Şarja Beynəlxalq Kitab Sərgisi
Şarja Beynəlxalq Kitab Sərgisi (SIBF) (ərəb. معرض الشارقة الدولي للكتاب)— Birləşmiş Ərəb Əmirliklərinin Şarja şəhərində hər il keçirilən 11 günlük beynəlxalq kitab sərgisi. Sərgi dünyanın ən böyük kitab yarmarkalarından biridir və sərginin fəaliyyətinə 400-dən çox ədəbi, mədəni tədbirlər daxildir.[1]
| Şarja Beynəlxalq Kitab Sərgisi | |
|---|---|
| ing. Sharjah International Book Fair | |
_-_Salon_du_Livre_de_Paris_2015_(2).jpg) | |
.jpg) 2023-cü il Sarja Beynəlxalq Kitab Sərgisindən foto | |
| Status | aktiv |
| Janr | kitab |
| Tezliyi | hər ilin payızında |
| Yer | Şarja |
| Ölkə |
 BƏƏ |
| Yaradılıb | 1982 |
| Ən sonuncu | 6-10 oktyabr, 2021 |
| Növbəti | 6-17 noyabr, 2024 |
| Tutumu | 2,52 milyon |
| Tədbirlər | 200-ə qədər əbəbi tədbir |
| Himayədar(lar) | Şarja əmiri |
| Təşkilatçı | Şarja Kitab Təşkilatı |
| Qeydiyyat | var |
| Dəstək | Şarja əmirliyi hökuməti |
| sibf.com/en/home | |
 Vikianbarda əlaqəli mediafayllar | |
Sərgi ilk dəfə 1982-ci ildə BƏƏ Ali Şurasının üzvü və Şarja əmirliyinin rəhbəri Şeyx Sultan Bin Məhəmməd əl-Qasiminin təklifi və himayəsi altında təşkil edilib.[2]
Haqqında
redaktəYarmarka 1982-ci ildə açılanda az sayda nəşriyyatı əhatə edirdi və kitabları Şeyx Sultan Əl-Qasimi şəxsən özü satın almışdı.[2]
Kitab sərgisi müxtəlif mənşəli insanlar üçün sevimli müəllifləri ilə görüşmək, sevimli kitablarını almaq və naşirlər, kitabxanaçılar, ədəbi agentlər, rəssamlar və müəllimlərlə əlaqə qurmaq üçün bir platforma rolunu oynayır.[3]
Təşkil edilməsi
redaktəŞarja Beynəlxalq Kitab Sərgisi (SIBF) hər il kitabşünaslıq, kitabxana işi, nəşriyyat və bununla bağlı müxtəlif maraqları olan şəxslərə xidmət göstərən bir sıra müxtəlif tədbirlərə ev sahibliyi edir, bu tədbirlərə aşağıdakılar daxildir:[4]
Kitab imzaları
redaktəHər il kitab sərgisində bir sıra kitab imza mərasimləri keçirilir. 2023-cü ildə "Kitablardan danışırıq" mövzusu altında keçirilən yarmarka dünyanın hər yerindən 600-ə yaxın müəllifi yeni kitablarını imzalamaq üçün toplayıb.[5]
Panel müzakirələri
redaktəKitab sərgisi hər il bir sıra panel müzakirələrinə ev sahibliyi edir, müxtəlif sahələrdən geniş məruzəçiləri cəlb edir və bir çox fərqli mövzuları əhatə edir.
Təlim və seminarlar
redaktəİncəsənət və yaradıcılığa diqqət yetirən kitab sərgisi hər il bir sıra yaradıcılıq seminarları təşkil edir.[6] 2023-cü ildə, ən son nəşri olan kitab sərgisi 60 seminar təşkil edib. Bu seminarlar sənətdən xəttatlığa, texnologiyaya qədər müxtəlif mövzuları əhatə edib.
