Şamil Əfəndiyev
Şamil Əfəndiyev (13 oktyabr 1972) — 1994-cü ildə Rusiyanı, 1997–2000-ci illərdə isə Azərbaycanı təmsil edən sərbəst güləşçi.[1]
| Şamil Əfəndiyev | |
|---|---|
| Şəxsi məlumatlar | |
| Tam adı | Şamil Əfəndiyev |
| Vətəndaşlığı |
 Rusiya →  Azərbaycan |
| Doğum tarixi | |
| Doğum yeri | |
| Boyu | 168 sm. (5 ft 6 in) |
| İdman növü | Güləş |
| Karyera illəri | 1983—2000 |
| Məşqçisi | Osman Əfəndiyev |
Karyerası redaktə
Şamil Əfəndiyev 1994-cü ildə Rusiya Çempionatında mübarizə apardı və turniri gümüş medalla başa vurdu.[2] 1997-ci ildən Azərbaycan yığmasının heyətində çıxış edən Şamil Əfəndiyev 1997-ci ildə Rusiyada Dünya Çempionatını 7-ci, 1998-ci ildə İranda Dünya Çempionatını isə 11-ci pillədə başa vurdu.[2]
1998-ci ildə Belarusda Avropa Çempionatında 8-ci pillənin sahibi olan Şamil Əfəndiyev 2000-ci ildə Budapeşt şəhərində (Macarıstan) baş tutan Avropa Çempionatı zamanı bürünc medal uğrunda görüşdə məğlub oldu və turniri dördüncü pillədə başa vurdu.[2]
Şamil Əfəndiyev Azərbaycanı 2000-ci ildə Sidney şəhərində (Avstraliya) baş tutan XXVII Yay Olimpiya Oyunlarında təmsil elədi. -63 Kq. turnirində çıxış edən Şamil Əfəndiyev qrup mərhələsinin birinci görüşündə Slovakiya nümayəndəsi Stefan Fernya ilə üz-üzə gəldi.[3] Həmin görüşdə Şamil Əfəndiyev rəqibi üzərində 6:1 hesabı ilə qələbə qazandı.[3] Qrup mərhələsinin növbəti görüşündə onun rəqibi Yeni Zelandiya nümayəndəsi Musa İlhan oldu.[3] Bu görüşdə də Şamil Əfəndiyev rəqibi üzərində qələbə qazandı (10:0).[3] Qrup mərhələsinin üçüncü turu isə həlledici oldu.[3] Bu görüşdə Şamil Əfəndiyev son olimpiadanın finalçısı Cənubi Koreya nümayəndəsi Yan Ya-Su ilə üz-üzə gəldi.[3] Həm Əfəndiyev, həm də Ya-Su bütün görüşlərində qalib gəlmişdi və sırf bu görüşün qalibi olimpiadanın yarım-final mərhələsinə vəsiqə qazanacaqdı.[3] Həmin görüşdə Şamil Əfəndiyev rəqibinə 1:6 hesabı ilə məğlub oldu və mübarizəsini qrup mərhələsində dayandıraraq olimpiadanı yeddinci pillədə başa vurdu.[3] 2000-ci ildə idmanla vidalaşdı.[2]
Nəticələri redaktə
| Azərbaycan | ||||
| Dünya Çempionatı | Rusiya
|
|||
| Dünya Çempionatı |  İran
|
|||
| Avropa Çempionatı |  Belarus
|
|||
| Dünya Olimpiya Təsnifat Turniri | Belarus
|
|||
| Dünya Olimpiya Təsnifat Turniri |  Yaponiya
|
|||
| Avropa Çempionatı |  Macarıstan
|
|||
| Olimpiya Oyunları |  Avstraliya
|
|||
İstinadlar redaktə
- ↑ Olympedia.org. "Şamil ƏFƏNDİYEV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
- ↑ 1 2 3 4 International Wrestling Database. "SHAMIL AFANDIYEV". www.iat.uni-leipzig.de (ingilis). 2022-08-04. 2022-10-02 tarixində arxivləşdirilib. İstifadə tarixi: 02.08.2022.
- ↑ 1 2 3 4 5 6 7 8 Olympedia.org. "2000 Summer Olympics / Wrestling / Lightweight / Freestyle (63 Kilograms) / Men". www.olympedia.org (ingilis). 2022-08-30. 2022-06-08 tarixində arxivləşdirilib. İstifadə tarixi: 30.08.2022.