Şeyxülislam ordeni
Şeyxülislam ordeni — Qafqaz Müsəlmanları İdarəsinin təsis etdiyi ən ali dini mükafatdır, 2005-ci ildə təsis edilib. Ordenin layihəsinin müəllifi Eldar Mikayılzadədir. Bu orden əsasən Azərbaycan xalqının milli və mənəvi dəyərlərinin qorunması və inkişafı sahəsində xidmət göstərmiş şəxslərə təqdim edilir. Ordenin ilk laureatı Heydər Əliyev olmuşdur. O, bu mükafatla vəfatından sonra — 21 oktyabr 2005-ci ildə təltif olunmuşdur.[1]
| Şeyxülislam ordeni | |
|---|---|
 |
|
|
|
|
| Ölkə |
 Azərbaycan |
| Tip | orden |
| Təltif edir | |
| Status | təqdim olunur |
| Statistika | |
| Parametrlər | 27 mm x 47,5 mm |
| Təsis tarixi | 2005 |
| İlk təltif | |
Ordenin əsası
redaktə131, 45 qram 18 ǝyarlı qızıldan və "Venesiya" örtüylü minadan, hər biri 1.72 karat olan 8 və hər biri 0.32 karat olan 84 brilyantlardan ibarətdir.
Bədii quruluşu
redaktəOrden 8 guşəli gül formasında həll edilib.
Guşələrin araları 8 ləçəklə tamamlanıb. Qızıl ləçəklərin üzərində yaşıl mina ilə şimmetrik olaraq 16 dəfə "Allah" sözü yazılıb. 8 zolaqlı guşələrin üzərində 8 ədəd brilyant daşın ətrafında 8 dəfə "Əli" sözü yazılıb. Sürməyi mina üzərində dairəvi formada "La İlahə İllallah, Mühəmmədən Rəsul Allah" kəlamı yazılıb. Ordenin ətrafında xəttatlıq sənətində yeni forma ilə İslamın rəmzi sülh olan ağ göyərçin və iki qızıl gül təsvir olunmuşdur. Göyərçinin və qızıl güllərin kəsişməsində "Allah" kəlməsi oxunur. Göyərçin sülhün, iki qızıl gül isə Peyğəmbərin (s) iki övladı, cənnət gülləri adlandırdığı İmam Həsən (ə) və İmam Hüseynin (ə) rəmzi təsvirləridir. Ordenin əsas hissəsiylə silsiləsini birləşdirən halqa Sufiliyin nişanəsi olan "Hu" (yəni "O") kəlamı şəkilində verilib. Silsilə dünya xalqlarının BMT tərəfindən rəsmi qəbul olunmuş dillərində "Allah" sözü yazılmışdır. Ordenin daşıdığı rəmzi mənalar həm İslamın bütün əsas təriqətlərini, həm də bütün dünya xalqlarının mənəvi dəyərlərini özündə əks etdirən sənət əsəridir.
Əsas xüsusiyyətləri və məqsədi
redaktəAdı:
"Şeyxülislam ordeni" İslam dinində yüksək dini məqam olan Şeyxülislamlıq institutunun adını daşıyır.
Təsis məqsədi:
•Milli mənəvi dəyərlərin təbliği, İslam həmrəyliyinin möhkəmləndirilməsi;
•Din və dövlət arasında harmoniya yaradılmasında xüsusi xidmətləri olan şəxslərin təltif edilməsi.
Kimlərə verilir:
•Azərbaycan xalqının milli-mənəvi irsinə töhfə verən;
•Dini fəaliyyətlərdə yüksək uğurlar qazanan;
•İslam dünyasında əməkdaşlığın inkişafına dəstək olan;
•Dinlər və millətlər arasında qarşılıqlı anlaşmanın möhkəmləndirilməsi sahəsində səmərəli fəaliyyət göstərən dövlət başçıları, dini və beynəlxalq təşkilatların rəhbərlərinə təqdim olunur.
Bütün laureatlar
redaktə
21.10.2005 — Heydər Əliyev[1]- 20.12.2005 — İlham Əliyev[1][3]
20.02.2006 — Vladimir Putin[1]- 04.07.2006 — II Aleksi[1]
11.09.2006 — Əkmələddin Ehsanoğlu[1]- 21.02.2008 — Rəcəb Tayyib Ərdoğan[1]
21.05.2011 — İslam Kərimov[1]- 20.11.2011 — Kiril[1]
04.01.2013 — II İlya[1]
14.01.2014 — Qurbanqulu Berdiməhəmmədov[4]
İstinadlar
redaktə- ↑ 1 2 3 4 5 6 7 8 9 10 Şeyxülislam Ordeni Arxivləşdirilib 2014-07-01 at the Wayback Machine. qafqazislam.com (az.)
- ↑ Владимир Путин встретился с представителями религиозных общин Азербайджана. kremlin.ru, 21.02.2006. (rus.)
- ↑ Prezident İlham Əliyev Qafqaz Müsəlmanları İdarəsinin sədri şeyxülislam hacı Allahşükür Paşazadəni və bir qrup din xadimini qəbul etmişdir.[ölü keçid] president.az, 22.12.2005. (az.)
- ↑ Allahşükür Paşazadə Türkmənistan prezidentinə "Şeyxülislam" ordeni verib. Arxivləşdirilib 2014-08-20 at the Wayback Machine apa.az, 14.01.2014. (az.)