Mədəni tədbirlər
redaktəKitab tədbirləri ilə yanaşı, yarmarka bütövlükdə mədəniyyəti təbliğ etmək məqsədi daşıyır. Buna görə də, hər il bir sıra musiqili və teatr tamaşalarına ev sahibliyi edir. 2023-cü ildə yarmarkada 130 teatr tamaşası, o cümlədən Əmirlik istehsalı olan "Barkod Həbsxanası" adlı tamaşa nümayiş etdirilib.[7]
Kitab sərgisində mükafatlar
redaktəKitab yarmarkası fərqli mövzu və məsələlərə əsaslanan müxtəlif növ müsabiqələrin qaliblərini mükafatlandırır və bunlara aşağıdakılar daxildir:[8]
- Ən yaxşı Əmirlik Romanı
- Ən yaxşı Əmirlik Akademik Kitabı
- Ən yaxşı Əmirlik Yaradıcı Ədəbiyyat Kitabı
- Ən Yaxşı Əmirliyin İlk Roman Kitabı Mükafatı
- Ən yaxşı ərəb romanı
- Ən yaxşı beynəlxalq bədii kitab
- Ən yaxşı beynəlxalq qeyri-bədii kitab
- Şarja əmirliyinin ən yaxşı naşiri
Bu mükafatlar Şarja Kitab Təşkilatının (SBA) sədri Şeyxə Bodur Bint Sultan Əl Qasimi tərəfindən təqdim edilir.[8]
Tərcümə qrantı
redaktəQrant fondu 2011-ci ildə, 30-cu illik Şarja Beynəlxalq Kitab Sərgisi münasibətilə fəaliyyətə başlayıb.[9] 300.000 ABŞ dolları məbləğini təşkil edən qrant SIBF-nin biliyə əsaslanan təkmilləşdirilmiş şəbəkələşməni, mədəni anlaşmanı qurmaq və mədəniyyətlərarası təhsili təşviq etmək səylərini davam etdirmək üçün nəzərdə tutulub. Şarja Beynəlxalq Kitab Sərgisinin Tərcümələr Qrant Fondu həm ərəb, həm də xarici nəşriyyatlara ədəbi əsərlərin və müəlliflərin fərqli dillərə tərcüməsi üçün maliyyə yardımı göstərdiyi üçün həm özəl, həm də rəsmi səviyyədə maraq oyadan yeni və zəngin mədəni təcrübə təklif edir. SIBF ərəb və xarici nəşriyyatlara bədii əsərlərin və müxtəlif kitabların fərqi dillərə tərcüməsi üçün bədii ədəbiyyat, memuar, tarix, kulinariya, uşaq hekayələri, hekayələr, şeir, elmi kitablar və eramızdan əvvəl 1000-ci illərin tarixi kitablarının çap edilməsi üçün maliyyə yardımı göstərir.[9]
SIBF Naşirlər Konfransı
redaktəSon dörd sərgidən başlayaraq, Şarja Beynəlxalq Kitab Sərgisi nəşr hüquqların alqı-satqısını təşviq etmək üçün nəzərdə tutulmuş iki günlük Nəşriyyat Konfransı ilə başlayır. SIBF Naşırlər Konfransı nəşriyyatları, topdansatıçıları və kitab satıcılarını cəlb edir. Tədbir qlobal auditoriya üçün cəlbedici olmaq üçün nəzərdə tutulub. Konfransda nəşriyyat nümayəndələri və beynəlxalq hüquqlar cəmiyyətinin bir sıra peşəkarlar əməkdaşları, o cümlədən tərcümə hüquqları üzrə mütəxəssislər iştirak edir. SIBF Naşirlər Konfransı həmçinin ərəb dünyasının ən yaxşı yazıçı istedadı və tərcüməçilərini cəlb edir. Müzakirə panelləri maraqlı və vacib mövzulara işıq salır, dünyanın hər yerindən natiqlər, nəşriyyat əməkdaşları, tərcüməçilər və s onun işinə cəlb edilir.[10]
İstinadlar
redaktə- ↑ "Sharjah International Book Fair". Visit Sharjah. 2024-04-14 tarixində arxivləşdirilib. İstifadə tarixi: 2024-08-28.
- ↑ 1 2 "Sharjah International Book Fair: nearly 40 years on, the objective remains to foster a love of reading". The National. 2023-11-08 tarixində arxivləşdirilib. İstifadə tarixi: 2024-08-28.
- ↑ "Sharjah International Book Fair". Sharjah Events. 2024-05-20 tarixində arxivləşdirilib. İstifadə tarixi: 2024-08-28.
- ↑ Kumar, Anjana. "Sharjah International Book Fair continues to have a stellar line up of events, activities". Gulf News. 11 November 2022. 3 March 2024 tarixində arxivləşdirilib. İstifadə tarixi: 29 August 2024.
- ↑ "Sharjah International Book Fair to host an impressive 2,033 publishers from 108 nations under the theme 'We Speak Books'". Emirates News Agency - WAM. 11 October 2023. 8 November 2023 tarixində arxivləşdirilib. İstifadə tarixi: 29 August 2024.
- ↑ "Sharjah International Book Fair 2023 to host 60 immersive creative workshops". Gulf News. 29 October 2023. 13 May 2024 tarixində arxivləşdirilib. İstifadə tarixi: 29 August 2024.
- ↑ "Emirati-made play 'Barcode Prison' makes SIBF debut". Sharjah 24. 5 November 2023.
- ↑ 1 2 Malik, Imran. "Who are the winners of Sharjah International Book Fair Awards". Media Bites News.
- ↑ 1 2 "Sharjah Translation Grants and Awards". Publishers Weekly. 24 October 2022. 8 November 2023 tarixində arxivləşdirilib. İstifadə tarixi: 30 August 2024.
- ↑ Varma, Sanjeev. "13th SIBF Publishers Conference Comes With Packed Agenda". ME Printer. 28 October 2023. 18 April 2024 tarixində arxivləşdirilib. İstifadə tarixi: 10 September 2024.