci Qaraqaşlı kəndində anadan olub. 1983-cü ildə şəhər 2 saylı orta məktəbi bitirib. 1984–1986-cı illərdə Uzaq Şərqdə hərbi xidmətdə olub. 1992-ci ildə Bakı Dövlət Universitetinin "Jurnalistika", 1997-ci ildə Azərbaycan Dövlət İqtisad Universitetinin "Xarici iqtisadi əlaqələrin təşkili və dövlət tənzimlənməsi", 2002-ci ildə Azərbaycan Respublikası Prezidenti yanında Dövlət İdarəçilik Akademiyasının "Dövlət və bələdiyyə idarəetməsi" ixtisaslarını və Təhsil Nazirliyinin göndərişi ilə Azərbaycan Respublikası Silahlı Qüvvələr Hərbi Akademiyasının Strateji Tədqiqatlar və Dövlət Müdafiəsini İdarəetmə Akademik Kursunu müvəffəqiyyətlə bitirmişdir.
O, müxtəlif illərdə çilingər, korrektor, müxbir, məsul katib müavini, redaktor, baş redaktor vəzifələrində çalışmışdır. 2001-ci ildən 2006-cı ilin dekabrınadək Azərbaycan Dövlət İqtisad Universitetinin tərbiyə işləri üzrə prorektoru vəzifəsində çalışmışdır. Elmi-tədqiqat və tədris işləri ilə 1995-ci ildən "Marketinq və ticarət"[2] kafedrasında müəllim, baş müəllim, dosent vəzifələrində çalışır. 2006-cı ildən 2015-ci ilədək Azərbaycan Təhsil İşçiləri Azad Həmkarlar İttifaqı Respublika Komitəsinin sədr müavini işləmişdir.[3] 2007-ci ildən Respublika Təhsil Şurası İdarə Heyətinin üzvüdür.2015-ci ilin avqustun 26-da yenidən Azərbaycan Dövlət İqtisad Universitetinin inzibati və təşkilati məsələlər üzrə prorektoru vəzifəsinə təyin edilmişdir.
Şaiq Əhəd oğlu Əsgərov 2007-ci ilin yanvarın 10-da "Elektron informasiya vasitələrində reklam bazarının marketinq tədqiqi və onun təkmilləşdirilməsi istiqamətləri"[4] mövzusunda dissertasiya müdafiə etmiş və Ali Attestasiya Komissiyasının 10 iyul 2007-ci il tarixli 24-k saylı qərarı ilə iqtisad elmləri namizədi alimlik dərəcəsi, 9 aprel 2013-cü il tarixli 10-k saylı qərarı əsasında isə ona dosent elmi adı verilmişdir. Dissertasiya işinin mövzusu üzrə onun 27 elmi əsəri, o cümlədən 25 məqaləsi, 1 dərsliyi (1 fəsil) və 1 metodiki vəsaiti çap olunmuşdur. . Eyni zamanda 2014–2016-cı illərdəAzərbaycan Dövlət İqtisad Universitetində fəlsəfə doktoru elmi dərəcəsi almaq üçün təqdim olunan dissertasiyaların müdafiəsini keçirən FD.02.052 dissertasiya şurasının üzvü olmuşdur.
Şaiq Əhəd oğlu Əsgərov işlədiyi müddətdə iqtisadi biliklərin təbliği və bir sıra sosial-ictimai sahədə göstərdiyi xidmətlərə və şəxsi yaradıcılıq uğurlarına görə "Azərbaycan bayrağı" diplomuna, "Nurlu qələm ustası" mükafatına, Təhsil Nazirliyinin və AHİK-in Fəxri Fərmanlarına və "Azərbaycan Respublikası Qabaqcıl Təhsil İşçisi" döş nişanına[5] layiq görülmüşdür. Azərbaycan Respublikası Prezidentinin 4 fevral 2013-cü il tarixli Sərəncamı ilə "Tərəqqi" medalı[6] və 24 sentyabr 2020-ci il tarixli Sərəncamı ilə 3-cü dərəcəli Əmək ordeni[7] ilə təltif edilmişdir.
YAP Səbail rayon təşkilatının İstiqlaliyyət 6 ünvanında yerləşən ərazi partiya təşkilatının sədridir.
Evlidir, iki övladı və üç nəvəsi var.
İstinadlar redaktə
- ↑ "Prorektor Şaiq Əhəd oğlu Əsgərov". 2016-03-05 tarixində orijinalından arxivləşdirilib. İstifadə tarixi: 2021-08-24.
- ↑ Sədr müavini Şaiq Əhəd oğlu Əsgərov [ölü keçid]
- ↑ "Sədr müavini Şaiq Əhəd oğlu Əsgərov". 2016-03-05 tarixində orijinalından arxivləşdirilib. İstifadə tarixi: 2021-08-24.
- ↑ "Avtoreferatlar". 2016-03-06 tarixində orijinalından arxivləşdirilib. İstifadə tarixi: 2013-02-11.
- ↑ "Şaiq Əsgərov. Qabaqcıl təhsil işçisi. "Azərbaycan müəllimi". 21 May 2010 - №19". 11 June 2015 tarixində orijinalından arxivləşdirilib. İstifadə tarixi: 10 February 2013.
- ↑ "Azərbaycan Həmkarlar İttifaqları Konfederasiyası əməkdaşlarının "Tərəqqi" medalı ilə təltif edilməsi haqqında Azərbaycan Respublikası Prezidentinin 4 fevral 2013-cü il tarixli Sərəncamı". 2021-01-18 tarixində arxivləşdirilib. İstifadə tarixi: 2013-02-10.
- ↑ "Arxivlənmiş surət". 2021-04-13 tarixində arxivləşdirilib. İstifadə tarixi: 2020-10-19.